هو ايه اللى حصل فبيوتنا!!, ؟؟

موضوع: هو ايه اللى حصل فبيوتنا!!, ؟؟ 1/27/2008, 00:59

أحبابى الطيبين بجد عندى أسئله بتدور فى راسى ونفسى أعرف

وأفهم منكم كلكم إجابتها وبتمنى توفونى الاسباب بدون حرج حتى

نتمكن من الوصول لاسباب الصحيحه وماذا يجب علينا فعله

ولنتعلم جميعا إذا كانت هناك اخطاء وموضوعى هو كبير شويه

ومهم جدا على فكره انا لاطشاه من اختى ملكة الاحزان بس اختى

مننا وعالينا برده و لاهميته بجد حبيت احطه هنا

أسيبكم مع الموضوع

وسؤالى هو إيه اللى حصل فى بيوتنا بجد حاجة غريبة بقيت فى بيوتنا

كلنا معرفش برود و لا ظروف صعبة مشاعر باردة جفاف حالة ملهاش

وصف كدة زمانكم بتقولوا ملك قلبى اتجننت لا مش تقلقوا لسة عاقلة

هو سؤال انت مين اول حد بتشكيله همك ?

و الدتك

ولاوالدك

و لا اصحابك

و لاحبيبك أو حبيبتك

لما سألت الاسئلة دى لاصحابى اغلب الاسئلة خرجت برة اطار البيت

طيب حاجة تانى !! ليه الولد بيتكسف انه لما يكون متضايق

و الدنيا مسدوودة فوشه انه يترمى فحضن مامته و يشكيلها همه ؟

علشان هو مترباش و متعودش على كدة بيحس ان دة ضد رجولته

و لا علشان الام نفسها مش فاضية تحس و لا حد فاضى لحد اصلا

و كل واحد فوداى تخيلوا ان بيوتنا بقيت لوكندات

كل واحد بدماغه واهو بنتجمع فى الليل و ننام و نصبح كل واحد فى حاله

طيب البنت اللى كبرت و محتاجة حنان و محدش حاسس بيها

اهم حاجة انها تاكل كويس و تذاكر كويس

علشان بابا و ماما عايزنها تبقى احسن واحدة فالدنيا

مش مهم هى متضايقة و لا مخنوقة و لا اى حاجة المهم تذاكر و تاكل

كويس و خلاص مش مهم تتكلم و لا تعبر عن نفسها و ييجى الاب

و الام يقولولها احنا عينينا طالعة علشان نجيبلك كل اللى انتى عايزاه

و مش حارمينك من حاجة عايزينك تذاكرى كويس و تنتبهى لمصلحتك

و ناسيين هى محتاجة ايه تانى غير الفلوس

طيب مش حقها تدور على المشاعر برة ...!

و للاسف بتدفع التمن غالى اوى اوى و فى الاخر الاهل بيخسروا

برضه طيب دى تعمل ايه عارفين اننا بقينا بنشحت الحب.............؟

اه و الله بنشحته بندور عليه ممكن البنت تحب واحد علشان بيفهمها

و بتعرف تتكلم معاه مش مهم اى حاجة تانى رغم ان دة ممكن

تلاقيه فى البيت ومش تحتاجة تدور عليه برة

الولد اخلاقه باظت ملموم على شلة عيال صايعه اه و الله اخلاقه باظت

بس الصيع دول هو اللى بينسى معاهم الدنيا هما الى بيرتاح معاهم

بيلاقى روحه معاهم بيلاقى حب معاهم اه اصحابه رجاله لما بيحتاجهم

بيلاقيهم انا مش بقول ان الصحوبية غلط او عيب بس قصدى ازاى

صاحبى يعرف عنى اكتر من اختى واخويا البيت بقى فاضى ليه من

الحب من الاهتمام والدفا طيب راح فين الحب؟ والعيب فى مين !!

العيب فينا ؟

بقينا مش عاجبنا حاجة و كل واحد عايز يستقل بحياته ؟

و لا اتربينا غلط لان اهالينا كانوا تعبانين فى ربايتنا و نسيوا حاجات

كتير و سط الهموم و الشقا اللى شقيوه ؟ و لا هما اصلا مش عارفين اهتماما تنا ؟

يمكن ظروفنا المادية و الاجتماعية الصعبة هى اللى عملت كدة ؟

كام واحدة اسرارها مع اخوها طيب كام واحد يعرف ان اخته بتحب

معلش الكلمة متوجعكمش اوى كل البنات ليها اخوات ولاد و بتحب

و بتعمل علاقات لكن احنا محدش فاضى لحد خالص

تفتكر اخر مرة زورت قرايبك امتى ؟

مع انك كل يوم مع اصحابك و مرمى على النت يعنى مش مشغول

عمرك رحت ملجأ ؟؟؟؟ أو دار مسنين ؟

عارفين يمكن لو روحنا الاماكن دى نحس بقيمة الحاجة اللى معانا

و نحاول نستفيد منها طيب هو احنا ينفع نصلح العلاقات دى بعد

ما كبرنا خلاص و لا ناخد بالنا علشان نربى اولادنا صح

افكار كتيرة اوى اوى فى دماغى بقينا فى مجتمع غريب كله حاقد

على بعض : بيوت باردة : علاقات مشبوهة احتياج للحب

حاجات كتير بقى عليها علامات استفهام

و للاسف ناسينها او متناسينها

عايزة اعرف من كل واحد هيدخل نعمل ايه

نرجع الدفا لبيوتنا ازاى

نشيل خجلنا من اهالينا ازاى

و لا دة خلاص مستحيل

و نفكر فى اللى جاى ازاى عشان نقدر نربى اولادنا صح

انتوا بقى اللى هتكملوا مش انا :: أوك أتمنى اهتمامكم

لان الموضوع حقيقى كبير قوى ومحتاج ردودكم بدون خجل

معلش عارفه إنى جيت على الجرح ودوست عاليه بس معلش

عاوزين ايد على ايد ونعرف نعمل ايه عشان مش نقع فى الغلط

ونندم ونرجع نقول ياريت اللى جرى ما كان ويبقى وقت

ماينفعش فيه الندم &&

صراحة توبك جامد جدا جدا جدا يا ملك قلبي ...

عموما بالنسبة ليا انا اول ميبقي فية مشكلة عادية يعني

مش بحكي لحد خالص بس لو المشكلة كبيرة شوية مش بحكي

غير ل امي بس . ....... والهي بقي بالنسبة للحوار بتاع العلاقة

بين الوالدين والابناء .... مش محتاجة غير شوية حنان من

الاهل وصلة مستمرة ..... ونشوف راي باقي الناس ..

وتاني سانكس ليكي علي التوبك

اولا انا بحييكى على الموضوع دا وطبعا ملكة الاحزان ربنا يوقمها بالسلامه يارب

انا عن نفسى لو فى اسرار هتختلف الاسرار دى من سر لسر

يعنى مثلا لو اسرار عاطفية ممكن ماما تحس بيا واقولها عادى

لو اسرار حاجة تانية امممممممممممممممممم محدش يعرف ممكن صحبى يعرف بيها بس

بس انا لحد دلوقتى مش افتكر سر انى اخاف اقولة او اخذل منة يعنى

لية مش الاب :: امممم بحس كتير ان الاب هوة رب الاسرة هوة الكبير العاقل القدوة لينا
فبصراحة انا اخاف اروح اقولة انى عملت كذا غلط او احكيلة على حاجة

لية مش الاخ :: امممممممممممممممممممممممم مش عارف كتير بفكر فى الموضوع دا لية مش اخوية

اة صحيح افتكرت مليش اخوات

وزى من دكتور علاء ان البيت لازم الواحد يلاقى الحضن الضافى بالاخص البنات

زى ما انتى قولتى ان البنت ممكن تحب ولد علشان انة بيسمعلها وبيفهما ودى مشكلة المفروض فعلا ان البنت بالذات تلاقى دا فى البيت

ندخل بقى على صلة الارحام والمودة بين العائلة

بصراحة انا مقصر جدا جدا جدا جدا جدا جدا جدا من هنا لحد بكرة يعنى فى الحتة دى

هقولك السبب لية بقى يا ستى وبكل صراحة

لما كنت فى 2 اعدادى كدا او اولى اعدادى يعنى بابا قالى انت دلوقتى خلاص بقيت راجل

مينفعشى تخرج معانا او بمعنى انت خلاص كبرت بقى اعتمد على نفسك

اخرج بقى لوحدة مع اصحابك اللبس بردة مع اصحابك وكدا

فمن صغرى وانا بقيت مش بروح عند حد حصل ان فى حتت خجول انى اروح لهم

من قرايب اينعم مش كلة لكن معظمهم بس بحاول دلوقتى غير التليفونات طبعا اروح

بابا من صغرى ودا طبعا مش عارف غلط ولا صح عيشنى فى سن مش سنى

يارب اكون قدرت اجاوب عليكى يا ملك قلبى وتكونى فهمتنيى

بس زى ما دكتور علاء قال ان البيت فعلا ناقصة ان يكون فى شوية من الامان والاستقرار

وانة يكون فى حد من الطرفين الاب او الام وهيا بتكون الام غالبا يعنى صديقة الابن

دا هيكون افضل فعلا ونتجب اخطاء كتيييييير ان شاء الله

بشكرك كمان مرة على التوبيك الجامد دى

واكيد تم التثبيت بعد اذن مشرفنا العزيز البرنس سمير طبعا

شكرا

اها ممكن ارد تاني لو سمحتي hehe يعني اكمل باقي الرد

اقتباس :: يمكن ظروفنا المادية و الاجتماعية الصعبة هى اللى عملت كدة ؟

تفتكر اخر مرة زورت قرايبك امتى ؟

عمرك رحت ملجأ ؟؟؟؟ أو دار مسنين ؟

الظروف المادية والاجنماعية سبب بس مش كافي ومش مقنع طبعا ....ياما شفنا ناس مش لاقية تااكل بس سمعتهم في السماء

انا الحد للة مش مقصر اوي في حكاية زيارة قرايبي دي ..... بس مقصر طبعا شوية .

صراحة عمري مروحت ملجاء ولا دار مسنين بس بجد نفسي ..... وحاجة حصرية ان شاء الله انا منظم مسيرة الي ملجاء في الترم التاني ان شاء الله مع اصحابي في الكلية وهتبق ي كبيرة وانا الي هنظمها .
ونفسي كمان بجد بجد اروح مستشفي 75375 .

......فية حاجة كمان يا ملك قلبي ....حكاية البنت والحب دة .لازم بالزات البنت تكون مع مامتها اصحاب يعني تقولها كل كبيرة وصغيرة اظن دة حل مثالي طبعا لان مفيش ام هتسيب بنتها تعمل حاجة غلط هيا اساسا كدة كدة هتحكيها لها ...... وربنا يسهل يمكن تشوفي مني رد تالت . اصل صراحة التوبك جامد موووت

أهلا و سهلا بك أختي هنا

شكرا جزيلا على الموضوع الراقي و الهادف

جوابا على السؤال

أختي ،، أنا أشكي همومي و مشاكل للأشخاص على حسب حجمها

و نوعها المشاكل الصغيرة مثلا في العمل أحتفض بها لنفسي

و أحاول حلها دون علم رب العمل ،، لكن اذا كلنت كبيرة

و مصتعصية ألجا الى أصحاب الخبرة و المعرفة دون تردد

أما المشاكل الشخصية أحاول أن أبقيها بعيدة عن الاسرة

أذا كانت مشكلتي مع صديقي أشكيها لصديق آخر ،،

و معي أخي أشكها لباقي أخوتي ،،

أما مشكلتي مع خطيبتي فأكتمها في نفسي

موضوعك جميل أختي جازاك الله خيرا

في انتظار المزيد

نايس توبيك بجد

انا لو عايزه احكى لحد بجد هيكوون اختى و مامتى

ولو الموضوووع كبييير اوي و محتااج راى حد عااقل اوى

هيكون بابا

اما صحا اابى بيكونو عا رفييين عنى الحاجات البسييطة يعنى

وشكراا ع الموضوووع

الموضوع جميل جدا وواقعى
النقظة اللى بتحكى فيها هى التفكك الاسرى فعلا كتير من الابهات والامهات مايعرفوش كل حاجة عن ولادهم
انا رأيى ان لازم الام بالذات تعرف كل حاجة عن بنتها والاب يعرف على الاقل ابنه ماشى ازاى مين صوحابه كده يعنى؟
بالنسبة لصلة الارحام ده شىء طبعا انا الحمد لله بصل الارحام والرسول قال ليست صلة الارحام ان تصل من وصلك ولكن ان تصل من قطعك وانا بحاول اعمل كده الحمد لله
اما بالنسبة بقى لموضوع بحكى لمين انا بحكى لأى حد قريب منى اوى سواء كان حبيب او صديق لكن مش اخ لأن ماعنديش اخوات اصلا ولو كان فيه زكان قريب منى اكيد هاحكيله
بالنسبة بقى لموضوع الحب انا ماقدرش اقول لبابا كده انا مع دادا فى النقطة دى
ماما يمكن لو بالصدفة يعنى
محتاجين الامور تترتب تانى فى البيوت الابهات والامهات بقى بيسيبوا البنت تلبس اللى هى عايزاه وادى النتيجة اللى شايفنها فى الشارع لغاية ماهم نفسهم افتكروا ان ده عادى

بجد بجد موضوع جميل جدا وانا بحييكى عليه

نايس توبك
بس على فكره اناا اجابتى مخرجتش من بره البيت
و عايز اقول حاجه
مهما كان فيه مشاكل فى البيت
مظنش ان انا لو جيت لوالدى و قولتلك محتاجلك
مش ممكن هيرفضنى
و برده نفس الحكايه والدتى
بس هوا ده الصح
ده اول حد هيعرف السر
ممكن احكى لأصحابى بعدين
و بعدين كل الوقت مبيكنش فيه سر بينى و بين اخويا
انا اعرف عنه كل صغيره ووكبيره
و هوا برده نفس الحكايه
ممكن اخاف لو حكيت لواحد صاحبى حاجه
و حصل و لقدر الله اختلفنا
و دبت بنا خناقه
اكيد هيقول دنتا كذا و كذا وكذا
و خلاص مبقاش سر

إمممممم ياواد انت ياجامد ملطوش منى ماسى ماسى اوكات ياقمر

شغلى كله ومجهودى ياناس بس عشان قولتى انى اختك ومنى

وعاليكى سماح المره ديه وبس اسحولى اجاوب وبدون زعل

ولا حتى ملك قلبى لان طبعا كله عارف انها اختى الكبيره

بس بقولها برده من غير زعل انا اقرب الناس ليا بعد ربنا والدتى

الله يرحمها وبعدها بابا هو سرى او بمعنى من قبل وفاتها احنا بقالنا

18 سنه عارفين بانها اكيد هاتسيبنا عشان مرضها ولكده كنت لما بحكى بيبقى ليها

بس عشان ظروف مرضها انها يوم معانا و30 يوم غايبه عن الوعى ومش عارفانا

كنت بحكى لبابا والله احيانا بيبقى مش عاوزنى اتكلم تعبان او شئ بستنى وقت رايق فيه

واقوله طبعا كله هايستغرب موضوع انى بنت وبحكى لبابا ادق التفاصي الشخصيه

وسورى فى الكلمه اللى تخصنى كبنت فى حياتى وكل شئ لانه القريب منى بدل

ماالجأ لعمتى او اى شخص تانى مهما كان قلبه مش هايبقى عاليا قد والدى

والحمد لله لو حبيت انسان وشوفته وكلمته واى شئ بابا بيعرف طبعا

او مثلا صادفنى اى مشكله ما حتى ولو بسيطه والدى لان معلش لو هاحكى لاخويا

او اختى او حبيبى مهما كانوا سنهم برده لسه صغير مهما كانوا اكبر لكنهم محتاجين

يعرفوا ويستفيدوا ويتعلموا زيى صحيح الرأى مشوره لكن الاكبر سنا اكيد

هو اللى هايفيدنى اكتر والحمد لله والدى بالرغم من مرضه وسنه لكن بيسمعلى

وانا يمكن اكتر منك ياداليا بتكلم معاه بدون زعل ويهمنى اسمع رأيك وردك انتى كمان

عشان كلنا نتعلم من بعض ومن أخطاء بعض

بجد ميرسى جدا جدا جدا توبك حقيقى فظيييييييييييييييييييييييييع

بجد انا مش لاقى كلام اقولة بعد كل الاعضاء اللى قالوة

بس بصراحة السوال دة اجابتة بتختلف من شخص للتانى

بالنسبة لى مثلا انا من النوع اللى بكتم فى نفسى جامد دة لو كان الموضوع خاص

قوى. بس لو كان عاطفى اوكى بحكى لاصحابى علية عادى او اى سر اخر

وفى حاجات انا ممكن اقولها لاصحابى مش اعرف اقولها لاى حد فى البيت دة

مش لانى خايف منهم او هم حرمنى من فعل دة بس لانى مش اتعوت على كدة

واخدت انى احاول احل مشاكلى كلها باذن ربنا

وزى ما انت قولت بردة دة على حسب التعود على الاشخاص

وفى النهاية دى بردة من وجهة نظرى

ميرسى جدا جدا ليكى

» كل اللى بينا
» ياترى ايه اللى بتفكر فيه..................؟
» الناس اللى لسة هنا تدخل هنا
» ده اللى حصلك قبل ما يحصلى...
» لية ؟ لية اللى بنحبهم ما بيكونو الينا ؟لية ؟(قصة ابكتنى)