اكتر ما يلفت الولد فى البنت شعرها ..وبرده ممنوع دخول الشباب

الله هو انا مش قولت مممنوع دخول الشباب برده الفضول مش كده

ماشى على العموم إحنا بنرحب بيكم وعشان بس تعرفوا اننا

بنعلم بعض وبنعملكم المستحيل يمكن ترضوا عننا هههه

خدى بقى ياست البنات النصايح ديه من أبله ملكه وإن شاء الله

تفيدك كتييييير قوى ..................

اكثر ما يلفت الولد فى البنت شعرها ... جمالها ... اظافرها ...

مكياجها ... البرفان بتاعها

يعنى من الاخر مستوى النضافه !!!

2- يكره الشاب البنت المدخنه ويشعر انها بلا انوثه يعنى اول

ما تشوفيه جاى ارمى السجاره وارزعى واحده هولز

بالنعناع وانتى تبقى تمام

3- بيحب الولد ان تشاركه البنت همومه لا ان يشاركها هى

اهتماماتها يعنى اسمعيه وحسى بيه بقى .....

مش تقعدى تمسكى ودانه لحد اما هيبقى هيموت منك

5- لا يؤمن الولد بالبنت التى لا تخطط لمستقبلها يعنى اعملى

نفسك انك بتمتلكى عربيه وشقه ونجاح باهر وانك مخططه

لمستقبلك صح حتى لو انتى اصلا مبتفهميش او حتى شحاته

6- الولد بيكره البنت التى لا توفى بوعودها يعنى من الاخر بيكره البنت

اللى بتفرقعه اللى بتخليه يقف على الكوبرى فى عز الحر زى عبد الحليم

والحوارات دى

7- بيعشق الولد البنت العنيده يعنى خليكى عنيده اشرحلك فيها ايه دى كمان

ده انتم جبتولى شلل ..........

8- بيكره الولد البنت اللى عامله نفسها بتفهم فى كل حاجه ومفكره

نفسها فيلسوفه يعنى من الاخر اتكلمى ببساطه ومتحوريش عليه

وعلى نفسك وكونى تلقائيه وطبيعيه

9- بيحب الولد البنت اللى بتفهم فى كل انواع المزيكا ان شالله روسى

ايوه روسى اتعلمى روسى ده حتى سهل اوى انا عن نفسى حافظه

كلمه منه اسمها { شربخشوف} ومحدش يسألنى ايه معناها

10- بيعشق الولد البنت المثقفه اللى بتجيد اكتر من لغه يعنى اتعلميلك

كام كلمه من كل لغه وروحى اتمنظرى قصاده وعادى خالص كأنك

لسه متخرجه من السى يو ايه حالا

11- بيكره الولد البنت صاحبه الصوت العالى واللى بتسخر منه

قصاد صاحباتها يعنى احترميه واديله برستيجه قصاد الناس

ولما يمشوا انتى وهو قطعوا بعض

12- بيحب الولد البنت اللى تشاركه احزانه وافراحه يعنى تبقى معاه فى

الحلوه والمره مش هتخديه لحم وترميه عضم فاهم ولا أعيد ؟؟؟

13- بيحب الولد البنت الغيوره ولكن بحدود يعنى متخنقيش عليه اوى

يروح يخلع منك ويروح للبت سوسو وماتلاقيش غيره انتى عارفه

سوق العرسان ولا تهمليه يروح منفضلك ويروح للبت توتو

14- الولد دايما بيخون ولكن لما بيحب بيبقى صعب يتخلى عن اللى

بيحبها عشان كده حاولى تقربيه منك اكتر واكتر

15- الولد بيحب البنت المتدينه اللى بتعرف امور دينها يعنى اول

ما تشوفيه ارمى شريط تامر من الووكمان اللى معاكى بس بعيد اوعى

يشوفه مش تحدفيه فى وشه وتخليى الاعمى يشوف وطلعى

على طول شريط عمرو خالد هتلاقيه بيقولك ياه مشفتش فى اخلاقك

16- الولد بيحب البنت المحافظه على رشاقتها يعنى بطلى اكل بالسمنه

وبطلى محشى ومكرونه عشان الولد مبيحبش البنت الجامبو

17- الولد بيحب يكون محور حديث البنت مع صاحبتها يعنى حسسيه

انك طول مانتى قاعده مع اصحابك بتشكرى فى سيادته

18- بيكره الولد البنت اللى بتبقى عاوزه تدفع الحساب لما بيخرجوا

يعنى هو بيحب يدفع خلاص سيبيه يدفع انتى غرمانه حاجه من جيبك

19- بيحب الولد البنت اللى بتحترم اهلها متهيألى دى واضحه

20- بيحب الولد البنت اللى بتقوله ياه انت شكلك حلو اوى النهارده

واستايلك هايل بصراحه حتى لو كان هو معفن اصلا مش مهم

هو انتى لاقيه مبقاش فيه عرسان اصلا يعنى تحمدى ربنا

وتبوسى ايدك شعر ودقن وتكلبشى فى اللى معاكى بأيدك وسنانك

وربنا يستر اللهم بلغت بقى

ههههههههههههههههههههههههههههه

ايوة كدة علميهم

ههههههههههههههههههههههههههههه

شكرا يا ابلة ملكة على التوبيك

هههههههههههههههه

المهم انى كنت متاكده وانا بنزل الموضوع ان الوحيد اللى هايدخل

ويهتم ويرد اخويا الغالى ربنا مايحرمنى منك بس ايه يابنات

مش عاوزين تتعلموا ولا ايه انتوا احرار بقى محدش يرجع ويقول

ياريتنا كنا اتعلمنا من ابله ملكه هههههههههه

ومرسيه ليك جدا ياداد شرفتنى بردك