هتتشعبط فى القطر ولا تسيببه يفوتك

وانا قاعد في يوم في امان الله بشرب شاي

شوفت الاعلان ده في احد القنوات الحكوميه المصريه

هتتشعبط فى القطر ولا تسيببه يفوتك 31192

يظهر أحد الشباب جالسا علي مقهي مع صديقه.

الحوار يدور بين المذيع الذي يقرأ الإعلان والشاب الجالس الي "عشرة طاولة" تشغله عن الدنيا وما فيها.. يحاول المذيع بلغة مباشرة تشبه الذين يلقون المواعظ ويحضون علي مكارم الاخلاق بطريقه قديمه قدم المتاحف لتشجيع الشاب علي ترك اللهو الي عمل مفيد.

الشاب الذي يظهره الإعلان متكاسلا ويفضل القهوة علي العمل يطرح اسئلة محرجة علي المذيع الذي لا يجيب بطريقة مباشرة وانما من خلال نصائح كالتي كانوا يكتبونها علي الكراسات المدرسية قبل زمن فهو يدعو الشاب للانخراط في اي عمل مهما كان بسيطا بدلا من الجلوس الساعات الطويلة علي المقهي والشاب يرد قائلاً: "كلام في سرك انا معايا بكالوريوس تجارة" الأمر الذي يفسره الإعلان بأنه رفض للعمل اليدوي..ثم يسأله الشاب عن احتمال قبوله زوجا لأي فتاة عندما يعلم أهلها انه "صنايعي" فيرد المذيع قائلاً ما معناه أليس هذا أفضل من الا يكون لديك عمل علي الاطلاق!!؟

نظرة حياديه الي الاعلان

يؤكد لنا ان هذا هي دعوة وتصريح من الدوله بتخليها عن توظيف ابنائها

ابنائها التي حصلو علي شهادتهم الدراسيه بعد مجهود ليس بالسهل منهم وبعد كم الاموال التي انفقها عليهم ذويهم

مطلوب منهم بعد هذا ان يلقو بالشهاده وراء ظهورهم ويتجهو الي العمل في المصانع

ومش مهم بقي لو المرتب اللي هياخده مش هايكفي المواصلات

ومش مهم بقي لو جه صاحب المصنع في يوم وخد قروض وقفل المصنع وهرب علي بره

المهم اني هاكون بشتغل
هو احنا ولاد رقاصه مشهورة ولا لعيب كورة ولا حرامي بياخد قروض بالملايين علشان الحكومه تشغلنا
يا راجل

ومن المثير للضحك

ان الاعلان تحول الي نكته بين الشباب

تشوف شاب بيسال زميله مش هاتلحق قطار الوظائف

يرد التاني

لا انا هاركب الديزل

الاعلان ببساطه

يلقي التبعيه علي الشباب دون ادني مسؤليه علي الدوله

فالشاب هو اللي بيتدلع ومش عايز يشتغل

وبيفضل القهوة علي العمل
مش مهم بقي معاه طب ولا صيدليه ولا بكاليوس تجاره
دي شهاده مالهاش لازمه
ارميها ورا ضهرك وروح اشتغل عامل سباكه ولا نجار مسلح
وسيبك من الشهاده مالهاش لازمه

سيبك بقي من تحليلي للموضوع وقولي

تحب تركب القطار ده ولا هاتسيب القطار يفوتك احسن؟؟؟

والحمد لله أنا لسة فى ثانوية عامة
مش واجع دماغى بكل دة
لما أبقى أخلص بقى يبقى ربنا يحلها
وبأذن الله هتشعبط فى القطر
سلام
م ن ق و ل
SaSa

نايس توبيك يا صاصا
تقبل مروري
نور

شكرا لمرورك يا نور
وتحياتى ليكى