حــــد و تــــــة
منتدى حدوتة
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه


مهم جدا للاعضاء http://7dota.yoo7.com/t11202-topic
 
الرئيسيةس .و .جبحـثالتسجيلالتسجيلدخول

شاطر | 
 

  لقيت طريق الخلاص...........دفنت قلبى ومات فيه الاخلاص

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ملك بلا مملكه
...
...
avatar

ذكر
عدد المساهمات : 162
العمر : 30
الاقامة : مصر
المهنة : كيميائى
علم بلدك :
مزاجى النهاردة :
نشاط العضو :
50 / 10050 / 100

ولد / بنت :
النقاط : 30419
تاريخ التسجيل : 01/09/2009

مُساهمةموضوع: لقيت طريق الخلاص...........دفنت قلبى ومات فيه الاخلاص   10/23/2010, 19:18

حرام عليك يا قلبى .......ضيعتنى, قتلتنى , موتتنى
ادام الناس انا عايشه بيك ...بينى وبينك مصيرى فى ايديك
بحاول اضمك واقفل عليك ...ماتشوفش حد ..ماتحبش حد ...ما تتعلقش بحد
بس دايما تخوننى يا قلبى وتدور على نصك التانى
روحى رافضة ...عقلى رافض ....كلى رافض ....وانت لية بتعاند يا قلبى
لو هتفضل سبب حزنى وتعاستى ....خلاص هادفنك
هادفنك فى ابعد حتة واسيبك ومش راجعه
عمرك ما كنت منى ....وعمرى ما كنت ليك
مش عارف انت اللى ملكتنى ...ولا انا اللى ملكتك
اللى اعرفة ...أنى بايدي دول هاقتلك
هاعيش من غيرك ...بدل ما انا ميته بيك
عايزه افكر واعيش و الاقى سعادتى ...وانت بترجعنى لورا
عمرى ما هاقول دة كان حتة منى ...عمرى ما هاقول دة قلبى
علشان انت عمرك ما كنت ملكى ...دايما ملك غيرى
بتحب الحب ....بتحب العشق .....بتحب السهر
مش عارفه ازاى كنت قــلبى....عايشه مستنيه حبك
نفسك تعيش بقربة ....ترتاحلة وتحس نبضة وتطمنة
بتتكسر وتحب .....بتنظلم و تحب ....بيتقسى عليك وتحب
لية مش عارف تعيش وحيد ...ليه دايما عايز شريك
عمرك ما هتلاقى ملاك يحافظ عليك ويراعيك
ماتخلقش اللى يحفظك ويصونك ويحميك
هارتاح منك يا قلبى .....وادفنك
حتى لو هادفنك جوايا .....هتكون مجرد نبض ليا
هاقتل احساسك ...هاقتل مشاعرك ...هتبقى حجر
كان نفسى تبقى صاحبى ...نحب سوا ..ونعشق سوا ونسهر وندوب فى احلى هوا
بس انت اخترت طريقك .....عايز حد غيرى يعيش معاك ...على امل انة يملك هواك
خلاص خدت قرارى , قتللتك ودفنتك
بكرة يسالونى عنك واقول ياااااااااة
دفنتة وسيبتة بعيد وعايش من غيرة بقالى زمان
لو انت معايا عشان تعيشنى ..مش عايزه اعيش
لو معايا عشان جوايا احساس ....فخلاص مات الأحساس
كنت عدوى وعايش معايا ......قتلتك ورميتك وكرهتك
ايوة كرهتك يا قلبى .......وقتلت احساسى بالفرحة
مابقاش فى عزيز ...مابقاش فى غالى
بكرة معاد عزاك ....اللى حبيتهم هيجوا يعزوا فيك
اللى كانوا هيملكونى بيك ....انت قلتلهم بايدك
كلة هيجى والدموع فى عينية ....وانا يوم ميلادى يوم ما دفنتك
هابقى واحده تانيه ...هابقى كتلة حجر ...جماد عايش بيتعايش زية زى خلق الله
هيخسر قلب كان هينفعة ....فى زمان تانى
ياخسارة يا قلبى

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/home.php?
 
لقيت طريق الخلاص...........دفنت قلبى ومات فيه الاخلاص
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حــــد و تــــــة :: المنتدى العــام :: الحـب والرومانسيه :: قسم الحب والرومانسية العام-
انتقل الى: