مبدعة حدوتة على كرسى الاعتراف

اهلا بيك تانى يا تيمو
الكرسى نور
وهبدأ اجاوب

1. ياترى امنية بتتمنى تشوف حبها القديم . طيب ولو شوفتية صدفة هتكلمية ولا هتسيبية وتمشى ؟
*امنيه مش بتشوف حبها القديم . ولو شوفته صدفه فى اى وقت غير ده اكيد كنت هكلمه
بس الوقت الحالى بيننا زعل ووالله ما اعرف سببه
كل اللى اعرفه انه زعلان من حاجه مش عاتبنى فيها وانا سألت وهو مش قال يبقى انا عدانى العيب كده
ومش عايزه اعرف بقى خلاص مش فارقه
للعلم اننا بعد ما سيبنا بعض كنا اصحاب جداااا

2: اية اكتر حاجة ممكن تدايق امنية فى الشخص اللى قدامها ؟
*انه يكون بقعد يكدب كتير عارفين انتوا الناس اللى يدايقوا دول

3. صفة تحبيها ؟ صفة تكرهيها ؟
احب الصراحه اوى حتى لو كانت زياده عن اللزوم
واكره الهزار زياده عن اللزوم

4: مين اكتر حد بترتاحى وانتى معاه ؟
*صحابى بس بنعمل مصايب

5: فصيلة دمك ؟ اكلتك المفضلة ؟ مشروبك المفضل ؟
* فصيله دمى a
اكلتى الملوخيه
مشروبى المفضل فيروز اناناس

5: يا ترى امنية ممكن تحب تانى ولالآ؟
انا لا يمكن احب تانى ابداااااااااااااااااااااااااااااااا
خلصت
هيه

مودى يا حبى منور
معلش بقى على التأخير
والله جيت من الكليه انهارده متأخر ونمت شويه
عديهالى والنبى واواعى تفكر فى حكايه اسبوع تانى

مافكرتيش تطلعى كاتبة؟
فكرت اكيد وانا لسه عند تفكيرى
وبجهز للديوان الاول

لو دق الحب بابك هاتفتحى؟ولا ماحدشش موجود؟
هعتبره بيخبط عند الجيران

مين فى المنتدى تديهم الصفات دى؟

خفة الظل: ويسبر وفيدوديدو


الشهامة:مجرم حب


الطيبة: امانى و القلب الحزين


مواضيع بناءة:ميشو والاحساس المفقود


مبدع:ملكه الاحزان


متواجد دائما: دادا


فاكهة المنتدى: علاء وبوسى


الصديق الصدوق: لاموور


اللى لقاء اخر ها

حسام يا قلبى
واحشنى موووووووووووز
والله سألت عليك كتير
وكنت والله هعدى عليك انا ومى لما كنت موجود هنا
ونبدأ الاجوبه
1) مين اكتر حد بتخافي منه؟
*بابايا

2)انت قولتي انك مش بتسيبي حقك..!!..هل لازم تاخدي حقك من اي حد مهما كان..ولا في ناس لازم ناخد حقنا منهم وفيه ناس لازم نسامحمهم؟!
*كل حد لازم ناخد حقنا منه ومش بسامح حد يغلط فى حقى ايا كان لانه لو انا غاليه عنده زى ما هو غالى عندى مش هيغلط فيا انا عملتها قبل كده وسامحت واحد بس عشان غالى عندى جدا وبندم انى برجع فى كلامى واسامح
بس فى ناس الغلط منهم مش بعتبره غلط بس دول الناس اللى مش بزعل منهم عشان اصلا مفيش عشم
عادى يعنى مش فارقين

3)ايه اكتر حاجه بتكرهيها في حياتك؟
* الكدب والخيانه

4)امتي اخر مره ظلمتي حد؟..وامتي اخر مره اتظلمتي من حد؟..وليه؟
* انا عمرى ما بظلم حد والله وبعرف اتعامل كويس جدا انا بعامل ربنا يمكن لو ظلمت حد اكيد نفسى
واخر مره اتظلمت من حد قريب وهو عارف وقاللى انا ظلمتك بجد وليه دى بقى خليها بينى وبينك

5)لو كنت بتثقي في حد في يوم من الايام..وبعدين حسيتي انه مش مصدر للثقه دي..هيبقي ايه شعورك بينك وبين نفسك..وهل دا حصل ولا لا..وياريت تحكيلنا كمان؟
*اكيد هحس انى عبيطه ومش عارفه ادى الثقه لمحلها
مش حصل والله يا جماعه انا يمكن اكون اخطأت كتير فى التقدير لكن فى وضع الثقه مفتكرش

6)اكتر حلم حلمتيه ونفسك تحققيه؟
* بحلم انى ابقى مشهوره جدا

7) عمرك خنت حد؟
* الخيانه مش من طبعى بس العكس تماما واى حد اتعامل معايا يقول كده

8)ايه القرار اللي خدتيه وندمتي عليه؟
* مش بندم على قرارات لانى بفكر كويس
ومادام خدته وحتى لو غلط مش بندم هو خلاص اتنفذ

9)هل لكلام الناس بالايجاب او بالسلب علي شخص ما..قد يؤثر من انطباعك عنه؟
* بصراحه جدا جدا. . وبيكون هو الانطباع ومش بيتغير الا بصعوبه ومع التعامل كده

10)امتي اول مره فكرتي تكتبي؟..والكتابه بتمثلك ايه؟
* اول مره وانا فى تانيه اعدادى
بتمثللى عالم تانى بهرب فيه من العالم ده

11)مين اكتر ناس بتحبي تقري ليهم..وليه؟
* طبعا احب اقرأ لفاروق جويده
استاذنا الكبير وده طبعا عشان بحس انه بيحس بالحاجه زى ما انا بحس بيها
لما تحس ان حد قريب منك وبيفهمك من غير ما تتكلم
ده بيكون اقرب شخص ليك بحس انه بيكتب اشعاره عشان انا اقرأها وده طبعا فى خيالى بس فكره بحس بيها عشان كده لازم اى كتاب اقرأه وكأنى رساله خاصه

12)ليكي في السياسه؟..ولا بتخافي منها؟
*مش ليا فى السياسه بس مش عشان بخاف منها
بس عشان مش بفهم فيها
ههههههههه

13)لو بقيتي (ودا طبعا في الحلم)رئيس الجمهوريه..ايه او قرار هتخديه؟
* والله عمرى ما اتمنى ابقى رئيسه جمهوريه
عشان مش هعرف اتخذ ولا قرار

14)ايه رأيك في النفاق..والناس اللي بتنافق؟
*النفاق ده وجه ممسوح للعمله
فالعمله بتفقد قيمتها حتى لو كان ليها وجه كويس
اهو المنافق هو العمله بيفقد قيمته

كفايه بقي اسأله رخمه..واسالك بقي شويه روشنه..
اكتر مطرب بتحبيه؟ فيروز وفضل وعمرو
اكتر اغنيه بتحسي انك طايره وانت بتسمعيها..واكتر اغنيه بتفكرك بذكريات قديمه سواء حلو او وحشه؟
بحس انى طايره لما اسمع اغنيه قصاد عينى
اغنيه بتفكرنى بذكريات اغنيه بتيجى سيرتك نانسى


اكتر فيلم بتحبيه؟...واكتر فيلم بيخنقك..
اكتر فيلم بحبه تروى
اكتر فيلم بيخنقنى مفتكرش

اكتر ممثل بتحبيه؟ براد بيت طبعا

اكتر مسرحيه بتحبي تشوفيها؟ الواد سيد الشغال


يااااااااااه كل ده يا حسام
كل ده شايله فى قلبك مننى
هو انا عملتلك ايه عشان الانتقام ده
بس منور والله

EFRODIT كتب:

نور وجودك يا مونى الكرسى

حتى لو مش سألتى
وانا بحبك اكتر والله يا مونى
رغم ان ده مش كان رأيي الاول
بس التعامل بيغير الانطباع
وانا بجد يا امانى بتمنى اشوفك
وماما كمان بتسلم عليكى كتيييييييير

ههههههههههه
طيب ممكن تحكلنا اللى حصل يوم التلات ؟؟

مش عشان شريره والله يا مودى
بس اصل الصرصار شكله حلو اوى وهو بيعوم عشان يطلع يتنفس
اللى حصل التلات انه كان فى مشاكل كبيره وكننا فى الدور السادس
وانا ومى طالعين نازلين عشان نحاول نصلح الموضوع
بس الوحش بقى انى كنت لابسه كعب 10 سم
وانا اصلا اخرى بلرينا
عشان كده كان يوم صعب وروحت هموت من وجع ضهرى
ولحد انهارده
خلاص يعنى عامله فيها مصلحه اجتماعيه قال يعنى
يا عم تولع الدنيا المهم انا