bosy
.
عدد المساهمات : 1487
العمر : 36
الاقامة : egypt
المهنة : طالبه بكلية العلوم
نشاط العضو :
ولد / بنت : 
الأوسمة : 
النقاط : 61037
تاريخ التسجيل : 19/08/2007
 |  موضوع: من رباعيات صلاح جاهين 2 8/26/2007, 21:24 | |
| ورا كل شباك ألف عين مفتوحين
و انا وانتي ماشيين يا غرامي الحزين
لو التصقنا نموت بضربة حجر
و لو افترقنا نموت متحسرين
عجبي !!!
نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!
علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!
انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!
ينبوع و في الحواديت أنا سمعت عنه
إنه عجيب .. و ف وسط لهاليب لكنه
شقيت كما الفرسان طريقي .. لقيت
حتي الخنازير و الكلاب شربوا منه
عجبي !!!!
يا قرص شمس ما لهش قبة سما
يا ورد من غير أرض شب و نما
يا أي معني جميل سمعنا عليه
الخلق ليه عايشين حياه مؤلمة
عجبي !!!
شاف الطبيب جرحي وصف له الأمل
وعطاني منه مقام يا دوب ما اندمل
مجروح جديد يا طبيب و جرحي لهيب
ودواك فرغ مني .... و إيه العمل
عجبي !!!
أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
عجبي !!
إيش تطلبي يا نفس فوق كل ده
حظك بيضحك و انتي متنكده
ردت قالت لي النفس : قول للبشر
ما يبصوليش بعيون حزينة كده
عجبي !!
إقلع غماك يا تور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!
يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
عجبي !!!!
في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!![/color] [b] | |
|
eman elma7y
..
عدد المساهمات : 43
العمر : 38
نشاط العضو :
النقاط : 60850
تاريخ التسجيل : 01/09/2007
| | موضوع: رد: من رباعيات صلاح جاهين 2 9/19/2007, 23:35 | |
| تحفه بجد..
كم أنا عاشقه لهذا الرجل..
كملي بقا بوسي وجمعي لينا الأعمال.. | |
|
ملكة الاحزان
::: الـمـراقب الـعـام :::
عدد المساهمات : 934
العمر : 39
الاقامة : قلب حبيب قلبى
المهنة : تأليف الشعر
مزاجى النهاردة : 
نشاط العضو :
ولد / بنت :
الأوسمة : 
النقاط : 60415
تاريخ التسجيل : 16/10/2007
| | موضوع: رد: من رباعيات صلاح جاهين 2 12/15/2007, 22:01 | |
| ~¤®§][بوسى][§®¤~
ماأجمل ماكتبتيه هنا
عندما تكتبي لنا
مايحوز على إعجابك
فهو خير دليل لرقتك وجمالك
لانه بديع ورقيق وجميل بالفعل
سلمت يمينك على النقل القيم | |
|
