المصباح السحري بين يديكِ ... ماذا ستطلبين ؟؟
مبلغ كبير يكفي اطلع بابا وماما الحج
وابني دار الايتام
من هو الشخص الذي لا ترفضين له طلبا ؟؟
الاطفال
ما هو السؤال الذي لا تجيبين عليه إطلاقا ؟؟
لو سؤال محرج اووي اهرب منة بسرعة
لو زوجك رفض انك تتصفحي في المنتدى والنت؟ هل ستوافقيه؟
اكيييد عندة راي وسبب لرفضة فهنتناقش فية يا يقنعني يا اقنعة
متى تكون شخصية دينا قوية ؟وهل تفضلي شخصيتك القوية على شريك حياتك؟
مش فاهمة قصدك من اول جزء .. هو رااجل يعني المفروض شخصيتة قوية وكمان
انا مبحبش الراجل الخيخة يبقي خسارة فية كلمة راجل بصراحة بس مش معناة يبقي سي السيد
هو راجل اة بس انا عندي كرامـــة وانسانة يعني ليا احساس يبقي انا هراعي شعورة وهو هيراعي شعوري
لو بايدك ريموت التلفزيون هاتجيبى قناة ايه وليه؟
انا بحب المسلسلات اللي ليها قصة حلوة وواقعية او فيلم واقعي وقصتة حلوة
وبحب الكاااارتون جدا علي فكرة والافلام الاجنبي بموووووووت فيها
بس ف كل الحالات لازم يكون واقعي ولية قصة حلوة مش تافة يعني وانا مش من
عشاااق التلفزيون .... بس دلوقتي نفسي اتفرج ع مسلسل ف السحور كدة او اسمع اغاني رمضان
بجد
ما الذي يجعل دينا
تتعصب؟
لو بكلم حد مغرور او احس ان اللي قدامي بيقلل مني
بس انا مش بتعصب بسهولة
تضحك ؟؟
لو افتكرت موقف لذيذ حصل او حد قال حاجة دمها خفيف
تتألم ؟؟
لم تحب اللي حواليك وتتعب عشان خاطرهم وتخاف ع مشاعرهم واحساسهم
وملاقيش مقابل والمقابل اللي اقصدة ان حد يقدر اللي عملتة معاة بس
تجامل؟؟
لو حد فرحااان بحاجة اوي وانا من وجهة نظري مش حلوة عمري ما اقدر اكسفة
فبجاملة عشان مكسفهوش بس انا مش بعرف اجااااامل خالص الا لو ادبست اوووي
ومع حد بحبة
تتعاطف ؟
لما بلاقي حد يستاهل او فوضع محتاج مني اتعاطف معاة
تضحى ؟؟
لو حد بحبة اوووي ويستاهل بضحي ع قد ما اقدر
او اني اضحي بحاجة لحد عشان هو يمكن يكون محتاجها عني
او هتسعدة وانا بالنسبة ليا عادي يبقي اضحي
تعتذر ؟؟
لو اخطات في حق حد
او ظلمتة او اهنتة
وناااااااااادرا لما بيحصل حاجة زي كدة
تتحدى ؟؟
انا بحب التحدي جداااااااااا
وخصوصا اني اتحدي نفسي
لما المطر بينزل بتحسي بايه؟؟
ببقي فرحاااااااااااااااانة اوي انا بحب المطر اوي
دة خير وشيء ممتع وعشان كدة انا بكرة الشمسية وعمري ما مشيت بيها
ساعات كتير مش بنقدر نتحكم فى انفعالاتنا , امتى دينا مش بتقدر تتحكم فى انفعالاتها ؟
لو حد ظلمني اوووي او حد اهان كرمتي مش بتحكم ف نفسي ساعتها
شعورك حينما تجدى من اقرب الناس اليك اهمال سواء فى المعامله او غيرها ؟
بتـــــــالم وبحس اني غبية اني عملت حاجات كتير وضحيت بحاجات كتير
لحد ما يستاهلش وحصلي كتييييير الحكاية دي واضح طاقة الحب اللي جوايا
محدش بيقدر يستحملها
ورد فعلك هيكون ايه ؟
ببعـــــــــــد
ممكن ان اى حد يقنعك بموضوع بسهولة ولا بتفضلى تعاندى معاه؟؟؟
انا مش بقتنع بسهولة خاااااااااالص
بس لو حاجة معروفة انها كدة صح عمري ما هعاند
شخصيتك من النوع اللي بتصمم على هدفها ولا ممكن تقدم شوية تنازلات
عندية جدااااااااااااااا ف الموضوع دة ولما بصمم ع حاجة يبقي
مفيش حاجة تقدر تبعدني الا لو ربنا عايز
بتؤمني بعمل المرأة ولا لأ و ليه ؟
بؤمن جداااااااا بعمل المراة لانها انسانة ونفسها تحقق هدفها وتشتغل وتبقي ليها حياة خاصة
وتقدر تصرف ع نفسها وكمان المراة اثبتت جدارتها ومن غيرها في شغل كتييير هيقف
وهيختل التوازن وطالما مش حرام يبقي خلاص تشتغل طالما مش هياثر ع حياتها الاسرية
لو خيروكي بين زوجك و شغلك دا لو انتي مع عمل المرأة تختاري ايه بأمانة ؟
هقولك حاجة جوزي دة باذن الله المفروض انة بيحبني فاللي بيحب حد مش هيمانع انة يسعدة
وهييبة يعمل اللي يريحة ولازم يكون بينا تفاهم فعمرة ما هيقولي اقعدي من شغلك ولو حصل هيبقي
عشان سبب واحد وهو اني مقصرة ف حقة وف حق البيت يبقي ساعتها عندة حق ولازم اقعد
بس لو مش مقصرة معتقدش ساعتها ابدا انة هيقولي اقعدي طالما مراعية ربنا فية ومحافظة ع بيتي
لو خيروكي بين زوجك و اهلك تختاري مين ؟ و ايه وجهه نظرك ف كده ؟
اللي ملهوش خير في اهلة ملهوش خيــر في حد
الاثنين مقدرش اقصر ف حقهم ولا ابدي حد عن حد
يقال{ بأن الحب الاول لا ينسى } ما رأيك ؟
اكيييد
الحب الاول مثل الحياة والموت لا يتكرر مرتين
متى يحل الصمت بديل للكلام عندك ؟
لو كلامي مش هيبقي لية لازمة او هيجرح حد
يبقي افضل الصمت
ما رأيك فى مقولة الإبداع يولد من رحم المعاناة؟
كلام تمام الحاجة ام الاختراع
ماذا تعنى كلمة الثقة بالنفس بالنسبة لكى؟؟
اثق بنفسي يعين يبقي عندي القدرة اني اتحدي
واقول رايي بصراحة وقدام الناس
ما الاصعب من وجهة نظرك الاعتراف بالحب ام الاعتراف بالكره ؟
الاعتراف بالحب طبعا الاصعب لاني لما اعترف لحد اني بحبة ياتري بقي هيكون بيحبني
طب لو قلتلة هيبعد عني طب اية اللي هيحصل اما الكرة حد بكرهه يبقي ميهمنيش شعورة
اذا كان هيتجرح او لا بس والله العظيم انا عمري ف حياتي ما كرهت حد
لما بتستعملى قلم كتير بتستعملى اكتر قلم رصاص ولا قلم حبر أو جاف ؟
مش بحب استعمل الحبر خالص دايما بستخد الجاف وبحب القلم السنون
تلاقيني مسكاة وقاعدة برسم والجاف اقعد اكتب بية
لو المنتدى ماكنش اسمه حدوته تحبي يبقى اسمه ايه؟
ملتقي الاحبة
من هي أكثر عضوة شعرتى انها تشبهـك ؟؟
كل واحد لية شخصيتة المستقلة ومحدش لة شبية في كل حاجة بتبقي ف حاجات معينة
وعشان اجاوب ع سؤال زي دة لازم اكون عرفاهم شخصيا واتعاملت معاهم
كان نفسك يبقى ليكي اسم تانى فى الحقيقة ولو كان كنتى تحبى يكون ايه ؟
انا بحب اسمي عشان بابا اللي اختارة ... ولو هختار اسم تاني ممكن يكون حبيبة
وختاما يقــولون الإبتسامة أجمل ما فى الكون ولكن سر جمال الإبتسامة هى أن تكون من وجه جميل ... ومع لحظة البسمة الجميلة
جملة جميلة اوووووووي يا احمد واجمل شيء ف الدنيا الابتسامة بتفتح الابواب المقفلة
وتريح اللي قدامك وبزعل اوي لما بمشي ف الشارع والاقي الناس مكشرة بيجيلي اكتئاب ساعتها
وبيستعجبوا اوي لما ببتسم اكن الابتسامة بقيت شيء نادر مش بيحصل واللي يقولك عشان مش شايلة هم
بس انا نفسي اسالهم سؤال يعني التكشير والكئابة دي هتحل مشاكلكم ؟؟؟؟ انا ببقي غرقانة وف مشكلة كبيرة
وببتسم للناس مش ذنبهم اقرفهم بتكشرتي يمكن لو ابتسمت لحد اريحة
سلام ياجميل
سلام يا احمد وبجد نورتني ومبسووووطة كتير باسئلتك
كنا اخوااات بجد وبيحبوني اوي 
