معانا النهاردا ولمدة اسبوع بسمة المنتدى bosy

اولا ميرسي أوى أوى يا حماده على اللقب الجميل ده ويارب اكون بجد بشارك فى رسم بسمه لكل الاعضاء بجد
وانا والله حاجه تشرفنى أن أكون من أول الاعضاء هنا فى المنتدى
هبتدى بقى
بسم الله الرحمن الرحيم


1 \ اسمك وسنك وعنوانك ودراستك ؟؟
أسمى بسمه
سنى 19
عنوانى المحله الكبرى شارع سعد زغلول
دراستى الفرقه التانيه كليه العلوم جامعه عين شمس سابقا وطنطا حاليا




2 \ النيك نيم بتاعك جميل اوى يا بوسى ممكن تحكلنا قصتة ؟؟ وفى حد بينديكى برة المنتدى بالاسم دة ؟
والله بوسى ده مش من زمان أوى فى الثانوى كان اصحابى بيقلولى حسونه
بعدين أول حد قالى بوسى دى كان الكابتن بتاعى
من يومها ياعنى وبقى معظم اصحابى والناس اللى تعرفنى تقولى يا بوسى
لدرجة فى ناس نست أصلا أنى اسمى بسمه




3 \ بوسى ترتبيها الكام فى البيت ؟
أنا الكبيره
وبعدى 3 أتنين ولاد وبنت




4 \ اصحاب بوسى كتير ؟؟ كام واحدة من اصحابك ممكن تقوللهم اسراك ؟؟ فيهم صفات معينة ؟.؟ حد قبل كدة من اصحابك طلع سرك برة ؟؟ كان اية السر دة بقى (( برحتك ))
على فكره مش كتير أوى
ممكن أقول سرى لأى واحده منهم مش بعرف أخبى حاجه
صفات معينه مش عارفه بس أهم حاجه ياعنى يكونوا بنات محترمه وطيبين
وأهم حاجه يعدولى لأنى فيا صفات كتيره رخمه مش أى حد يستحملها وأكيد مى أكتر واحد عارفه الحوار ده
اه هى مره من زمان ايام ثانوى
مش سر أوى ياعنى هو أنا كنت حاكيلها على خناقه كده بين مامتى وبابا بسيطه ياعنى
ولقيت المحله كلها عرفت





5 \ طبعا بعد اما عرفنا ان بوسى عادة سنة فى سنة اولى هل دا كان تقصير منك ولا الامتحانات كانت صعبة ههههههه؟؟
كان تقصير جامد أوى أوى منى وأنا بعترف




6 \ اية اللى فى شخصيتك انتى شيفاه حلو اوووووووووووووووى ؟؟ واية اللى فى شخصتك مش عاجبك ونفسك تغيرية ؟
فى شخصيه حلو ياعنى مش فى حاجه مميزانى أوى عن أى بنت بس ممكن أنا مش بحب أحرج حد عمرى مش بحب أزعل حد منى
اللى نفسى أغيره بقى أنى مواعيدى زىىىىىىى الزفت
وبنسى بطريقه غبيه تقريبا زهيمر مبكر
وكمان بقى أنا بسامح على أد ما بسامح بس لما تقفل عندى من ناحية حد معين عليه العوض
قلبى ساعتها بيكون أسود أوى بجد





7 \ قدوتك اية فى الحياة يا بوسى ؟؟ هل يوجد حكمة ماشية عليها ؟؟
قدوتى والدى ربنا يرجعه بالسلامه
لأ مفيش حكمه معينه




8 \ ما هو الحلم المستحيل لدى بوسى ؟؟ واية هوة الحلم اللى نفس بوسى تتحقة وسهل انة يتحقق ان شاء الله ؟؟
الحلم المستحيل ده مفيش باذن الله
الحلم اللى نفسى أحققه بقى أنى أخلص الكليه على خير ومش أقع تانى فى النص
ونفسى أعمل اكادمية شرطه وأطله ظابوطه




9 \ انتى بتعرف تطبخى؟؟ بتعرفى تعملى اكل اية ؟؟ حصل قبل كدة ان الاكل اتحرق منك او الملح جية زيادة او او او ........... احكلنا كدة ؟؟ واية كان رد فعل اللى فى البيت ؟؟
بعرف أطبخ لأ خالص ولا أى حاجه
هو حصل مره كنا رايحين رحله أنا ونسمه أختى وصاحيين بقى من بدرى ماما كانت جايبالنا برجر وبفتيك حاجات الرحله دى وقالتلى حمريهو أنتى بقى
سهله ياعنى أنا حطتهم فى الطاسه ونسيت أحط زيت أو سمنه وأتلهيت بقى فى اللبس والطاسه ولعت والمظبخ هبب بس الحمد لله ( رحت الرحله)
وحصل بقى موقف زى دى كتير أيام المدينه وياعينى الضحيه كانت دايما هى حببتى مـــــــــــــــــــــى




10 \ بما انك مشرفة فى منتدى حدوتة اية رايك فى ::


مى (طبعا محدش يقدر ينكر مجهودها الرائع فى المنتدى معانا والله بجد شغلها فى كل الاقسام وبتشارك معانا فى كل المواضيع ربنا يوفاها )


امانى ( من الناس اللى كلنا طبعا حبيناهها جدا وشخصيه لذيذه جدا وحببتنى فى أهل المغرب والله )


مسترلونلى ( رومانسى جدا وشاعر وشخصيه محبوبه جدا من الناس اللى أتمنى بجد نكون أصحاب )


احمد مصطفى (ااااااه عدو المرأه ده هو مش حصل بينى وبينه كلام كتير ياعنى فى مواضيع معينه بس هو بيعادى المراه بس بطريقه دمها خفيف جدا وأحنا قابلين كلامه بجد)


علاء (علاء والله ماهما أقول مش هديه حقه قبل أى حاجه صديق عمرى من زمان جدا ومحترم جدا ودمه خفيف غير أنه مثقف وعارف فى كل حاجه مشاء الله عليه)


مودى (مودى بقى بتعجبنى ردوده فى المواضيع الرومانسيه جدا وحساه متواضع
وانشاء الله بجد نكون اصحاب ونتعرف على بعض اكتر)


ويسبر (خلاص بقى أقول ايه ده أحنا بقين أصحاب واد لذيييييذ ودمه خفيف جدا
وحبوب كده و من الناس اللى مش تزهق أبدا من الكلام معاها وساعات بيفكرنى بنفسى بس بصراحه مش عارفه بالظبط فى ايه )


دكنور محمد (اهلاوى ماعلينا بس بجد بجد من الناس اللى محترمه جدا ومن الأعضاء اللى شايله المنتدى بجد ومواضيعه كلها هادفه ساعات بحسه أكبر من سنه )


دادا (دادا بقى حد يقدر يقول حاجه حبيب الكل ومتواضع جدا ياعنى عمرنا ما حسيناه ريس علينا ياعنى وكفايه أقول أن كل الاعضاء بتحبه جدا جدا وأنا بقى شخصيه من الاصدقاء اللى غاليه عليا جدا وبحس ان هدوئه وراه شخصيه عاقله جدا )



11 \شايفة مين اللى فى المنتدى ممكن يبقى حاجة ان شاء الله معانا ؟ مين يبقى حاجه والله بجد الكل شغال بنشاط وأنا حاسمه أن فى ناس كتير أوى هتكون حاجه معانا




12 \ انشط عضو هنا معانا ؟؟ احسن مواضيع لمين غير مى ؟؟ احسن عضو يرد ؟؟ احسن
توقيع لمين ؟ احسن صورة شخصية لمين
أنشط عضو فى كتير اوى اللى مش نسينه فانتومان ودكتر محمد
أحسن مواضيع امانى طبعا بدون جدال
أحسن ردود بحب ردود علاء
أحسن توقيع الكلام اللى عند سينيور ابراهيم
والناس اللى بترقص عند علاء
والواد اللى شايل قلبه عند ويسبر
أحسن صوره شخصيه البنت اللى بفكر دى عند مى
ومحمد فؤاد وحلا شيحه عند كابتشينو

كفايه كده عشان ما تملوش منى وللحديث بقيه انشاء الله

ونكمل يا جماعه
معلش أنا بجاوب براحتى شويه
13 \ عايز تعريف منك لتلك الكلمات ::




الصدق عمله نادره أوىىى


الامانة صعب أوى أن الانسان يلاقى حد يأمنله بجد


الكذب بكرهو جدااااااااااااااااااااا بس صفه فى كل البشر


الخيانة أصعب أحساس فى الدنيا


الأنانية صفه بشعه وصعب أوى أنك تتعامل مع حد فيه الصفه دى


حب التملك وجه أخر للأنانيه


الصداقة اغلى شئ فى الكون وبرده اصعب شئ





الاعجاب متهيألى ملازم لمرحله المراهقة




14 \ بما انك مشرفة شايفة اية ناقص فى المنتدى ؟؟ هل انتى راضية عن المنتدى كدة ؟ تنصحى بأية ؟؟
متهياألى أن المنتدى بتاعنا ده والله كويس جدا أنه بقى كده فى فتره قصيره جدا
وراضيه عنه جدا
ومش ليا نصيحه غير أننا نكون كلنا أصحاب ومحدش يقف لحد على الواحده فى الرد
هاااااااااا
هريح شويه وأجيلكم تانى

جيت تانى أهو مش أتأخرت عليكم
نكمل مع دادا
15 \ ندخل شوية على الجوانب العاطفية شوية صغيرين
أوكى يا جميل معاك




ما هو الحب من وجهة نظر بوسى ؟؟ وامتى الحب دة يكون ناجح ؟؟
الحب ده أرق واجمل واسمى علاقه بين أتنين بس لو كان حب حقيقى أنما مش اللى بنشوفه اليومين دول لعب العيال اللى بيسموه حب
والحب فى حاجه بسيطه هو أنسان يفهمك من نظره عينك يحس بيك من غير ما تتكلم
من الأخر ومن غير ما أكون ببالغ الحب أنسان يحبك أكتر ما بيحب نفسه
أمتى يكون ناجح بقى دى لها عوامل كتيره منها أنهم يكونوا متفتهمين ياعنى تفكيرهم واحد
وحاجه كمان مهمه أن كل طرف لازم يحترم الطرف الاخر ويكون مقدر جدا وجوده فى حياته ولازم هما الأتنين يحترموا العلاقه بينهم وفى كل مرحله يكون لها حدود معينه محدش يتعداها




اول حب فى حياتى بوسى كان فى سن كام ؟؟ وكان اية احساسك ساعتها ؟؟
السنه دى
أكيد كان احساس حلو وكنت حاسه أنى بوسى تانيه غير اللى الناس تعرفها




هل دلوقتى بوسى معجبة بحد او فعلا عايشة قصة حب مع احد ؟؟
لأ




ونسأل السؤال التقليدى عن الصداقة ممكن تقلب الى حب نقول نعم سؤال بقى لية ؟؟والاغلبية تنجح ولا تفشل ؟؟
اهااااا
الحوار بقى ده كبير أوى بس أنا هقول فيه بأختصار
هو ممكن طبعا أن الصادقه تكون حب
ياعنى أتنين أصحاب عارفين بعض كويس
كل واحد عارف أيه الوحش والحلو فى التانى يبدأ أعجاب وبعدين حب ايه المانع ياعنى
الأغلبيه بقى بتفشل قولى ليه
أقولك عشان هى بتكون العمليه مش عدت عمليه الاعجاب
ياعنى زى ما قلت الشخصيتين أعجبوا ببعض وأعتقدوا أنه حب
بس بقى بيلاقوا بعض ما يرتبطوا يفجأو أن مشاعرهم تجاه بعض مش أتغيرت
ساعتها يفهموا أنه معداش مرحله الاعجاب ياعنى

وللحديث بقيه

نكمل بقى بالمره كده أسئله داد
16 \ اخبار الكلية اية والدراسة ؟؟ فى فرق من جامعة طنطا وعين شمس ؟؟ فى اية ؟؟
الكليه بقى والله قرفانى أوى يا جماعه أصلى الكليه بتاعى صعبه وأنا مش بحب المزاكره
بس ربنا يستر بفى أنا ناويه والله أعمل اللى عليا واللى يجيبه ربنا بقى
أكييييييييييد طبعا عين شمس أحسن الناس هناك بتعامل الطلبه بأحترام شويه عن طنطا
أنما فى طنطا أنتى يا أبله أنت يا بنى ياللى واقف وكمان بقى الجو العام هناك أشيك
بس طبعا طنطا راحه عشان مفيش سفر كتير زى كايور




17 \ ممكن كم نصيحة كدة 4عضاء بس كفاية 4
مش حسا أنى ممكن أدى نصايح مهمه ياعنى
بس ممكن أقول حاجه مهمه لمى
مش كل الناس تعمليها زى بعضها حاولى تفرقى فى التعامل




18 \ معاكى 6 وردات تهديهم لمين فى المنتدى ؟؟ ولو معاكى عود ديناميت تهدى لمين هنا وتخلصى ههههههه
السته
أمانى
ومى
ونورا
ومنى
ونوسه أختى
وهاله
خليه كله للبنات عشان الولاد مش بتحافظ على الورد
بكره هجيب تانى وأوزع أنا





19 \ بوسى لما تكون مضايقة جدا جدا جدا بتعمل اية ؟؟ فى مكان بوسى تحب تكون لوحدها وتكلم نفسها فية ؟
بصراحه بعيط مع نفسى
أنا بكلم نفسى فى أى وقت وأى مكان
مش مجنونه ياعنى بس لما أكون مخنوقه أوى ومفيش حد معايا أتكلم مع نفسى ( بتحصل)




20 \ بوسى تفتكرى موقف شوفتية موتك على نفسك من الضحك ؟؟ وموقف اخر ابكاكى من قلبك ؟؟ صحيح بمناسبة البكاء امتى اخر مرة بوسى بكيتى فيها ؟؟ موقف محرج حصل لبوسى شخصيا عادى قولى ؟؟
واحده صاحبتى أيام ثانوى ووقعت من الميكروباص بس وقعت زى العمود كده ما بيقه أصلها طويله كانت وقعه غريبه أوى من الضحك أنا واصحابى مش عرفنا نقومها
فى فيلم بتاع جواز عتريس من فؤاده باطل لما محمود مات يوم فرحه
أكتر حاجه بتحرجنى أن أخويا اللى رابعه ابتدائى بيلبس الكوتشيهات بتاعى




21 \ اية احلى اسم ولد واسم بنت تحبى تسميهم لأولادك ؟؟
أنا نفسى أبنى أدم
وبنتى رماج





22 \ هل انتى راضية عن نفسك ؟؟
لحد ما

معاكم أهو يا جماعه
أحنا بعد أذنك مستر لونلى هاخد السؤالين الصغنونين دول
وبعدين أركز معاك


لو اتجوزتي عايزة يبقي عندك كام ولد وكام بنت ان شاء الله وليه؟
ولد وبنت بس ياعنى عشان أهتم بيهم وأربيهم كويس
ونفسى أوى أجيب بنت اموره
أى اسئله تانى يا محمد منور معانا وشكرا على المشاركه

وردا بقى على نورين
بجد أسمك زى العسل
بوسى امتى بتبقى مجنونه وطقه؟؟؟؟
كتير أوى بالزات لما أكون أنا مع أخويا ياعنى تلاقى أكننا عيال صغيره ممكن نفكر نعمل أى حاجه غريبه
نشغل أغانى عاليه ونزعج الخلق
ننزل نشترى حاجه ملهاش لازمه كده ياعنى
ونفسى الأنسان اللى أرتبط بيه تكون دماغه زى حسونه أخويا كده
ياعنى نعمل اللى عايزينه ونروش وندايق فى خلق ربنا كده ياعنى
أى خدمه يا نورين

سورى سورى مستر لونلى على التأخير

بس المهم نبتدى بقى

وأنا ماعك أهو


1-الاسم بالكامل:
بسمه حسونه






2-محل الاقامة:
المحله الكبرى
شارع سعد زغلول





3-تاريخ الميلاد:
1_1_1988





4-السن(علشان مانفضلش نحسب!):19 سنه
و9 شهور وشويه أيام






5-رقم البطاقة: والله مش لقياهم من كام يوم
بس أول ما ألقيها هبعتهولك







اسئلة بقي ليها طعم...






1-الى أي مدى انت متأثرة بممامتك..نسبة كام في المية؟
مش كتير أصلى شخصيتى مش زى شخصيتها خااااالص
مامتى هاديه ومش بتاع مشاكل خالص

2-الى أي مدى ملابس الانسان بتعكس شخصيته؟
مش شرط خااااااااالص
بس لحد ما تعكس شخصيه الاسره فى البنات أكتر كمان من الولاد

3-امتى ممكن تقتحمي حرية حد؟
لا خالص حتى اقرب اقرب الناس ليا مش بدخل فى المواضيع الشخصيه ليهم الا لو أتحكالى


4- ايه هي اسطورتك الذاتية؟
اسطورت مين ياعم أنت مفكرنى سبيدر مان
أنا يابنى حياتى بسيطه جدا زى أى بنت مش حصلى مشاكل كتير فى حياتى ياعنى
ليا أصحاب كتيييييير بس أصدقاء بجد قليل أوى
أصعب مواقف عديت بيها أيام نتيجه الثانوى العام ونتيجه سنه أولى فى الكليه
محصلش مره ياعنى أنى أتخانت من حد خيانه جامده
ولا أنضحك عليا
حبيت ومحصلش نصيب
بس متهيألى هو ده اللى فى حياتى ياعنى يزكر

5- الى أي مدى بتسمحى للناس انها تقرب منك...طبعا أقصد الناس الي بتحبيهم،بمعنى اخر مساحة الخصوصية عندك اد ايه؟
أقولك بقى أصدقائى اللى غالين عندى مش بخبى عنهم حاجه خالص
بس ياعنى اللى هما أصحاب مش الصداقه اللى هى ياعنى يعرفوا اللى بحب أنا أقوله بس
بس تفصايل حياتى الشخصيه أوى مش كتير اللى يعرفوها


ونعود بعد الفاصل

ناخد فى النص سؤال على الخفافى كده

أمانى فى الأول بجد الصوره بتاعك تحفه

وانشاء الله بجد نفسنا نشفك فى مصر بجد وهنعملك الواجب
السؤال بقى
..لوعرفتي أنا في حد عملك بلوك على الإميل والواحد دا بتحبه كتير معملتيش فيه حاجة وحشة حتزعل ولا عادي.

مش هكدب أكيد هزعل
وبعدين هو أدام حد غالى عندى هقدر بقى
ياعنى هقول ممكن يكون مثلا كان فى حاجه
مشغول
كان فى حاجه خنقاه
أى حاجه ياعنى عشان ما ازعلش منه أدام هو غالى عندى
على فكره ده بجد والله اللى هعمله لو أتعمل كده معايا من حد غالى عندى
أنما لو مش يفرق
هعمل عليه انا كمان بلوك
مع أحسن دليت
وقلبك أبيض يقى يا أمانى

كلت الحمد لله
نكمل بقى مستر لونلى


ركز بقى معايا
اسئلة من نوع تالت...
ماكنا حلوين












ما هي الصفة التي تودين وجودها في فارس أحلامك في نفس الوقت الذي قد لا تعني السواد الأعظم من الفتيات من نفس جيلك ما إذا كانت موجودة أم لا ؟؟
مش شارطه ياعنى حاجه غريبه عن أى بنت
ولد محترم وحبوب
ومهم أوى أوى بقى أنه يكون دماغه عاليه زىى كده ياعنى يحب عمل أى حاجه تيجى على باله فى أى وقت






وما هي الصفة التي ترفضين وجودها في فارس أحلامك في نفس الوقت الذي لا تعني بها السواد الأعظم من الفتيات من نفس جيلك ما إذا كانت موجودة أم لا ؟؟
مش عايزاه يكون بيدخن
ممكن تكون مش مهمه عند بعض بنات بس مهمه عندى



وما هي الحسنة التي تودين وجودها في فارس أحلامك في نفس الوقت الذي قد تراه بعض الفتيات عيب وليس ميزة ؟؟
أحب أنه يحس أنه أفضل منى ومش أنا اللى أفضل منه
هو دايما يكون الكبير والصح وأنا الصغيره اللى بغلط وهو يسامحنى

ما هي السيئة التي ترفضين وجودها في فارس أحلامك في نفس الوقت الذي قد تراه بعض الفتيات ميزة وليس عيباً ؟؟
مش عايزاه رومانسى
لأ مش تفهومنى غلط الرومانسيه حلوه
بس أقصد اللى هو يقول بحبك وأنتى حياتى ومش ممكن أكمل من غيرك والحوارات دى
مع ان بعض البنات بتحبها
بس أحب الأفعال هى اللى تدل على حبه وخوفه عليا مش الكلام













بوسي بفرض أن طلبت منك أن تختاري مجموعة أعضاء من حدوتة لتشكلي منهم عائلتك الخاصة وتضعين كل مجموعة منهم في المراكز التالية:
الأب – الأم – الأخ – الأخت – الابن – الابنة

مع عدم وضع السن محل اعتبار بحيث يمكنك اختيار دادا في مركز الأب , واختيار لول في مركز الابن. مثلا يعني

فمن هم الذين ستختارينهم كأفراد عائلتك , وكيف ستصنفيهم ؟؟
أكيد الأب دادا عقله كبير ورزين كده
الأم مــــــــى بطيبتها وقلبها الكبير
الأخ لول ومستر لونلى دول اللى ممكن أحكيلهم على اللى خناقنى
لول كصديق شخصى ومستر لونلى بأعجب بأرائه جدا
الأخت أكيييييد أمانى بجد هى مش زى أختى لأ هى بجد بقت خلاص صديقه وأخت غاليه علينا كلنا