هبل البنات

موضوع: هبل البنات 9/21/2007, 00:28

اول حاجة احب اقولها ان الموضوع دا وصلنى على الميل من كام يوم
بصراحه موضوع جااااااااامد ( هوا مش جامد اوى يعنى )
بس بيدل على هبل البنات
بس وربنا البنت دى صعبت عليا اوىىىىىىىىىى

بصوا بأه ..أولا الحكاية دي من فصيلة هم يبكي و هم يضحك ..بس الصراحه يعني الصراحه ..انتوا هتضحكوا عليا أنا.....هتشوفوا ......بس بقولكوا ايه بما اني فتاه ركيكة ..قصدي رقيقة رقيقة..و مهيضة الجناح..ههه حلوة مهيضه دي..فبليز بليز ..بلاش تريقة
الحكاية دي مايعرفهاش أي حد غير انا و ماما ..ماحكيتهاش لأي حد من أصحابي ..يعني ابقوا اتفشخروا قدام كل أصحابكم بالأمتياز ده ...حصريااااااااااااا ..حكاية العريس التاني ل عايزة أتجوز ..إقرا الحادثة ..اقرا الحادثة
احمم..مقدمة...عارفين ايه احساس واحده و هي ماشية في الشارع و تحس ان حد معجب بيها..مش معاكسه يعني و كده ..لأ بيبقى فيه كده كيميا زي مابيقولوا الأجانب ..و على فكرة فيه جوازات كتير بتبدأ كده ...واحد يشوف واحده في الشارع..يمشي وراها ..يعرف ساكنة فين و يسأل عليها و يخطبها ..ابن عمي عمل كده و البت لسعته حتت قلم على وشة ..علم على صداغه 3 أيام ..قام هو اتكيف قوي و قال البت دي واضح انها مؤدبة و متربيةوراح خطبها ..آه و النعمة..هي صحيح بعد كده اتضح ان ايديها بتطول عليه في كل المواقف مش في الموقف ده بس ..بس و الله الراجل مبسوط و بيحلف باليوم اللي شافها فيه..و بيلعن أبو ...والا بلاش دي في مقام عمتي برضه
المهم أنا يوم نازله من البيت رايحه الشغل..حسيت بكيميا م اللي كنت بقولكم عليها دي ..حسيت ان فيه عين هتخرم قفايا ..اتديرت بسرعه كده في الخباثة لقيتلكم راجل انما ايه ..طول بعرض بارتفاع.ماسك ف ايده شنطة سودا و لابس بدله و كرافته و نضارة شمس....عامل كده زي العيال اللي كانوا بيطلعوا في إعلانات جمعية شباب المستقبل بتاع جمال مبارك "شباب الجيل ..قوام جينا ..هو ..هو" فاكرينهم ؟..المهم الواد كان حليوة و انا قلبي هفهفله أول مالمحته ..استنيت شوية ع المحطه و بعدين جه الميكروباص..ركبت راح راكب ورايا..قلت الشياكه دي كلها هتركب مكروباص ليه يعني..أكيد في الأمر إنا ..و جه كمان قعد جنبي ....يا حلولي يا حلولي..بس كنت خايفه ليعاكس و ساعتها أنا ماعرفش أبويا ..باللي ف رجلي و لايهمني لا شباب المستقبل و لا جمال مبارك ولا حاجه أبدا..بس لاقيته في نص المسافه كده ..بيميل عليا و بيقول باسلوب رزين كده
...لو سمحتي ممكن أسأل حضرتك على حاجه ..وانتوا ماتعرفونيش... باتسطل لما حد يقولي حضرتك ..بس برضه مش سهله يعني..صدرت الوش الخشب و قلتله ..خير بمناسبة ايه ؟...يعني كنت عايز أسأل بس ..هو حضرتك مرتبطه ..واضح انك مش مخطوبة ولا متجوزة مافيش دبل في ايديكي ..بس الإرتباط بأه لازم أتأكد منه من حضرتك ..(حضرتك تاني يا حلولي)..والله الكلام ده مايتقالش في مواصلات و بعدين انا ماعرفكش و مش متعوده أكلم حد ماعرفوش ..طب يعني أنا لو معجب بحضرتك و عندي نيه أتقدم رسمي ..أعمل ايه ..أصلي بصراحه متابعك من مده بس دي أول مرة أتشجع و أحاول أكلمك ..ياحلاوة ياحلاوة متابعني من زمان ..ده واقع بأه..بس برضه على مين ..لازم أثبت ..و الله لو حضرتك متابعني زي مابتقول تبقى عارف بيتي و عارف بابايا ..هو الوحيد اللي ينفع يتكلم
في المواضيع دي ..لو سمحت ماتحرجنيش اكتر من كده ..جامده جامده يعني ...الحقيقة انت كده أثبتيلي اني أحسنت الإختيار....ياسلام ياسلام..الله الله ..هو ده الكلام ..لحد كده الأمور كلها صح و مية مية ..صديته آه بس كمان قلتله كلم بابا..سيبتله سكه مفتوحه يعني .
الواد بأه التباع راح شاخط فيا في اللحظه دي ..الأجرة يا أبله والا هتركبواببلاش...يابن اللذينا ..دانا عماله أترسم من ساعتها تبعتر كرامتي كده ؟...جيت أمد ايدي جوه الشنطه لقيتلكوا الأخ بأه راح بسرعه مطلع فلوس و محاسبلي ..لأ مايصحش ..لأ بأه اسمحيلي ..أنا لا يمكن أقبل واحده هاتقدملها تدفع و انا موجود ...وجون وجون وجون ..هيتقدملي خلاص أيوة كده هو انا صحيح ماعرفش هو بيشتغل ايه و الا عايش فين والا بيقلد فنانين والا ايه نظامه بس الجواب بيبان من عنوانه.
أول ما المكروباص وقف لقيته نزل معايا في نفس المحطه و بصلي و قاللي ...........أنا حبيت أنقذك يعني في المكروباص ..واضح قوي انك ماعاكيش فلوس...الدم ضرب في نافوخي..وله انت هتتمنظر عليا والا ايه ؟..واضح ان شنطتك فاضية آخر الشهر بأه يالا وفرتلك أجرة المكروباص تنفعك ..بصتله بذهول كده و قلت له ..مين اللي قالك الكلام الفارغ ده ..انا عمري مامشي بشنطتي فيها أقل من 300 جنيه..قالي باستهزاء كده ..لاااااماصدقش..الدم كان خلاص قرب يطلع من نافوخي زي النافورة..رحت مطلعه كل اللي في المحفظه مورياهولي ..أهه حتى شوف 50-100-200-220
لقيته مد ايده اخد الفلوس..و بصلها كده و عدها و قاللي آه صحيح انتي معاكي فلوس أهه
و في لحظه راح مطبقهم و حاطتهم في جيبه ..و قاللي انا هاخليهم معايا بأه سوفينير (هديه يعنى او تذكار)لحد لما آجيلكم البيت ..ماستوعبتش و قبل ما آخد فرصة أقول كلمه واحده كان راكب ورا واحد على موتوسيكل شكله كده كان ماشي ورا المكروباص و هوا ..فص ملح و داب
أختكوا بأه واقفه في وسط الشارع هابلااااااااااه ..زي اللي اتدلق عليه جردل مايه مش نضيف..مش عارفه أصوت والا أطلع أجري وراه والا ألطم على وشي ...فضلت واقفه يجي خمس دقايق في الشارع مش عارفه اروح فين والعربيات تقعد تزمرلي و لما تلاقيني مسهمة تقريبا اللي سايقين يقولوا في نفسهم دي يا اما طارشه يا اما مجنونة يا اما م اللي بيبيعوا مناديل ..و الناس تعدي تبصلي... و العيال الصغيرة يشدوا في هدوم أهاليهم ..بابا بابا هي الست دي عامله كده ليه؟
بعد شوية كده لفيت و دخلت المستشفى اللي باشتغل فيها ..و على وشي تعبير كده زي تعبير العمده الآلي بتاع زمان ..دخلت الصيدلية..قعدت ع المكتب ..و فجأه .....انفجرت في العياط ..و العيال زمايلي اتلموا حواليا..مالك ..فيه ايه؟...حد زعلك ..حد كلمك؟
من بين العياط و الشحتفه ما اقدرتش أقولهم غير كلمه واحده
............ ......... ......... ......... ......... .
............ ......... ......... ....
............ ......
اتسرقت
.......
.....
...
..

موضوع: رد: هبل البنات 9/24/2007, 01:10

ههههههههههههههههههههه

ربنا يستر على بنتنا وبنات المسلمين يارب

بس البنت طبعا غلطانة

شكرا على التوبيك

موضوع: رد: هبل البنات 9/24/2007, 03:34

هههههههههههههههههههههه

بس ممكن تصير كمان مع الشباب مش بس مع البنات يعني اي واحد ممكن يتحط بهالموقف
تسلم ايديك يا كابتشينو

تحياتي RoRo

موضوع: رد: هبل البنات 9/24/2007, 15:07

ميرسى على المرور باتوبيك ويارب يكون عجبكم

وان شاء الله فى تقدم على طول

موضوع: رد: هبل البنات 9/24/2007, 15:07

كابتشينو كتب:: ميرسى على المرور باتوبيك ويارب يكون عجبكم

وان شاء الله فى تقدم على طول

موضوع: رد: هبل البنات 9/24/2007, 17:17

ههههههههههههههههههههه
والله جامده جامده
بس على فكره مش البنات بس اللى ممكن يتعمل فيهم كده برده
أى ولد ممكن واحده حلوه موزه كده تنفضه ياعنى
شكرا كابتشينوا على الموضوع التحفه دع

موضوع: رد: هبل البنات 9/28/2007, 19:57

ميرسى يابوسى على المرور بالتوبيك

موضوع: رد: هبل البنات 9/30/2007, 21:59

حلو اوي التوبك دا

LiTTlE WhiSpER

موضوع: رد: هبل البنات 10/1/2007, 17:42

ميرسى على المرور ياااlittle whisper

زائر

جاااااااااااااااااامد جداااااااااااااااااا التوبيك دة ههههههههههههههههههههههه

موضوع: رد: هبل البنات 10/1/2007, 23:02

ميرسى على المرور مستر Gho0o0oSt

موضوع: رد: هبل البنات 10/1/2007, 23:41

هههههههههههههههههه

نايس توبك

LiTTlE WhiSpER

موضوع: رد: هبل البنات 10/2/2007, 14:23

good topic
good man

موضوع: رد: هبل البنات 10/3/2007, 13:30

حلو اوي بجد الموضووع ده بس فعلا البنت غلطانة

موضوع: رد: هبل البنات 10/3/2007, 14:48

ههههههههههههههههه قصة جميلة بس معلش متتعملش على اى حد شكلها سقطه كيميا واكن البنات خدوها عليهم كلهم ليه

موضوع: رد: هبل البنات 10/5/2007, 21:51

little whisper كتب:: هههههههههههههههههه
نايس توبك
LiTTlE WhiSpER

ميرسى على المرور بالتوبيك

موضوع: رد: هبل البنات 10/6/2007, 06:15

ههههههههههههههههههههههههههههههههههههههههههههههههههههههههههههههههههههههههههههه

لا يا اخى

مش ممكن

ده

فظيع

WhiSpeR

I always needed time on my own

I never thought I'd need you there when I cry

And the days feel like years when I'm alone

And the bed where you lie is made up on your side

موضوع: رد: هبل البنات 9/24/2008, 23:37

يالهوى ...بجد الموقف وحش اوى انا مش عارفة لو مكانها هعمل ايه بجد وحش جدا

» تعرف "لية البنات بتكرة كل البنات التانيين"
» آدي البنات و عمايلهم السودة !!!
» اغبي البنات
» موبايل البنات
» المستحيلات الثمانيه عند البنات؟