سلوك المزة المصريه

موضوع: سلوك المزة المصريه 8/6/2010, 17:53

و الله انا المزز بيصعبوا عليًّ قوي. يعني أنا مش متخيل لو كل ما آجي امشي في حته الاقي الشعب كله بيبصلي هيبقى إحساسي ايه.
رد فعل الشباب في مصر لما بيشوفوا واحده حلوه, هو بالظبط رد فعلهم لمّا بيشوفوا أبو تريكه.
- وله وله وله..بص يله.
و تلاقي عشرين واحد باصين و فاتحين بقهم متسمرين كأنهم شافوا كائن فضائي بيطلب واحد بيج ماك كومبو في ماكدونالدز.
بس دلوقتي الشباب مابقاش بيكتفي بالبص..لازم البت تاخدلها عشرين بق في السكه.
- صباح القشطه.
- يا جماله.
- أموت أنا و أعيد السنه.
- انا قلبي بيهرّش, و نفسه يتحرّش.

أنا مش عارف هيّ العيال دي متصوره إيه؟ البنت هاتقف و تقول:
- بعد الشر عليك من أنك تعيد السنه.
أو:
- سلامة قلبك..لأ خلاص إتحرش براحتك.
يا ريت الدنيا كانت سهله كده.

التحرش المستمر ده أثر على المزز,و خلى المزه المصريه بقى ليها شخصيه
معينه, و صفات متكرره, لا تخفى على العين الفاحصه, المدققه, المتمعنه في
كل حته بتكوّن
جس..أقصد وجدان و شخصيه الأنثى المصريه.

أولاً التناكه:

المزه المصريه تناكه امها عجبه..و دايماً مرتسم على وجهها أعتى علامات
القرف, و لو ماتعرفكش مش هتبصلك و لو كلمتها مش هترد عليك,ولو ردت عليك
هيبقى ردها بايخ.حتى لو انت بتسألها على شارع أو سؤال" برئ" زي (أركب
منين؟)

ثانيا..مستعجله:
لاحظ معايا كده, هتلاقي ان كل المزز اللي بتشوفهم في الشارع بيمشوا بسرعه
وكأن عندهم ميعاد مهم (مع واحد إبن محظوظه طبعاً), و يدخلوا اول عماره
تقابلهم,او يركبوا أقرب عربيه في سكتهم. وكأن في قانون بيمنعهم من الظهور
لأكتر من عشر ثواني في الاماكن العامه.
مع إن ده مش تصرف البنات بشكل عام..يعني الوحشين ملقحين في كل حته,
بيقعدوا قدامك في المترو, وجنبك في الشغل,و على قلبك في البيت. و بيعدوا
الشارع في مجموعات مأنججه بعضها قدام عربيتك, و تزمرلهم يتنحوا في خلقتك و
يخلوك تفكر انك تدوس عليهم و تريح رجاله كتير من شرور مستقبليه.

ثالثًا..مشغوله
المزه دايماً بتعمل حاجه, بتتكلم في الموبايل, بتقرا أو بتكتب في حاجه, مندمجه في حوار مع حد,بتتفرج علي هدوم في محل.
متلاقيش مزه قاعده فاضيه كده أبدًا. مافيش مزه قاعده علي دكه في الشارع
بتتأمل, مافيش مزه بتتمشى لوحدها زي التايهه في حديقه عامه, مافيش مزه
بتتسكع لوحدها في الشارع (بإستثناء جامعه الدول و شيهاب..و دول هبقى
اشرحلك بيعملوا ايه بعدين).

رابعًا..دمها تقيل
لو الظروف اسعدتك بالتعرف على مزه, يعني مثلاً خارج مع اصحابك و صاحبة ولا
خطيبه ولا مرات واحد فيهم جابت معاها صاحبتها المزه, غالبًا هتلاقي البت
المزه دي غلسه قوي.
ليه بقى؟
لأن المزه عارفه إنها مزه, ف مابتحاولش.
وجود سعادتها في القعده كفايه..و كده كده سعادتك مدلوق عليها, و لو مش مدلوق, مش مهم, غيرك مدلوق.
ليه بقى هتتعب نفسها و تضحك لمّا انت تهزر, و تهتم لما انت تتكلم, و تدوّر علي حوار تتكلموا فيه لمّا الكلام يخلص؟
هي جايه بوشها..او بجسمها, وشكراً على كده..زي اللي مشاركك في مشروع براس المال كده.

خامساً..ليهم أماكن تجمع.
طبعاً مش محطه المترو بتاعة التحرير.
ولا الكشك اللى ع الناصيه اللي حضرتك بتقف عنده مع أصحابك الأفاضل.
ولا القهوه..ولا أي مكان انت بتروحه أصلاً.
المزز الجامدين, اللي مابيهزروش يعني..بيروحوا هاوس بارتيز..بوول بارتيز..كوستيوم بارتيز..أو اي نوع بارتيز انت مابتتعزمش فيه.
بيعملوا شوبنج من بره..اللي انت بتشوفهم في المولات و محلات اللبس اللي انت بتشتري منها دول مزز فرز تانى.
بياكلوا في الستيك هاوسزو السوشى بارز والفايف ستارز هوتيلز..مافيش مزه
بتروح تضرب موزه يوم التلات من عند الرفاعي ولا نص كبده و طاجن عكاوي من
عند البرنس..إنسى.

في علامات بتصاحب ظهور المزه و هي:
توقف الحديث الدائر بينك و بين أصدقاءك بلا مبرر.
رغبه حاده في الذهاب إلى الجيم.
إحساس جماعي بالحسره و المراره.
رغبه مفاجئه في ترك صديقتك أو فسخ خطوبتك أوتطليق مراتك.

وفي حاجات بتزوّد إحتماليه ظهورالمزز و هي:
وجود موسيقى الهاوس أو الترانس.
وجود طفل أو كلب "كيوت".
حضور دروس لتعلم الصلصا.
ممارسه اليوجا. (مش في بيتكوا..في جيم يا حبيبي)
إمتلاك سياره بي إم دابليو او 4*4 .
صدور (بمعنى نزول..مش اللي في دماغك) فيديو كليب لجضرتك.
تتعرف على حمزاوي بتاع ميلودي.

الدرس المستفاد:
إجري يا بني آدم جري الوحوش, يا تلحق الميكروباص يا متلحقوش.

خدعوك فقالوا:
الوحشه بتجيب الحلوه.

حكمه اليوم:
الدنيا مابتديش محتاج.

موضوع: رد: سلوك المزة المصريه 8/6/2010, 18:10

ههههههههههههههههههه
جاااااااااااااااااامد كالعاده يا صحبي
يسلمو

موضوع: رد: سلوك المزة المصريه 8/6/2010, 18:51

هههههههههههههههههههههههههههههه

والله موضوع جامد جدااا ولذيذ جدااا
وعندك حق في كلام كتييييييييييييييير
تسلم إيدك دكتور لمبادا وفي إنتظــــــــار جديدك .. أختك : ديــــــنا

موضوع: رد: سلوك المزة المصريه 8/6/2010, 20:43

ههههههههههههههههههه

والله انت دماغك رايقه

تسلم ايدك يابوب على موضوعك الجامد

موضوع: رد: سلوك المزة المصريه 8/8/2010, 09:59

جايه بوشها..او بجسمها, وشكراً على كده..زي اللي مشاركك في مشروع براس المال كده.

ههههههههههههههههههههههههههههههههههه جامدة قوووووووووى

والتوبيك حلو قوووووووي

موضوع: رد: سلوك المزة المصريه 8/8/2010, 14:45

gaaa7d

موضوع: رد: سلوك المزة المصريه 8/8/2010, 16:24

منورين يا شباب
يا رب يكون التوبيك عجبكم

موضوع: رد: سلوك المزة المصريه 9/22/2010, 20:29

ههههههههههههههههههههههههههه
جامدة

» الزمالك قلعه الرياضه المصريه
» صور العمله المصريه..جبتهالكوا من المتحف
» الفرق بين التلاجه المصريه واليابانيه
» علي الطريقه المصريه.....كولر قد يتعرض للعقوبات................
» عايز ترحيب يهز المملكه العربيه المصريه...................