محتاجة لرأيكم بجد بس ياريت تفكروا الاول من جميع الجهات

السلام عليكم ورحمة الله وبركاتة


في موضوع محيرني اوووووي وشاغل تفكيري
وبعدين جيتوا فبالي وقلت احكيلكم علية وأسمع أرائكم
واتمني تفكروا فية من جميع الجهات

دلوقتي انا اكتر واحدة ممكن تقابلوها فحياتكم بتخاف من حاجة اسمها حب
ومش عايزة تقربلة وفنفس الوقت اكتر واحدة محتاجة تحس ان في حد جمبها
يحس بيها وتحس بية ويشجعها ويقويها

في واحد بيحبني اوي وبقالة شهور بيحاول يحسسني بكدة
بيحاول يعمل اي حاجة تبسطني وميخلنيش زعلانة وجة واجهني
وقلتلة اسفة مش هقدر وبعدين لقيتة تعب اوي ومبقاش ييجي الكلية
وصوتة حزين لدرجة ان كل صحابة حسوا بالحزن دة
وبقي يغيب عن الشغل وحالتة كانت وحشة جداا وانا بجد صعقت
لاني مكنتش متوقعة ان دي هتكون ردة الفعل كنت فاكرة هيزعل شوية وخلاص

الشخص دة غالي عليا اوووووووووووووووووي كان نفسي يكون اخويا اللي
ربنا مرزقنيش بية بس للأسف مش هينفع
أضطريت اني اقولة اني هفكر فالموضوع دة بس يديني فرصة


دلوقتي انا عايزة اخد رأيكم
اول حاجة اني اقولة هفكر واداني فرصة ياتري انا كدة بعلقة أكتر
ياتري انا ممكن احبة كدة ولا مش هيحصل وهرجع اقولة لا
ولو قلتلة لا يبقي انا كدة بلعب بية بس انا مفهماااة ان ردي يا اة يا لا

طب لو قلتلة لا هيحصلة زي ما حصل قبل كدة
ولو قلت لا يبقي انا بخسر واحد بيحبني للدرجة دي
ومش بنلاقي حد يحبنا في الزمن دة كتير

طيب ما أنا لو قلت اة عشان بيحبني اوي كدة هبقي انانية
لانة هيبقي بيديني دايما وانا مش هقدر اديلة حاجة مش حرام كدة

وأفرض قلتلة اة وحاولت ومقدرتش هعمل اية ولا حبيت حد تاني

يوووووووووووووة والله العظيم حيرانة اوووووووووووووي
بالله عليكم فكروا في جميع الاتجاهات

اول حاجة انة غالي عليا اوووووووووووووووي لدرجة متتخيلوهاش
وتاني حاجة الحالة اللي بيوصل ليها لما اقولة مش هينفع
وثالث حاجة يا تري الحب بييجي بعد تفكير ولا بيكون صدفة وقدر زي ما انا عرفاة

مستنية رأيكم

أحب اسلم عليكي يا حبيبتي الاول واقولك ازيك يا رب تكوني بخير.....

وعيزه كمان اعرفك حاجه انا بقي اللي اكتر واحده ممكن تقابليها ف حياتك بتخاف من الحب يمكن اكتر منك صدقيني........

بصي هقولك حاجه البني ادم ده لو بيحبك بجد زي ما انتي بتقولي مش هيزعل خالص لو انتي قولتيله ان مفيش نصيب بالعكس ده هيكون فرحان مادام شيفك انك كده هتبقي سعيده صحيح هيزعل شويه انك مش هتكوني جنبه لكن الفكره اللي هتسيطر عليه ف الاخر انك كده مبسوطه انا عيزه اقولك ان اللي بيحب بجد بيبقي كل همه انه يشوف اللي بيحبه سعيد حتي لو هوا مش معاه مفيش مانع انه ممكن يلومك ف نفسه انك محبيتوهوش بعد كل الحب اللي حبهولك ده بس برضه هيبقي بيتمنالك السعاده......

ولو انتي شيفاه زي اخوكي فعلا يبقي حبك ليه كأخت يجبرك انك تواجهيه بالحقيقه وبسرعه متسيبوهوش متعشم اكتر من كده علشان من حقه عليكي كأخت انك تواجهيه يمكن يقابل انسانه تحبه بجد وتديه كل الحب اللي يستحقه علشان هوا فعلا شكله بني ادم كويس بجد ان بني ادم يحب بالطريقه دي (بيني وبينك يعني بقوا قليلين اوي).......

ربنا معاكي ان شاء الله...........

بصي يا حدوتة لازم الحب يبقى متبادل بين الطرفين لأنه لو من طرف واحد هيبقى ظلم للطرف المحب بيدي كل حاجة ومش بياخد حاجة مفيش مشكلة هتعدى هتقفوا عند كل حاجة حتى لو هايفة وصغيرة.
عكس الحب المتبادل كل واحد بيتنازل بكل رضى علشان حبيبه ميزعلش ويبقى مهموم بيقول مش مهم المهم يبقى الحب اللي بينا.\
رائيي برضه من رأي علاء خدى دايما وجهة نظر الشباب في المواضيع اللي بيبقى فيها شباب وبنات هما هيدلوكي صح على مشاعر واحاسيس الطرف الأخر.
ومن فرق السن اللي بينا انا وانتي:
بقولك لسه بدري على مشاعرك ماتستقر وتقابلي الشخص اللى مش هتترددى ولا تفكري حتى انك ترفضيه وتعيشي من غيره.
انك تتنازلي عن كل حاجة ممكن تقف في طرق لم شملكم سوا.
هو ده الحب عطاء متبادل وتضحية و دايما البحث عن سعادة الحبيب حتى لو هتتعبنا مش مهم.
يا ريت متحرميش نفسك من الشعور ده بدعوى انك خايفة تجرحي مشاعره لأنك لو قبلتي هتدمري مشاعرك ومشاعره .
خدى قرارك بسرعة علشان متظلميهوش
وربنا معاكي