اخواتي في حدوته
حقيقي بجد عايز اقولكوا كلام كتير اوي بس مش عارف اقول ايه
انا غبت عن المنتدى من مده حقيقي كنت حاسس اني كان ناقصني فيها كتير اوي
بجد وحشتوني اوي اوي
فكرت اكتب وابعت لكل الناس رسايل على الخاص
بس برضه للاسف مكنتش لاقي اي وقت
عايز اتكلم معاكوا كتير .... واعرف اخباركوا
انا عارف ان فيه ناس سالت عليا....وبجد مش عارف اشكرهم ازاي
وبرضه اللي ما سالش ربنا يعلم معزة الجميع في قلبي قد ايه
عايز اطلب منكوا طلب
اولا تسامحوني على غيابي ده اللي جه فجأه منغير مقولكوا عنه اي حاجه
بجد الدنيا كانت سرقاني
بس مينفعش حد يسيب اخواته ويغيب عنهم منغير ميقولهم
انا عارف اني قصرت واتمنى انكوا تعدوهالي
وعايز حاجة تانيه
المرادي من دادا
انا مش عارف اعتذر ازاي للراجل ده يا جماعة
انا ودادا كنا بنعمل عمل مشترك اسمه ثورة قلب
دادا اداني الماتيريال بتاعته عشان اشتغل عليها عشان الحلقة الرابعة تنزل
وكل الناس كانوا مستعجلينها
وللاسف انا اتشغلت عنه وعن حدوته وخذلته
انا بعتذر ليك يا مان قدام الناس كلها
وان شاء الله هحاول اخلص الموضوع ده
انتا شخصية محترمة اوي يا دادا...حقيقي الشغل معاك متعة...بس انتا عارف بياخد وقت قد ايه وانا للاسف مقمتش بالدور بتاعي زي ما كنت مستني مني
مش عارف اقول ايه كمان
عايز ارحب بكل الناس الجداد اللي بقوا اخواتنا في حدوته
عايز اشكر كل قلم ضاف جديد وافاد الناس في المنتدى
عايز اشكر اي حد اتفاعل مع موضوع في المنتدى ورد عليه
حقيقي حدوته وحشني ...وعايز اعمل كل ده مرة واحده
يارب تكونوا قبلتوا عزري
ومكنش تقلت عليكوا
تحياتي و سلامي للجميع
كتب:
