هــــــل نــدمت يــوما ع صــراحتك مـع شخص مـــا؟؟؟ (أرجوا التثبيت)

اولا انا يشرفنى انى اكون اول من يرد ع الموضوع الجميل ده لان الصراحه دى عقده حياتى وكان نفسى اشارك حد رايى فيها.
هل تحتمل كلمة الصراحة أكثر من معنــى ؟ مامفهومهـا الحقيقي بنظــرك
طبعا الصراحه بتختلف من وجهه نظر لاخرى.
بالنسبه لى انا كنت دايما بعتبر ان الصراحه هى انى اقول الى ميعجبنيش او الى يعجبنى فى حد او حاجه معينه من غير تجميل او من غير كسوف.
إلى أي مــدى تكــون الصراحة مجـدية ومفيـــدة؟

طبعا الصراحه مفيده لانها بتغنينا عن النفاق وطالما انا صريحه يبقى هقابل معامله الناس ليا بردو بصراحه.
هل للصــراحة سلبيــات ؟ مـاهي
اكيد للصراحه سلبيات كفايه انها بتزعل ناس كتير اوى منى.
هــل تخــاف أوتتجنـب مصــارحة الآخــرين بحقــائقهم؟

دلوقتى اه بقيت بخاف او بمعنى تانى باخد بالى من الى بتعامل معاهم لان فى ناس تتقبل صراحتى وفى ناس تنتقدنى عليها.
هــل نــدمت يوما ما ع صراحتــك مع شخص مـا وتمنيت لو أنك لم تكــن صريح معه؟
اه طبعا صراحتى كرهت فيا ناس كتير لانهم اعتبروها بجاحه منى.
ماموقفك من شخص صارحتة بحقيقة مـا غضب منك وأنهال عليك بما لايرضيك؟
بصراحه محصلتش معايا,لكن لو حصلت طبعا هتحرج جدا وهضايق وازعل ان الشخص ده قابل صراحتى بالشكل ده واكيد هتجنب التعامل معاه بصراحه مره تانيه.
برأيك هل هناك فرق بين الصراحة ، الوقاحة والجرءة بالحديث ؟ أرجو التوضيح
اه طبعا فى فرق انا يمكن مكنتش بفرق بين الاتنين لكن مكنش الناس بيعتبروها وقاحه كانت بتميل للجراه اكتر,والفرق ان مش دايما لما يتطلب منى رايى اقوله بصراحه لان فى حاجات صغيره ممكن تفرح الشخص او تضايقه فاحيانا بنضطر نجامل فيها لان مهما كان بردو دايما الافضل اننا نقول كلمه طيبه.
هل لك أن تفيدنا عزيزي العضو ببعض الوسائل الدبلوماسية لمصارحة الأخرين دون المساس بمشاعرهم.
دى بقى مش انا الى افيدكو بيها دى انا عاوزه الاعضاء يجاوبوا عليها علشان انا استفاد منها.
وف النهايه بشكرك بجد ع الموضوع ده ووالله دى اجاباتى وبمنتهى الصراحه.

انا مش ندمت كتير بس حسيت انا في حاجه غلط عملتها في كدا

انا مش ندمت كتير بس حسيت انا في حاجه غلط عملتها في كدا

الصراحة مطلوبة بالعكس دى أهم حاجة فى ضمان استمرارية أى علاقة

بس الإنسان لازم يعرف إزاى يستخدمها على حسب شخصية اللى أدامه

لكن أنا شايف إن مفيش سبب يخلى الإنسان مش صريح لو كان عارف وواثق من نفسه

ونايس توبيك

تحياتى

الصراحة امر ضرورى
وعمرى ماندمت على صراحتى مع حد
عشان دة بيبين شخصية اللى قدامى