اكتر 50 حاجة بتفرح الشاب المصري

لما ماكينه السحب تسحب بالغلط فلوس اكتر من اللي طالبها

لما حد ما يعرفهوش ويقول كلمه حلوه في حقه

لو طلع في التليفزيون .. او لو اسمه انتشر في الجرنال "حتى لو كان منشور ضمن اسماء اقارب المتوفي ".

لما يلاقي عرض مجاني في اي حته

لما يقرا مانشيت ضد الحكومه ويفش غله منها

لما يلاقي مواصله رايقه اول ما يقرر يروح ( والله شعب غلبان )

لما يقدر يصلح حاجه بايظه عنده بنفسه ومن غير ما يحتاج لصنايعي

لما حد يجيب له وصله دش ب20جنيه في الشهر

لما القناه الاولى تذيع في السهره يوم الخميس فيلم جديد طيبين وولاد حلال

لما يلاقي حد يخلص له شهادات المخالفه

لما يشرب سجارتين حلوين مع اصحابه

لما يلاقي شغل او يطلب في شغل

لما المدير يبعت له في مكتبه ويقول له "انا مبسوط منك"..بس

لما يسفر ابوه وامه لحج

العدل يفرحه اوي "مش سامي العدل طبعا" ويعمل فرح لو كسب القضيه اللي رافعها على صاحب البيت

لو حد في الشارع سأله على عنوان يعرفه .. ويفضل يوصف له العنوان بالتفاصيل
وبمنتهى الثقه والسعاده .. بل انه ممكن يروح معاه لحد هناك .. ولو سايق
تاكسي وعارف العنوان اللي انت بتسأل عليه سيقول لك بأبتسامه وقور "تعالى
ورايا"

لو حد في الشارع ما يعرفوش طلب منه سيجاره .. يعزم عليه بالعلبه كلها وهو مبسوط .. ويولع له كمان .

لما ربنا يرزقه ب "عيل"

لما امه تدعي له من قلبها

لما يجي عقد له من الكويت

لما يكون معزوم في فرح واحد صاحبه

لما امين الشرطه يسيب له الرخص ب5جنيه

اول الشهر ... وهو خارج من الخزنه وجيبه مليان ومتأمن ولو لمده اسبوع بالكتير

لما يلاقي حاجه عليها تخفيضات او اي حاجه مكتوب عليها "3بسعر2"

لما يقضي مهمته بنجاح في اي مصلحه حكوميه .. في يوم واحد ,بأقل قدر من حرق الدم

يوم ماتش الاهلي والزمالك .. يفضل طول اليوم عنده شعور بنشوه اقتراب ميعاد
اذاعه المباراه .. وعلى نهايه الشوط التاني تزداد بهجته . لو كان اهلاوي .
او يمتعض بقوه لو كان زملكاوي..(بس الكلام دا محصلش في المتش الاخير

لما يلاقي مكان يركن فيه وهو في وسط البلد " صف اول ويا سلام لو من غير سايس وبعيد عن الكلابشات "
ودي نسبه حدوثها مثل نسبه اعتذار الحكومه عن غلطتها في العمل

لما يقدر يضحك اللي قدامه "صاحب او عدو او زوجه او حتى واحد ما يعرفهوش في الميكروباص"

لما يحس انه ناصح ونجح في انه يفاصل في سعر حاجه وخدها بالسعر اللي قاله في الاول .. "مع انه عارف كويس ان البياع كسبان كسبان"

لما يخش جمعيه ويقبضها اول واحد وميكملش دفع

لما يقعد في مكان مليان بنات

لما يصالح اتنين متخانقين على بعض

لما حد من قريبه يخش كليه الشرطه حتى لو كان " خطيب ابن خاله امه "

لما يسدد الديون اللي عليه .. او لما يخلص اقساط التاكسي او الميكروباص او حتى التلاجه

لما يقضي مصلحه لواحد غيره .. خدمه يعني

لما يحس انه تعبان ويروح يكشف والدكتور يقول له "دا بس شويه ارهاق"

لما تكون في واحده مزهقاه وتحل عن دماغه

لما واحد صاحبه يدي له cd عليها فيلم "لمحمد سعد" او مسرحيه "لعادل امام " او الاعمال الكامله "توم وجيري"

اكله حلوه .. شويه خضار وحتيتين لحمه ورز بالشعريه وشوربه ولسان العصفور

لما يصحى براحته .. يوم الجمعه



انت ايه بقي بيفرحك؟

لما يشرب سجارتين حلوين مع اصحابه
لما القناه الاولى تذيع في السهره يوم الخميس فيلم جديد طيبين وولاد حلال

هههههههههههههه

شكرا على التوبيك

u are welcome

بس مقولتش ايه بيفرحك انت شخصيا

لما ماكينه السحب تسحب بالغلط فلوس اكتر من اللي طالبها

لما ماكينه السحب تسحب بالغلط فلوس اكتر من اللي طالبها

لما ماكينه السحب تسحب بالغلط فلوس اكتر من اللي طالبها

لما ماكينه السحب تسحب بالغلط فلوس اكتر من اللي طالبها

لما ماكينه السحب تسحب بالغلط فلوس اكتر من اللي طالبها

وهظبطك معاية متقلقشى بس يحصل بس

ههههههههههههههههههههههههههه

تسلم يابوب على التوبيك الجامد دا

تحيتى لك وفى انتظار المزيد

يا رب يا اخويا يا رب :d

هههههههههههههههههههههه
جامد اوى يالول كل اللى انتا قولتلة
انا بئى اكتر حاجة تفرحنى
انى احس انى بجد قريبة من ربنا اووووووووووى

اقتباس :

لما ماكينه السحب تسحب بالغلط فلوس اكتر من اللي طالبها
لما يلاقي مواصله رايقه اول ما يقرر يروح ( والله شعب غلبان )
لما يجي عقد له من الكويت

جامد قوى التوبيك دة

اقتباس :

لما القناه الاولى تذيع في السهره يوم الخميس فيلم جديد طيبين وولاد حلال

انت بتقول فيها

نايس يا لولو
تسلم الايادي

نايس يا توتا .. ربنا يهديكي دايما يا رب

فين يا شباب اكتر حاجه بتفرحكوا كده هنزعل

hello
l2 mn2drsh 3la z3lko
ana b2a aktr 7aga bts3dni EnI a7s Bl2mAn bgad
w gamd el topic da bzat el 2kla el 7lwa hhhhhhhh
eshm3na y3ni ya 3la2