هل الإنسان أكثر غدرا من البحر ؟؟؟؟

بسم الله الرحمن الرحيم

هل الإنسان أكثر غدرا من البحر ؟؟؟؟
هناك مقولة شهيرة تقول ان "البحر غدار"
وكتير من الناس يعتقدون ان لا يوجد أشد غدرا من البحر
ولكنني أخالفهم الرأي فالإنسان بحد ذاته أكثر خطرا على نفسه من البحر
فالبحر مهما أخفى من أسرار وأخبار لابد في يوم تخرج أسراره على سطحه أو على شواطئه

اما الإنسان فهو بحر عميق جدآ بلا شواطئ ولا أمواج يشبه تماما مثلث برمودا المعروف بالخطر لكل من اقترب منه

فالبحر إذا غدر بنا فغدره يؤدي إلي الموت المباشر دون أن يمنح لضحيته الفرصة لتقبل الآلام

اما الإنسان إذا غدر بنا فإنه يترك جرحا عميقا جدا بضحيته يظل ينزف طوال عمره حتى يفارق الحياة او هناك من يمـــوت من شدة العذاب

والسؤال هنا:
هل توافقوني الرأي بأن الإنسان أشد غدرا على البشر من البحر ؟؟

زائر

ياسلام فين مواضيعك الجامدة دي من زمان..
بجد ليهم وحشة...
نرجع للموضوع..
انا اتفق معك قلبا وقالبا..
فكلامك ينم عن حقيقة وواقع نعيشه وندرسه ونحس به..
الانسان..
مخلوق غريب عجيب..
متقلب الحال والمزاج..
يحب..يكره..
يعشق..يجرح..
يهوي..
يخون..
متقلب دائما..
لذا فانه اشد غدرا من البحر..
والمحيط كمان!!!!!

اتفق ماكى مى ان الانسان غدار جدا

نايس توبك يا ميوش
بس نا مش شايف ان الانسان غدار
بجد هوا مش من طبع اى انسان الغدر
و لا حتى البحر غدار
بس كل واحد و ليه وجه نظره
انا شايف ان اكتر حاجه رومانسيه فى الدنيا بعد القمر و الغروب و الحاجات دى
البحر
والانسان كمان على فكره مش من طبعه الغدر خالص
احنا بنتولد صافيين
بس الظروف و الحياه بتغير الواحد
الغدر ده معناه كبير اوى
مظنش ان حد فى الزمن ده لسه بيغدر بحد
تحياتى يا جميل

مرسيه جدا ياالرومانسيه ع مرورك
بالنسبالك بقى ياويسبر بيه بجد مش عارف اقولك ايه
بس واضح انك عايش لوحدك ف الزمن الجميل
او انت عشان طيب وكويس شايف الناس كلها زيك
بس انا اتعلمت ان الدنيا دى فيها الكويس والوحش
وفيها غدارين كتير حتى لو كان الغدر من غير قصد

بيقوله البحر مالوش امان
الانسان برضه غدار مش كلهم طبعا
بس فيه ناس غدرها فعلا بيبقى اشد من البحر ميت مرة

نايس توبيك ياميوش

فالبحر إذا غدر بنا فغدره يؤدي إلي الموت المباشر دون أن يمنح لضحيته الفرصة لتقبل الآلام
والله ان شايفه ان البحر مش غدار خالص انا من عشاق البحرجداعمر البحر ما بيغدر بالانسان
الصح اللى بيعرف يتعامل معاه
لكن فى ناس غدارة طبعها الغدر حتى ولو
مضرتهاش دة طبع
تحيتى ليكى

اولا يا مي احب احيكي علي الموضوع الجميل ده

بس احب اقولك برده ان

البحر مش غدار خالص بالعكس وفي جدا علي الاقل لما الواحد بيكون مهموم ممكن

يقعد قدامه وينسي كل همومه

بس ماينفعش الواحد يحط ايده في النار ويقول هي اللي بتلسع

يعني ماينفعش تبقي مابتعرفش تعوم وتقول انا غرقت ليه

قد يكون الانسان غدار ولكن ليس البحر كذلك

الانسان ممكن يغدر

لكن مش ينفع نقول عليه غدار
لأن الغدر مش طبيعه متأصله فى الانسان
ولكن حسب الموقف او حسب الشخص نفسه
والحر كده برده
مش ينفع نقول عليه غدار
لأنه طبيعته فيه موج
لكن حسب الجو والرياح
ممكن يعلى شويه
فالبحر يغدر لما الرياح تبقى شديده
والانسان بيغدر لما الضغوط تبقى كبيره
او لما يكون اتربى على ان الغدر ده وفاء
توبيك هايل يا مى
تسلم ايدك

صح يا مى البحر غدار,بس الانسان غدار بمكر

ربنا يكفينى غدر بنى آدم .

» الحرمان من النوم يصيب الإنسان بالأمراض العقل
» من يحب أكثر الرجل أم المرأة؟
» الى كل من احب البحر..
» عذبيــــــــــني وراح أحبك أكثر يـاحبيبتي
» ملعب كرة قدم في وسط البحر