السلام عليكم
اولا انا سعيد جدا لانضمامى لاحلى منتدى ولاحلى شباب ولاحلى صبايا
واتمنى انى الاقى هنا حسن الضيافه ومتعه الحديث ومش بعيد عروسه لقطه وبنت حلال كمان ههههه 
واتمنى ان تقبلونى ضيفا ( وتعملولى لقمه كده ع السريع اخوكم جعان ) 
ثانيا عجبتنى فكرة الاسئله دى اوى لانى فى كلمتين مركونين فى الحته الشمال جوايا ونفسى اقابل بنت من بنات حواء عشان اقولهم لها
ليه لو الراجل فينا حب بنت من كل قلبه واخلص لها فعلا وقدم لها الحب الحقيقى والصادق وكان طيب وحنين عليها بمعنى
(انه بيحترمها ومش بيعلى صوته عليها ومفيش بينهم حاجه اسمها ضرب او اهانه لاى سبب كان )
تعتبر ده ضعف منه
لا وكمان تبدأ تتعالى عليه وتحس انها صاحبه الشخصيه القائده وتحس انها ملكته
لكن لو تعامل معاها ببعض الخشونه احيانا يبقى كده راجل فى نظرها رغم ان ده سهل علينا اوى بس الافضل طبعا ان انا احس
انها متساويه معايا فى كل حاجه لانها نصى التانى وحته منى مينفعش احس انى انا السيد وهى العبد
طيب سؤالى بطريقه تانيه
ايهما تفضل الفتاه فى حبيبها
الذى يتعامل معها بقسوة احيانا(ولا يراعى وجود اى شخص قريب او غريب )
الذى يتعامل معها دائما بطيبه وحنان(وله اسلوبه المحترم فى نقد تصرفاتها او معاقبتها او عتابها دون اهانه او تجريح)
ارجو الصراحه فى الاجابه
ومحدش يغش من اللى جنبه
