اولا وقبل اي شئ اشكرك يا بوسي علي الموضوع الروعة دي اللي انت فتحتيه - اقتباس :
- هل البنت بتكون صديقة كويسة تنفع ترمى عليها حمولك و تشيل عندها اسرارك و العكس برضه للبنات
*اكيد اه لان انا كده فعلا ليا صديق برمي عليه كل حاجة والعكس صحيح والوحيد اللي يعرف بصديقي ده هو احمد خطيبي وبالعكس سايبني اتصرف بحريتي لانه واثق فيا بس اهلي اكيد من خوفهم عليا رفضين حكاية اني يبقي ليا اصدقاء شباب مع ان اخويا له اصدقاء بنات وبيجوا هم واهلهم عندنالو انت ليك/ليكى...صاحب/صاحبة...
نظرتنا لبعض ازاى ؟ نظرة الناس لينا ازاى ؟ ......
*نظرتنا احنا واثقين في نفسنا ومش بنعمل حاجة غلط
*بس نظرة الناس لينا ان بيقول هو في حاجة اسمها صداقة بين بنت ولد اكيد لا يبقي في حاجة تانية دي نظر الناس
هل الحب عيــــب طب لو عيــب (عيب ليه؟) و ليه بنفهمه غلط
*لا مش عيب ايه بس هم اهلنا بيخافوا علينا من اللي بيحصل مش اكتر
ولو حد بيشوف اتنين بيحبو بعض بيفهمهم غلــط .. لـيـــه ؟؟!!!
*دي اكيد بس لما بيتخطبوا يبقي دي الاتنين مفيش زيهم في اخلاقهم وفي كل حاجةانما لو لسه يبقي الاتنين صيع
ليه نظرة الأهل للحب غلط ليه بيكون بينا و بين اهلنا اسوار عالية فى النقطة دى بالذات
*لان احنا حاليا مش نعرف يعني ايه خوف علي اولادنا جايز لما ربنا يرزقنا نعرف يعني ايه خوف
هم بيخافوا ليكون لعب بالمشاعر او الانسان ده مش كويس وبالعكس
يعنى ليه مش بنصارحهم بحبنا ده
*لاننا عارفين انهم رفضين الحب ده مع ان ممكن يكون ابوي امي كان بيحبوا بعض زي اي اسرة
بس بيخافوا علينا
( مش ده افضل من اننا نوصل لحاجة وحشة زى الجواز العرفى و يرجع فى الأخر نقول يا ريت اللى جرى ما كان )
*اكيد افضل بدل ما نعمل حاجة غلط في شباب لما يحسوا انهم خلاص هيروحوا من بعض بيعملوا كده علي اساس انهم مش يبعدوا عن بعض
ليه المجتمع بينظر للبنت اللى عندها اصدقاء ولاد بيتنظرلها نظرة مش حلوة نظرة فتاة ليل
*هم اتعودوا علي كده
و الولد برضه نفس الوضع و نقول عليهم بايظين و فاسدين (صيع)
*بالعكس ممكن يقول يبقوا فرحنين بالولد انما مش ينفع البنت تعمل كده
انا عايزه اناقشكم فى الموضوع الخطير ده و اعرف رأيكم فيه
و رأيكم فى نظرة المجتمع للموضوع ده
*مش نقدر نغلط المتجمع لانه مجتمع اسلامي ومختلف عن اي مجتمع تاني كفاية ان الام لاخر لحظة في حياتها بتشيل هم ولادها
و هل هنقدر نغير فكرة المجتمع هنقدر نغير عرف متوارث من قرون فاتت
*لا مش هنقدريلا اتكلمو وقولو اللى انتو عايزينه متخافوش من حاجة
عايزه حالة حوار
رأى و رأى أخر
عايزه اعرف احنا بنفكر ازاى
بنفكر بدماغ 2008 دماغ النت و الكمبيوتر و الموبايل
ولا دماغ 1919 و دماغ سى السيد و امينة
يلا مستنيه ردودكم