علي قد ماحبينا وتعبنا في ليالينا
الفرحه في مشوارنا تاني حتنادينا
طول ماالقلب صافي بحر العشق وافي
وكل عذاب الدنيا حيروق بكره لينا
بس امتي امانينا علي الحلم ترسينا
بين ايوه ولا الحب بنلقاه
ما احلي الحياه بصحابنا واهالينا
وعذاب الحياه لما نكون واحدينا
لو نروق حيجينا كل ماتمنينا
لو ممكن تطيب احزان الحبيب
شمس الحب تطلع من بعد المغيب
بس امتي امانينا تيجي وتدفينا
ليه مانكونش ذكري في الليله الجميله
ليه مانكونش غنوه في الرحله الطويله
دا احنا ياما شقينا من يوم ما اتناسينا
لو نروق حيجينا كل مااتمنينا.
علي فكره يا جماعه دي كلمات شاعر كبير اسمه عبدالرحيم منصور..ودي اغنيه لاقيتها في ألبوم علي الحجار الجديد عجبني كلاماتها والمعاني اللي فيها اوي فحبيت انقلهالكم.
وكل سنه وانتم طيبين.
