| صــلاح جــاهــيـــن............... | |
|
|
|
كاتب الموضوع | رسالة |
---|
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| |
| |
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| موضوع: رد: صــلاح جــاهــيـــن............... 11/27/2009, 20:58 | |
| نيدأ بأكتر حاجه بحبها للعم صلاح اوبريت الليله الكبيره
قبة سيدنا الوالي دي نوروها محلا البيارق و الناس بيزوروها قبة سيدنا الوالي في الجو عالية محلا البيارق لما نوروها
حمص حمص دا اللي ماينقص عمال يرقص يرقص
و يقول اللي شاف حمص و لا كلشي حب و اتلوع و لا طالشي
بسترك هات حبة بقرش ها ها ها ها ها ها
حمص حمص حمص إسعى إسعى إسعى إسعى خدلك صورة ستة في تسعة إسعى إسعى إسعى إسعى ياسي عجورة النار خسعة
الله الله الله الله عجمية باللوز طعمية أراجوز اليلة الكبيرة يا عمي و العالم كتيرة ماليين الشوادر يابا في الريف و البنادر
دول فلاحين و دول صعايدة دول من القنال و دول رشايدة
يا حضرة الأراجوز قولي نعم يا عمدة عاوز إيه منين يروحوا لمتولي إمدح نبينا و صلي عليه اللهم صلي عليه
تمشي كدة على طول على طول لحد ما تلاقي عمارة تكسر يمين تلقى بتاع فول دكانته على ناصية حارة تدخل يمينك و شمالك شارعين و في التالت تكسر شارعين و في التالت أكسر على اليمين واخد بالك وتمشي على طول تتمخطر وأمشي على طول و أتمختر تفضل كدة تمشي و تلف وتخش من مطرح ما طلعت وأخش من مطرح ما طلعت ولما تلقى مقلة لب تعرف بإنك توهت و ضعت دي وصفة سهلة قوي قوي دي وصفة هايلة قوي قوي
مع السلامة مع السلامة يا ابو عمة مايلة
فتح عينك تاكل ملبن فينك فينك تاكل ملبن إوعى لجيبك لا العيب عيبك قرب جرب نشن وسطن إيدك و سطن إضـــــــــرب
يحميك يا بني تبقى غالبني قرب خدلك حتة ملبن
فريرة للعيل يابو العيال ميل خدلك سبع فرافير زمارة شخليلة عصفورة يا حليلة طراطير يا واد طراطير طراطير طراطير طراطير
الليلة الليلة السيرك تعالوا دي فرجة تساوي جنيه قولوا هيه بمناسبة هذا المولد يا ولاد برنامج سواريه قولوا هيه في السيرك شجيع يهجم عالسبع ويركب دوغري عليه قولوا هيه وبنات قمرات زي الشربات حلوين مش عارف ليه قولوا هيه وكمان بلياتشو تعالوا إسمعوا ناتشه وشوفوا هيعمل إيه قولوا هيه هيـــه هيـــه هيـــه
أنا شجيع السيما أبو شنب بريمة أول ما أقول عليهوب و أصرخلي صرخة السبع يتكهرب و يبقى فرخة حالاً بالاً سأصارع أسد إنما إيه متوحش وهخلي وجهه شوارع تسقيفة يا ناس ميصحش
أهو جه أهو جه تسقيفة بقا تسقيفة أمال تشجيعة أمال تعالالي الالي اللالي يا حبيبي تعالالي السمك مقلي كل و برقلي صنف زي الفل استخار و إختار فشة أو ممبار يالا سمي و كل
يا ام المطاهر رشي الملح سبع مرات بمقامه الطاهر خشي و قيدي سبع شمعات
يا عريس يا صغير علقة تفوت و لا حد يموت لابس و مغير و هتشرب مرقة كتكوت بالزمة دة سابع عيل مزفوف من وقت قليل مولد شالله يا معلم عقبال أولادك
كلم
واحد مظبوط و إتنين مصري عمك حاضر جايلك دوغري مسا التماسي مسا التماسي ياورد قاعد على الكراسي هات شاي يا دقدق عيني و راسي سمعنا يا ريس حنتيرة للصبح معاك السهيرة
سمعنا سمعنا
يا غزال يا غزال العشق حلال دوبتني دوب خلتني خيال يا شفتك فص فراولة و أنا لا قوة و لا حول دوختلي قلبي على اولة أه يا غزال العشق حلال
يارب يا عالم بالحال تهدي حبيبي و يصبح عال و أغني و أرجع بالموال و أقول يا غزال
وقف ياريس حنتيرة في ناس هنا قاعدة كتيرة ولا حد قال هات تعميرة و لا واحد شاي
أه
اللي هيطلب راح يقعد و اللي ما يطلبش يبعد
يالابنا نخرج يا مسعد شارع التورماي
ورينا القوة يا بني إنت وهو مين عنده مروه و عاملي فتوة يقدر بقدارة على زق التارة و يفرقع بمبة
وسع وسع وسع وسع أنا أزق التارة و أضرب ميت بمبة دانا الاسطى عمارة من درب شكمبة
سيطي من القلعة م القلعة لسويقة اللالة لا لا لاله أنا واخد السمعة
طب يالا تعالى
لاياعم سعيدة هأأو دي البدلة جديدة
ههههأه سعيدة يابو بدلة جديدة
إوعد يارب إوعد أدي كمان قهوة يالابنا يا مسعد ندخل على سهوة
طار في الهوا شاشي و إنت متدراشي طارفه شاورلي شاورلي عليك حكم الهوى ماشي هوا العصاري على سطح جاري خدني و رماني عليك و لا إنت داري أهين يا ناري منك يا جاري خدني ورماني رماني عليك هوا العصاري
طار في الهوا شاشي و إنت متدراشي طارفه شاورلي شاورلي عليك ماشي ماشي ماشي كلامك اللي هيطلب راح يقعد و اللي مايطلبش يبعد يالابنا نخرج يا مسعد شارع التورماي
ناس من بلدنا هناك أهم روح يا إبراهيم إندهلهم
سلامات سلامات سلامات سلامات ع البلديات
ليلتكوا أنس و جلجلة إنشد و لعلع يا ولا شفت في منام صاحب المقام دة أوبهة و يمامة حايمة عليه بتسبح ربها ميلت فوق يده وجيت أحبـــــها صحوني من النوم خدت بعضي وتني جاي و بعودة
حـــي
ياولاد الحلال بنت تايهة طول كدة رجلها الشمال فيها خلال زي دة زحمة يا ولداه كام عيل تاه؟؟ اليلة الكبيرة يا عمي و العالم كتيرة ماليين الشوادر يابا في الريف و البنادر
الله اكبر الله اكبر الله اكبر الله اكبر
| |
|
| |
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| موضوع: رد: صــلاح جــاهــيـــن............... 11/29/2009, 19:48 | |
| رباعيات بحرف ( أ ) ___________
أحـب اعيش ولـو أعيش فـى الغابـات أصـحى كمـا ولـدتـنى أمـى وابـات طـائر . . حوان . . حشرة . . بشر . . بس اعيش محـلا الحيـاة . . حتى فى هيئـة نبـات عـجبى !!
إخطـفنى ياللى تحـبنى ع الحصـان الدنيا قالت يــوم فى مـاضى الزمان إخطـفنى ياللى تحبنــى ع الفـرس الدنيا قالت . . قم خطـفها الشــيطان عـجبى !!
الأرض شـوك أيـوه لكـين هايش والحمـرة مش يعنى الطريق حايش دى دمنـا السـيال . وبشـرة خير ان انتى عايشـه . وان أنا عايش عـجبى !!
إقلـع غمـاك يـا تـور وارفض تلـف إكسـر تـروس السـاقيـة واشـتم وتف قال : بس خطوة كمان . . وخطوة كمان . . يا اوصـل نهـاية السـكة يا البير يجف عـجبى !!
أنا شـاب لـكن عمـرى ولا ألف عـام وحيـد ولـكن بين ضـلوعـى زحـام خـايف ولـكن خـوفـى مـنى أنـا أخـرس ولـكن قـلبـى مـليـان كـلام عـجبى !!
أنا كـل يـوم أسـمع . . فلان عذبوه أسـرح فـى بغـداد والجزاير واتوه مـا اعجبش م اللى يطيق بجسمه العـذاب واعـجـب مـن اللى يـطـيق يعذب أخوه عـجبى !!
انا الذى عمـرى اشـتياق فى اشـتياق وقطـر داخـل فـى محطـة فــراق قصـدت نبـع السـم وشـربت سـم مـن كتر شـوقى وعشـمى فى الترياق عـجبى !!
أنا اللى بالأمــر المحــال اغتـوى شـفت القمـر نطـيت لفوق فى الهوا طـلته مـا طـلتوش إيه انـا يهمنـى وليـه … ما دام بالنشـوة قلبـى ارتوى عـجبى !!
أنـا إلـه الـوجــد رب الـهيــام أضـرب بسـهم الوهـم وهــم الغـرام وهــم الغــرام مـن كتر مـا هو لذيذ رشـقت انـا ف صـدرى جمـيع السـهام عـجبى !!
إنشـد يـا قلبـى غنــوتك للجـمـال وارقص فى صـدرى من اليمين للشـمال مـا هـوش بعيـد تفضـل لبكره سـعيد ده كـل يـوم فيـه ألف ألف احتمـال عـجبى !!
آه لـو أنا ومحبـوبى جـزنا الفضـى فـى سـفينة وحـدينا . . وأشـيا رضا سـاعة صـفا تعجبنـا نرجـع لـهـا والهـم قبـل ما ييجى … يبقى مضى عـجبى !!
أهوى الهـوى وهمس الهوى فى العيـون وبسـمة المغـرم . ودمـعـه الحنــون وزلــزلات الحــب نهــد الصــبا اكـون أنـا المــحبوب . أو لا أكـون عـجبى !!
اوقـات افـوق ويحــل عنـى غبـايا واشـعر كأنى فـهمت كـل الخبـايـا وافتـح شـفايفى عشــان أقـول الدرر مـا أقـولش غير حبة غزل فى الصبايا عـجبى !!
إيه اللى خدتـه من مرور السـنين يا قلبـى الا دمـعتك والأنـيـن بتئن وبتفــرح وترجــع تحــن مـع إن مـش كل البشر فرحـانين عـجبى !!
أيـوب رمـاه الـبـين بـكـل الــعلل سـبع سـنين مـرضان وعـنـده شـلل الصـبر طيـب . . صـبر أيـوب شـفـاه بـس الأكـاده مـات بـفـعل الـمـلل عـجبى !! _____________
| |
|
| |
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| موضوع: رد: صــلاح جــاهــيـــن............... 11/30/2009, 10:51 | |
| رباعيات بحرف ( ب ) ____________
بحـر الحياه مليـان بـغرقـى الـحياه صـرخت خش الـمـوج فى حلقى ملاه قارب نجـاه ! . . صـرخت قالوا مفيش غير بـس هو الـحب قـارب نـجـاه عـجبى !!
__________
بره القزاز كـان غيـم وأمطـار وبـرق مـا يهمنيش – أنا قلت – ولا عنـدى فـرق غيرت رأيــى بعــد ســاعة زمـان وكنت فـى الشـارع … وفـى الجزمة خرق عـجبى !! ___________
بلياتشـو قال إيـه بس فايدة فنونى ؟ وتلات وقق مسـاحـيق بيلـونـونى والطـبل والزمـامـير وكتر الجـعير إذا كان جنون زبونى زاد عن جنونى عـجبى !!
_________
بين موت وموت . . بين النـيران والنيران ع الحبـل ماشـيين الشـجاع والجبـان عجبى علادى حيـاة . . ويـا للعــجب إزاى أنـا – يـاتخين – بقيت بهـلوان عـجبى !!
__________
رباعيات بحرف (ت) _____________
تسـلم يا غصن الخـوخ يا عود الحطب ييجـى الـربيع . . تطـلع زهورك عجب وانا ليـه بيمضـى ربيع وييجـى ربيـع ولسـه برضــك قلبـى حتـة خشـب عـجبى !!
____________
رباعيات بحرف ( ج ) ______________
جــالك أوان وعـرفت مشـى الجنـايـز كـيف شــفتهـا يـا عبـد رب اللـذايذ قال : شـفت شـيل بالـحيل فـقير أو أمير كمـا شـالـوا فـى الـخمامير فواضى القزايز عـجبى !!
___________
جـالك أوان ووقفت مـوقف وجــود يا تجـود بـده يا قلبى يا بده تجـود مـا حـد يقـدر يبقـى على كل شىء مـع إن ـ عجبى ـ كـل شىء موجود عـجبى !!
___________
| |
|
| |
ام يوسف
مشرفة الاسلامى
عدد المساهمات : 1437 الاقامة : منتدي حدوتة علم بلدك : مزاجى النهاردة : نشاط العضو : ولد / بنت : الأوسمة : النقاط : 58098 تاريخ التسجيل : 27/11/2008
| موضوع: رد: صــلاح جــاهــيـــن............... 11/30/2009, 14:56 | |
| جميل قوى رباعيات عمنا صلاح جاهين انا بحبها جدا انتظر مشاركتى بس لما افضى معلش انا مشغولة عيد بقى كل سنة و انتم طيبين | |
|
| |
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| موضوع: رد: صــلاح جــاهــيـــن............... 12/1/2009, 11:06 | |
| رباعيات بحرف (ح) ___________
حاسب من الأحـزان وحاسـب لهـا حاسب علـى رقابيـك مـن حبلهـا راح تنتهـى ولابــد راح تنتهـى مـش انتهت أحـزان مـن قبلهـا ؟ عـجبى !!
____________
حبيـت . . لـكن حب من غير حنـان وصـاحبت لـكن صـحبه مـا لهاش أمان رحت لحــكيم واكـتر لقيت بـلوتـى إن اللى جـوه القـلب مش ع اللسـان عـجبى !!
___________
حتـة محـارة وجـدتها فى يوم لقيـة قـالت لى شـوف كيف الطبيعة شقية ؟ نظـرت للكـهف اللـى فيهـا ولـقيت إن الطـبيعـة كـمـان … لا أخـلاقية عـجبى !!
___________
حـدوته عن جعـران وعـن خنفسـه اتقابلـوا حبـوا بعض سـاعة مسـا ولا قال لهـم حـد اختشوا عيب حرام ولا حـد قـال دى عـلاقـة متدنسـه عـجبى !!
____________
حقـرا وفـوق كوكـب حقـير محـتقر فـى الكـون تكـون دنياكـو إيه يا بقـر رملايـه من صـحرا؟ .. لكين إيش تقول والكـون بحالـه جــوه عقـل البشـر عـجبى !!
__________
الحلـو يـم اليـم صـابح رايـح سـارح فى حضن الميه سابح سايح الحلـو داب فى البحـر . . قلت أدوقه وجـدت لسـه البحـر برضك مـالح عـجبى !!
__________
رباعيات بحرف (خ) ______________
خـرج ابن آدم م العدم قلـت : يـاه رجـع ابن آدم للعـدم قلت : يـاه تـراب بيحيـا . . وحى بيصـير تراب الأصـل هـو المـوت والا الحيـاة ؟ عـجبى !!
__________
خـوض معركتهـا زى جـدك مـا خاض صــالب وقـالب شـفتك بامتعـاض هـى كـده . . ما تنولش منهـا الأمـل غير بعـد صـد ورد ووجـاع مخـاض عـجبى !!
______________
| |
|
| |
ام يوسف
مشرفة الاسلامى
عدد المساهمات : 1437 الاقامة : منتدي حدوتة علم بلدك : مزاجى النهاردة : نشاط العضو : ولد / بنت : الأوسمة : النقاط : 58098 تاريخ التسجيل : 27/11/2008
| موضوع: رد: صــلاح جــاهــيـــن............... 12/1/2009, 17:06 | |
| على اسم مصر النخل في العالي والنيل ماشي طوالي معكوسة فيه الصـور .. مقلوبة وانا مالي يا ولاد أنا ف حالي زي النقش في العواميد زي الهلال اللي فوق مدنة بنوها عبيد وزي باقي العبيد باجري على عيالي باجري وخطوي وئيد من تقل أحمالي محنيه قامتي .. وهامتي كأن فيها حديد وعينيا رمل العريش فيها وملح رشيد لكني بافتحها زي اللي اتولدت من جديد على اسم مصر مصر .. التلات أحرف الساكنة اللي شاحنة ضجيج زوم الهوا وطقش موج البحر لما يهيج وعجيج حوافر خيول بتجر زغروطة حزمة نغم صعب داخلة مسامعي مقروطة في مسامي مضغوطه مع دمي لها تعاريج ترع وقنوات سقت من جسمي كل نسيج وجميع خيوط النسيج على نبرة مربوطة اسمعها مهموسة والا اسمعها مشخوطه شبكة رادار قلبي جوه ضلوعي مضبوطة على اسم مصر وترن من تاني نفس النبرة في وداني ومؤشر الفرحة يتحرك في وجداني وأغاني واحشاني باتذكرها ما لهاش عد فيه شيء حصل أو بيحصل أوح يحصل جد أو ربما الأمر حالة وجد واخداني انا اللي ياما الهوى جابني ووداني وكلام على لساني جاني لابد اقوله لحد القمح ليه إسمه قمح اليوم وأمس وغد ومصر يحرم عليها .. والجدال يشتد على اسم مصر ولما زماني رماني عليل نسيت كل شيء عن حبيبي الجميل لكن هو أبداً انا مانساهوش نسيت مشيته وصوته كان شكله إيه ورسمة شفايفه ولمسة إيديه نسيت نظراته نسيت لون عينيه وقوس الحواجب وسهم الرموش لكن هو أبداً انا ما انساهوش نسيت إسمه وحكايته وعرفته فين وعشنا سوى العمر والا يومين وكان م البشر والا طير بجناحين نسيت حتى كان له وجود أو مالوش لكين هو أبداً أنا ما انساهوش قطعوا الأغاني وطارت نشرة الأخبار دارت على كل دار في الكوكب الدوار يا حاضرين اعلموا الغايبين بأنه في مصر اتغير الاسم منذ الآن فأصبح .. مصر ضحك التاريخ ضحكته المشهور بها واندار ودخل مناقشة مع الجغرافيا عما صار هل نعترف بالبيان اللي أذيع العصر أم ننتظر مصر تطرد اسرائيل بالقسر وساعتها تحصل بكل جدارة يوم النصر على اسم مصر على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب على اسم مصر مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت على اسم مصر مصر السما الفزدقي وعصافير معدية والقلة مملية ع الشباك .. مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال على اسم مصر رحـيـلاً رحـيـلاً بغيـر هـوادة رحـيلاً فإن الـرحـيل سعـادة عبادة إرادة سيادة ولادة رحـيـلا .. إلى أين لـيس يـهـم ولـيس يـهـم بأي وسيـلة .. أجيـراً بلقمـتـه في البـواخـر .. عـلى واحـد من جيـاد القبيلة .. على مقعـد في ذرى الجـو فـاخـر وتمـلأ الكـأس بنت جمـيلة .. على قدمي .. أو بفكري .. أهاجر أبادر أغادر أخاطر أسافر ولـكـن إلى أيـن .. لـيس يـهـم إلى حيث لا تعبـر الأفـق شمس إلى القـطب .. أو حلقة الاستواء .. إلى حـيث يـسمـع لـلجـن همس إلى بـاطـن الأرض أو في الـفضـاء إلى مـرفـأ الغـد .. أو أرض أمس أرى كل شيء ومن أين جاء وافعل ما قاله القدماء من الفقراء أو الحكماء أو الأمراء أو الأشقياء أو البلهاء فليس يهم لقد قيل وهو الكلام المهم اللي يعيش ياما يشوف واللي يمشي يشوف اكتر شفت الجبرتي بحرافيش الحسين وبولاق بان البلد ماشي زي النمس في الأسواق بالفلاحين ع المداخل من بعيد وقريب بالأرنؤوط بالشراكسة بكل صنف عجيب مترصصين سور رهيب مزراق في ريح مزراق كأنهم لا بشـر ولا خلقـة الخـلاق ومصر فلاحة تزرق بين رقيب ورقيب من غير أبو الهول ما ينهض ناهضة شايله حليب والصبح بدري الجبرتي ينام وقلمه يسيب على اسم مصر مصر اللي عمر الجبرتي لم عرف لها عمر وطلع لقاها مكان مليان عوام وزعر جعيدية غوغاء يجيبوا تملي وجع الراس وخليط أفارقه هنادوة روم ملل أجناس والترك في القلعة والمماليك خدودهم حمر كان عمرها ستلاف سنة .. كلها سنين خضر بس الزمان يختلف زي اختلاف الناس ناس تبني مجد وحضارة وناس بلا احساس وناس تنام لما يزحف موكب الأحداث على اسم مصر أنا اللي اسمي حتحـور .. أنا بنت رع مثـال الأمـومـة ورمـز الحـنـان تفـيض حـلمـاتي وتمـلا الـتـرع وتسـقـي البـشـر كلهـم والغـيـطان أنـا ربـة الحـب حتـحـور أنـا أنـا السيـدة المـنـجدة المـغـرميـن وكـم مـن محـب ف هـواه انـضـنى دعـاني وطيـبـت خـاطـره الحـزيـن أنـا طـيبـة انمـا طـبـعي صـعـب وديعـه .. ولـو ثـرت بـطشـي مـهـول ما اشـوفش اللي قدامي لو ألف شعب أدوسـهـم وتجـري دمـاهـم سيـول ويـوم رع ما فـات بسنـاه في السـما وكل العيـون خايفـة تنـظر اليـه وجـالـه القمـر خلقتـه معتـمة وعـدى قصـاده .. وضـلم عـليه يا ويـل الـلي فتـح في ابـويا العـظيم يا ويل من تطاول يا ويل من ضحك يا ويـلك يا مصـر مصيرك الـيم أنا اللي اسمي حتحور انا ح امسحك يحـاول يهـديني رع ما اسمـعـوش وادمـر واطـيـح في البلاد والعبـاد أنـا الـطيبـه .. كنت زي الوحـوش سفـكـت دماء البـنـات والـولاد دبـحت المحبـين في عـز القبـل هـدمت المعابد على المنشدين قلبت على النحـاتين الجبل حرقت الغيـطان هم والفلاحين لحد ما رع نـادى ع الآلهة وقال صـبوا في النهر كل النبيذ وشفت الميـاه حمرا ومزهزهة وظنيتها دم الضحايا الـلذيذ شربت انتقامـاً شربـت شربـت وأنا بالـعن المفتـري والغبـي وحبـة بحبـة عن الوعـي غبت ونمت على النيل في ضي أبي وقمت .. بكيت من فؤاد أم ثكلى ونهنهت فوق صدر مصر العريض على العالم المبدورين جنبي قتـلى وكان دمعي ينصب في النيـل يفيض النخل في العالي والنيل ماشي طوالي معكوسة فيه الصـور .. مقلوبة وانا مالي يا ولاد أنا ف حالي زي النقش في العواميد زي الهلال اللي فوق مدنة بنوها عبيد وزي باقي العبيد باجري على عيالي باجري وخطوي وئيد من تقل أحمالي محنيه قامتي .. وهامتي كأن فيها حديد وعينيا رمل العريش فيها وملح رشيد لكني بافتحها زي اللي اتولدت من جديد على اسم مصر مصر .. التلات أحرف الساكنة اللي شاحنة ضجيج زوم الهوا وطقش موج البحر لما يهيج وعجيج حوافر خيول بتجر زغروطة حزمة نغم صعب داخلة مسامعي مقروطة في مسامي مضغوطه مع دمي لها تعاريج ترع وقنوات سقت من جسمي كل نسيج وجميع خيوط النسيج على نبرة مربوطة اسمعها مهموسة والا اسمعها مشخوطه شبكة رادار قلبي جوه ضلوعي مضبوطة على اسم مصر وترن من تاني نفس النبرة في وداني ومؤشر الفرحة يتحرك في وجداني وأغاني واحشاني باتذكرها ما لهاش عد فيه شيء حصل أو بيحصل أوح يحصل جد أو ربما الأمر حالة وجد واخداني انا اللي ياما الهوى جابني ووداني وكلام على لساني جاني لابد اقوله لحد القمح ليه إسمه قمح اليوم وأمس وغد ومصر يحرم عليها .. والجدال يشتد على اسم مصر ولما زماني رماني عليل نسيت كل شيء عن حبيبي الجميل لكن هو أبداً انا مانساهوش نسيت مشيته وصوته كان شكله إيه ورسمة شفايفه ولمسة إيديه نسيت نظراته نسيت لون عينيه وقوس الحواجب وسهم الرموش لكن هو أبداً انا ما انساهوش نسيت إسمه وحكايته وعرفته فين وعشنا سوى العمر والا يومين وكان م البشر والا طير بجناحين نسيت حتى كان له وجود أو مالوش لكين هو أبداً أنا ما انساهوش قطعوا الأغاني وطارت نشرة الأخبار دارت على كل دار في الكوكب الدوار يا حاضرين اعلموا الغايبين بأنه في مصر اتغير الاسم منذ الآن فأصبح .. مصر ضحك التاريخ ضحكته المشهور بها واندار ودخل مناقشة مع الجغرافيا عما صار هل نعترف بالبيان اللي أذيع العصر أم ننتظر مصر تطرد اسرائيل بالقسر وساعتها تحصل بكل جدارة يوم النصر على اسم مصر على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب على اسم مصر مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت على اسم مصر مصر السما الفزدقي وعصافير معدية والقلة مملية ع الشباك .. مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال على اسم مصر
| |
|
| |
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| موضوع: رد: صــلاح جــاهــيـــن............... 12/2/2009, 13:23 | |
| رباعيات بحرف ( د ) ____________
دخـل الـربيع يضـحـك لقـانى حـزين نـده الربيـع على إسـمى لم قلت مـين حـط الـربيع أزهـاره جـنبـى وراح وإيش تـعمـل الأزهـار للمـيـتـيـن عـجبى !!
دخل الشـتا وقفـل البيبان ع البيوت وجعـل شـعاع الشـمس خيط عنكبوت وحـاجـات كتير بتمـوت فى ليل الشتا لـكـن حـاجات أكتر بترفض تمـوت عـجبى !!
الـدنـيـا أوده كـبـيره لـلانـتـظار فـيهـا ابـن آدم زيـه زى الـحمـار الـهـم واحد . . والمـلل مـشـترك ومـفـيش حـمـار بيـحاول الإنتـحار عـجبى !!
الدنيـا صندوق دنيـا . دور بعـد دور الدكـة هـى . وهـى كــل الديـكور يمشـى اللى شـاف . ويسيب لغيره مكان كـان عربـجــى أو كـان امبـراطـور عـجبى !!
ـ الدنيا من غير الربيـع ميته ورقة شجـر ضعفانـه مفتفتـه ـ لأ يا جدع غلطان تأمل وشوف زهر الشـتا طـالع فى عز الشـتا عـجبى !!
. . دى مـذكرات وكـتبتهـا من سـنين فى نـوتـه زرقـا لون بحـور الحنين عترت فيهـا . . رميتهـا فى المهمـلات وقلت أمـا صـحيح كـلام مـخبولـين عـجبى !!
______________
رباعيات بحرف ( ر ) ______________
رقـبـة قـزازه وقلــبى فيهـا انـحشـر شـربت كـاس واتنين وخـامـس عشـر صـاحبت ناس م الخمرة ترجع وحـوش وصـاحبت نـاس م الخمـرة ترجـع بشر عـجبى !!
_____________
رباعيات بحرف ( ز ) ______________
زحـام وأبـواق ســيارات مزعجـة إللى يطـول له رصـيف . . يبقـى نجا لـو كـنت جـنبى يـا حـبيبى أنـا مش كـنت اشـوف إن الحياة مبهجه ؟ عـجبى !!
______________
| |
|
| |
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| موضوع: رد: صــلاح جــاهــيـــن............... 12/3/2009, 11:47 | |
|
رباعيات بحرف ( س )
_______________
سـرداب فى مسـتشـفى الـولاده طـويـل صـرخات عـذاب ورا كـل بـاب وعـويل . . وفى الـطريق مـتزوقـين الـبنـات مـتـزوقـيـن لـلحـب والـمـواويـل عـجبى !!
سلام سلام . . سلام سلام .. سلام كلام كلام . . كلام كلام . . كلام هز الـورق يا صـاحبى كدهوه يطـلع كلام سلام . وسلام كلام عـجبى !!
السـم لو كان فى الدواء . . منين يضر ؟ والمـوت . . ولـو لعـدونا . . منين يسـر ؟ حط القـلم فى الحبـر واكـتب كـمـان . . والعبـد للشـهوات . . منين هـو حـر ؟ عـجبى !!
سـمعت نقطـة ميـه جـوه المحـيط بتقول لنقطـة مـاتنزلـيش فى الغويـط أخـاف عـليكى م الغـرق . . قلت انا ده اللى يخـاف م الوعـد يبقى عبيط عـجبى !!
سـنوات وفايته عليـا فـوج بعـد فـوج واحـدة خـدتنى إبـن والتـانية زوج والتـالتـة أب خـدتنى والـرابعة إيـه إيه يعمـل إللى بيحدفـه مـوج لمـوج ؟ عـجبى !!
سهيـر ليـالى ويـامـا لفيـت وطفـت وف ليلـه راجـع فى الضـلام قمـت شفت الخـوف . . كأنـه كلـب سـد الطريق وكـنـت عـاوز أقتـله . . بس خفـت عـجبى !!
__________
رباعيات بحرف ( ش ) ________________
شــاف الطبيب جـرحـى وصـف له الأمـل وعطـانـى مـنـه مقـام يـا دوب ما اندمـل مجـروح جـديد يا طبيب وجـرحى لهـيب ودواك فـرغ مـنى . . وإيــه العمـل ؟ عـجبى !!
____________
رباعيات بحرف (ص) ____________
صـوتك يا بنت الإيـه كأنـه بــدن يرقـص يزيـح الهـم يمـحى الشـجن يا حـلوتـى وبـدنك كأنـه كــلام كـلام فلاسـفه سـكروا نسيوا الـزمن عـجبى !!
____________
رباعيات بحرف (ض) ________________
الضـحك قـال يا سـم ع التكشـير أمشـير وطـوبة وانا ربيعـى بشـير مطـرح ما باظـهر بانتصر ع العدم انشالله أكـون رسـمايـة بالطـباشـير عـجبى !!
____________
| |
|
| |
ام يوسف
مشرفة الاسلامى
عدد المساهمات : 1437 الاقامة : منتدي حدوتة علم بلدك : مزاجى النهاردة : نشاط العضو : ولد / بنت : الأوسمة : النقاط : 58098 تاريخ التسجيل : 27/11/2008
| موضوع: رد: صــلاح جــاهــيـــن............... 12/3/2009, 18:43 | |
| هستنى الردآه ياضميرى يارزيل طول عمرى وانت بلوتى فى ساعة الصفو الجميل تقطع عليا نشوتى وتهفنى توشيح كأنه شربة شيح أصرخ بعزم قوتى يادهوتى **** فيه ناس كتير من غير ضمير مش زعلانين من قلته واشمعنى انا فى عكننه من الضمير ومعاملته على أى غلطه يشكنى وف أوضه ضلمه يسكنى يربطنى فى عمود السرير ومستحيل يفكنى ويدقنى بمسامير ويدور المزامير أصرخ بعزم قوتى يادهوتى **** حتة شريك لكن عاديك دماغه أنشف م الخشب نخرج سوا نشم الهوا يعمل فصول لها العجب نلاقى مثلا محفظه على الرصيف .. مكلبظه يشاورلى على قسم البوليس ويملا مخى بموعظه اجى أزوغ يقول ياغفير ويبقى درس مرير أصرخ بعزم قوتى يادهوتى **** فى مره كنت باحب بنت وقعدت ييجى فوق عن سنه فى المواعيد أقعد بعيد علشان ضميرى فى وسطنا هجرتنى صممت أنتقم وابقى ولد شرير لئم لكن ضميرى عضنى ورفسنى خلانى انكتم وادانى فى المناخير خلانى أقول يامجير واصرخ بعزم قوتى يادهوتى **** ليه بس ليه يا ضميرى بيه مالينى همه ولحلحه عاجبك كده بالشكل ده بقيت كبير فى المصلحه والشغل فوقى تلول تلول وعرقى مرقى سيول سيول واكبر وتكبر علتى واعلى وتعلالى الحمول ياسالقنى ع البواجير مضايقنى قوى ياضمير باصرخ بعزم قوتى يادهوتى يادهوتى يادهوتى
| |
|
| |
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| موضوع: رد: صــلاح جــاهــيـــن............... 12/5/2009, 10:53 | |
| رباعيات بحرف (ط) ___________
طـال انـتظـارى للـربيـع يـرجـع والجـو يـدفـا والـزهـور تـطـلع عـاد الـربيـع عـارم عـرمرم شباب إيه اللى خـلانـى ابتـديت افـزع ؟ عـجبى !!
_____________
رباعيات بحرف (ظ) _____________
ظهـر المسـيح الحى على سـفح ربوة ونزل بهـالة الضى وقعـد فى قـهـوة بصـوا . تعالـوا . قالـوا خليه فى حاله الناس فى حالهـم يا بنى . مالهـمش دعوة عـجبى !!
_______________
رباعيات بحرف (ع) _____________
ع الجسـر فت الصبح تحت الضباب بين اللى لسـه بينغـرس واللى طاب مـا اهتز قلبـى لنبـت طـالع جديد قد اللى مـاشى . وتحت باطه الكتاب عـجبى !!
عـاد الـربيع كـأنـه طعـم الحـب والحـب نـار جـوه العـروق بتصب اتمتـع ازاى بيـه وانـا متقـطـع من كتـر خـوفى لا فى الخطيئة يطب ؟ عـجبى !!
عجبـتـنى كـلمـة من كــلام الـورق النـور شـرق من بين حـروفهـا وبـرق حبيت أشيلها ف قلبى . . قالت حــرام ده انـا كـل قلب دخلت فيـه اتحــرق عـجبى !!
عجبى عليـك . . عجبى عليـك يا زمن يـا بو البدع يا مبــكى عينى دماً إزاى أنـا أختـار لـروحى طـريـق وانا اللى داخـل فى الحيـاة مرغمـاً عـجبى !!
عجبى علـى العجـب العـجيب العـجاب لـمـا الحـقيقة تطـل بعـد احـتجـاب وتـروق وتحـلا وفـجـأة تصبـح مفيش كمثل طـراطـيش بحـر يـاما خد وجاب عـجبى !!
العشــب طـاطـا للنســايم ونــخ أخضـر طـرى مالهش فى الحسـن أخ عصـفور عبيـط أنا . . غاوى بهجـة وغنا ح انـزل هنـا . . وانشـا لله هبرنى فخ عـجبى !!
علقـت فى المسـمار قناع مـهزلة ومعـاه قنـاع مأسـاة بحزنه ابتلا بصـيت لقيتهـم يشـبهوا بعضـهم واهو ده العجب ياولاد . وإلا فـلا عـجبى !!
علـم اللوع اضخـم كتاب فى الأرض بس اللى يغلـط فيـه يجيبـه الأرض أمـا الصــراحة فأمـرهـا ســاهل لكن لا تجـلب مـال ولا تصون عرض عـجبى !!
على بعـد مليـون ميـل من أرضـنا من الفـراغ الـكـونى بصـيت أنـا لا شـفت فـرق مـا بين جبال أو بحور ولا شـفت فـرق ما بين عـذاب أو هنا عـجبى !!
على رجلى دم . . نظـرت له مـا احتملـت على إيـدى دم . . سـألت : ليـه ؟ لم وصلت علـى كتفـى دم وحتـى علـى راسـى دم أنـا كـلى دم . . قتـلت ؟ . . والا اتقتلت ؟ عـجبى !!
عيـد . والعيال اتنططـوا ع القبـور لعبـوا اسـتغماية . ولعبـوا بـابـور وباللـونـات . ونـايلونـات شـفتشى والحزن ح يروح فين جنب السـرور عـجبى !!
عينـى رأت عصـفور وويـاه ابنـه بيحـدفـه فى الـريح وياخده ف حضنه نوبتـين وتالـت نـوبه – عجبى عليهم كـانوا ســوا بيـرفرفوا ويـغنـوا عـجبى !!
عينى رأت مخلـوق فى غاية البشـاعة أنا قلت لـه لـمـا تأملتـه سـاعة : اللــذة والمـوت علمــوك اللــزج وانا علمـونى الفلســفة والشــجاعة عـجبى !!
عينـى رأت مولـود على كتف أمـه يصـرخ تهنن فيه يصـرخ تضـمه يصـرخ تقـول يا بنى ما تنطق كلام ده اللـى ما يتكلـمش يـا كتر همـه عـجبى !!
_____________
| |
|
| |
ام يوسف
مشرفة الاسلامى
عدد المساهمات : 1437 الاقامة : منتدي حدوتة علم بلدك : مزاجى النهاردة : نشاط العضو : ولد / بنت : الأوسمة : النقاط : 58098 تاريخ التسجيل : 27/11/2008
| موضوع: رد: صــلاح جــاهــيـــن............... 12/5/2009, 16:57 | |
| الدرس انتهى
الدرس انتهى لموا الكراريس بالدم اللى على ورقهم سـال فى قصـر الأمم المتــحدة مسـابقة لرسـوم الأطـفال
ايه رأيك فى البقع الحمـرا يا ضمير العالم يا عزيزى دى لطفـلة مصرية وسمرا كانت من أشـطر تلاميذى دمها راسم زهرة راسم رايـة ثورة راسم وجه مؤامرة راسم خلق جباره راسم نـار راسم عار ع الصهيونية والاستعمار والدنيا اللى عليهم صابرة وساكته على فعل الأباليس الدرس انتـهى لموا الكراريس ..
ايه رأى رجـال الفكر الحر فى الفكرادى المنقوشة بالدم من طفل فقير مولود فى المر لكن كان حلو ضحوك الفـم دم الطـفل الفـلاح راسم شمس الصباح راسم شـجرة تفاح فى جناين الاصلاح راسم تمساح بألف جناح فى دنيا مليانة بالأشبـاح لكنـها قلـبها مرتــاح وساكتة على فعل الأباليس الدرس انتـهى لموا الكراريس …
ايه رأيك يا شعب يا عربى ايه رأيك يا شعب الأحـرار دم الأطـفال جايلك يحـبى يقول انتـقموا من الأشـرار ويسيل ع الأوراق يتهجى الأسـماء ويطـالب الآبـاء بالثـأر للأبـناء ويرسم سيف يهد الزيـف ويلمع لمعة شمـس الصيف فى دنيا فيها النور بقى طيف وساكتة على فعل الأباليـس الدرس انتهى لموا الكراريس | |
|
| |
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| موضوع: رد: صــلاح جــاهــيـــن............... 12/6/2009, 10:51 | |
| رباعيات بحرف ( غ ) _____________
غـدر الـزمان يـا قلبى مـا لهـوش أمـان وحـاييجى يـوم تحتـاج لحبـة إيمـان قلبى ارتجف وسـألنى . . أأمن بإيـه ؟ أأمـن بـإيـه محتـار بقـالى زمــان عـجبى !!
غمسـت سـنك فى السـواد يـا قلـم علشـان ما تكتب شـعر يقطـر ألـم مالك جـرالك إيـه يا مجنون … وليه رسـمت وردة وبـيت وقلـب وعلـم عـجبى !!
غمض عينيك وارقص بخفـة ودلـع الدنيـا هى الشابـة وانت الجــدع تشـوف رشـاقة خطــوتك تعبـدك لكـن انت لو بصيت لرجليك . . تقع عـجبى !!
_____________
رباعيات بحرف (ف) ______________
. . فى يـوم صـحيت شاعر براحة وصفا الـهـم زال والـحـزن راح واخـتـفى خـدنى العـجب وسـألـت روحى سـؤال أنـا مت ؟ . . والا وصـلت للفلسـفه ؟ عـجبى !!
الفيـلسـوف قـاعد يفـكر سـيبوه لا تعمـلوه سـلطان ولا تصـلبـوه مـا تعـرفـوش إن الفلاسـفة يا هوه اللى يقـولـوه بيـرجعوا يـكـدبوه ؟ عـجبى !!
فتحـت شــباكى لشـمس الصـباح مـا دخلش منـه غير عويل الريـاح وفتحـت قلبـى عشـان أبوح بـالألم ما خرجش منه غير محبـه وسـماح عـجبى !!
فـوق تحت . ورا قـدام . يمـين شـمال فـى الجـو . تحت الميـة أو فى الرمال طـلب الكمــال يحـرم علـى الممـكن والممـكنات دول محـرومين م الـكمـال عـجبى !!
فـارس وحيـد جـوه الـدروع الحـديد رفرف عليه عصـفور وقـال له نشـيد منين منين . . ولـفين لفين يـا جـدع قـال من بعيـد ولسـه رايـح بعيـد عـجبى !!
____________
رباعيات بحرف ( ق ) ______________
قـالـوا الشـقيق بيـمص دم الشــقيق والنـاس مـا هيـاش نـاس بحـق وحقيق قـلـبى رمـيتـه وجبت غيـره حـجـر داب الحجـر . . . ورجعت قلـبى رقيق عـجبى !!
قلبـى عليل يا ناس وفى الكـاس دواه مـديت له إيـدى شـربت م اللى حـواه جنبى الشـمال خف . . اليمين اتـوجـع وإيـه يـداوى الــكبد م اللـى كـواه عـجبى !!
قـاعدة قنانـى الخمـر سـاكتة وساهية مـع ابن آدم فى الشـبه متنـاهيـة مفيش كده روقان فى لـحظة تشـوفهم وبـعدهـا بلحظـة يـودوا ف داهيـة عـجبى !!
قطـى العـزيز راقد عـلى الكنبــات فـى نـوم لذيـذ . . وبيلحس الشـنبات وانا كـل عين فنجـان مدلـدق قلـق صـدق اللـى قال إن الحياة منـابات عـجبى !!
قالوا السياسـة مهلكــة بشــكل عـام وبحورهـا يابنى خشنة مش ريش نعـام غوص فيهـا تـلقى الغرقـانين كـلهـم شـيلين غنايـم . والخـفيف اللـى عام عـجبى !!
قالـوا ابـن آدم روح وبـدنـه كـفن قالوا لأ بدن . قالوا لأ ده روح فى بـدن رفـرف فـؤادى مـع الرايـات فى الهوا أنـا قلت لأ روح فى بدن فـى وطـن عـجبى !!
_____________
| |
|
| |
ام يوسف
مشرفة الاسلامى
عدد المساهمات : 1437 الاقامة : منتدي حدوتة علم بلدك : مزاجى النهاردة : نشاط العضو : ولد / بنت : الأوسمة : النقاط : 58098 تاريخ التسجيل : 27/11/2008
| موضوع: رد: صــلاح جــاهــيـــن............... 12/17/2009, 15:18 | |
| شكرا عمنا صلاح جاهين ايه رأيك يا دكتور محمد فى بيرم التونسى
| |
|
| |
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| موضوع: رد: صــلاح جــاهــيـــن............... 12/17/2009, 20:24 | |
| اقتراح جميل يا ام يوسف بس ان شاء الله لما نخلص ع الاقل الرباعيات
| |
|
| |
ام يوسف
مشرفة الاسلامى
عدد المساهمات : 1437 الاقامة : منتدي حدوتة علم بلدك : مزاجى النهاردة : نشاط العضو : ولد / بنت : الأوسمة : النقاط : 58098 تاريخ التسجيل : 27/11/2008
| موضوع: رد: صــلاح جــاهــيـــن............... 12/18/2009, 15:22 | |
| | |
|
| |
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| موضوع: رد: صــلاح جــاهــيـــن............... 12/18/2009, 21:14 | |
| | |
|
| |
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| موضوع: رد: صــلاح جــاهــيـــن............... 12/19/2009, 09:48 | |
| رباعيات بحرف ( ك ) _____________
كان فيه زمـان سحلية طـول فرسـخين كهفين عيـونهـا وخشمهـا بـربخـيـن ماتت . . لـكين الرعب لم عمـره مــات مـع إنه فـات بدل التـاريـخ تاريخـين عـجبى !!
كل اللى فى الخمـارة صـابهم جنـون صـبحوا الرجـال يتبـادلوا كاس المنـون وبــدم ونبيـت انـكتب ع الجــدار "يا ميت ندامة ع اللى قلبـه حنـون" عـجبى !!
كروان جـريح مضـروب شعـاع م القـمر ســقط مـن السـموات فـؤاده انـكسـر جـريت عليـه قطـه عشــان تـبلعـه أتـاريـه خيـال شـعراء ومـالهوش أثـر عـجبى !!
كيف شـفت قلبـى والنبـى يا طـبيب هـمـد ومـات والا سـامع لـه دبـيب قـاللـى لقيتــه مــختنق بـالدمـوع وما لوش دوا غير لمسـه من إيد حبيب عـجبى !!
كـان فيه قمـر كأنـه فـرخ الحـمـام علـى صـغيره دق شـعاع شـق الغمـام أنـا كنت حـاضـر قلت لـه ينصـرك إشـحال لمــا ح تبقـى بـدر التمـام عـجبى !!
كربـاج سـعاده وقلبـى منـه انجلـد رمـح كأنــه حصـان ولف البلــد ورجـع لى نص الليـل وسألنى . . ليه خـجلان تقـول انـك سـعيد يا ولـد عـجبى !!
كام اشـتغلت يا نيـل فى نحت الصـخور مليـون بئونـه وألـف مليـون هـاتـور يا نيل أنا ابــن حـلال ومـن خـلفتك وليـه صـعيبـه عـلى بـس الأمــور عـجبى !!
_______________
رباعيات بحرف ( ل ) ______________
لـيـه يا حبيبتى مـا بيننـا دايمـاً سـفر ده البعـد ذنـب كـبـير لا يـغـتـفر ليـه يـا حبيبتى مـا بيننـا دايمـاً بـحور أعدى بـحـر ألاقـى غيـره اتـحـفـر عـجبى !!
لو فيه سـلام فى الأرض وطـمان وأمـن لو كان مفيش ولا فقـر ولا خـوف وجبن لو يمـلك الانسـان مصـير كـل شـىء انا كنت أجيب للدنيـا مـيت ألـف إبـن عـجبى !!
لا تجبـر الإنسـان ولا تخـيره يكفيه ما فيه مـن عقـل بيحيـره اللـى النهـارده بيطلبه ويشـتهيه هو اللى بكـره ح يشـتهى يغيره عـجبى !!
لولا اختـلاف الرأى يا مـحترم لولا الزلطـتين ما لوقـود انضـرم ولولا فـرعين ليف سـوا مخـاليف كان بيننـا حبل الود كيف اتبـرم ؟ عـجبى !!
___________
| |
|
| |
ام يوسف
مشرفة الاسلامى
عدد المساهمات : 1437 الاقامة : منتدي حدوتة علم بلدك : مزاجى النهاردة : نشاط العضو : ولد / بنت : الأوسمة : النقاط : 58098 تاريخ التسجيل : 27/11/2008
| موضوع: رد: صــلاح جــاهــيـــن............... 12/20/2009, 20:13 | |
| جميل يا دكتور محمد كمل انا متابعة معاك | |
|
| |
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| موضوع: رد: صــلاح جــاهــيـــن............... 12/20/2009, 22:57 | |
|
رباعيات بحرف ( م ) _________________
مـع إن كـل الخلق مـن أصـل طين وكلهـــم بينزلــوا مغمضــين بعـد الــدقايق والشــهور والســنين تــلاقى ناس أشـرار وناس طيــبين عـجبى !!
مرغم عليـك يا صـبح مغصوب يا ليل لادخلتهـا بـرجليا ولا كــانـلى ميل شـايلنى شـيل دخلـت انا فى الحياة وبكـره ح اخرج منهـا شـايلنى شـيل عـجبى !!
مهبـوش بخـربـوش الألـم والضـياع قـلـبى ومـنـزوع م الضـلوع انتـزاع يا مرايتى يـا اللى بترسـمى ضـحكتى يـا هلتـــرى ده وش والا قـنـاع عـجبى !!
مـا حد فى الدنيـا دى واخد جـزاته ولا حـد بيفكـر فى غير لـذاذاتـه مـاتعرفيش يا حبيبتى . . أنا وانتى مين ؟ إنتـى عـروس النيل . . وانا النيل بذاته عـجبى !!
من بين شـقوق الشـيش وشقشقت لـك مع شـهقة العصـافير وزقـزقت لـك نهـار جـديد انا . . قوم نشـوف نعمليه انا قلت يا ح تقتلنـى . . يا ح اقتـلك عـجبى !!
مزيكـه هـاديـه الكـون فيهـا انغمـر وصـيف وليـل وعقـد فـل وســمر يـا هلترى النـاس كلهـم مبسـوطـين ويـا هلترى شـايفين جمـال القمـر ؟ عـجبى !!
مرحب ربيـع مرحب ربيـع مرحبـه يـا طفل يا للى ف دمى ناغا وحبـا علشـان عيونـك يـا صـغنن هـويت حتـى ديــدان الأرض والأغـربــه عـجبى !!
مـنين أجـيبهـا كلمــه متألمــة لعبيـة فايـره حايـره ومصـممــة منين أجيب كلمـة تكـون بـنت أرض تشـفى اللـى ما شـفاهوش كلام السـما عـجبى !!
المـوج تلـول تهـبط وتطـلع تلـول يـا بحـر خـدنى الشـط صاحبك ملول والا بـلاش الشـط ح اعمـل به ايـه ده ريحتـه طـحلب مهرى وام الخلـول عـجبى !!
ما انتاش بتلعب ليـه يا روح بـابـا ؟ ولا عسـكرى ولا لص فى عصـابة ؟ إلعب أسـد أو ديب رهيب أو غـزال دى الدنيـا فى نهاية المطـاف غابـة عـجبى !!
مـركب ورق مـن نفخـة تتطـوح ركـبتهــا والـكــل بيـلــوح سـوحت فيهـا اتنين وخمسـين سنه للآن . ولا بتغــرق ولا تـروح عـجبى !!
__________
رباعيات بحرف ( ن ) ______________
نظـرت فى الملـكوت كتيـر وانشـغلت وبكل كلمـة (ليه ؟) و(عشانيه) سـألت اسـأل سـؤال . . الرد يرجـع ســؤال واخـرج وحيـرتى أشـد ممـا دخلـت عـجبى !!
نـوح راح لحـالـه والطـوفـان اسـتمر مـركبنـا تايهـة لسـه مش لاقيـة بـر آه م الطـوفـان وآهيـن يـا بـر الأمـان إزاى تبـان والـدنـيـا غـرقـانـة شـر عـجبى !!
نـظرت فـوقى للنـجـوم وانـا سـايـر رجليـا عتـرت فى الحفـر والحجـايـر بـقيـت أقـول وانا ع التراب : يـا سـلام مـش بـس عـبره أخـذت لـكن عبـاير عـجبى !!
نقطـة مرارة كمـان على مشـروبى دوبهـا يا سـاقى حسـب مطـلوبى طـعم الحياة . مش برضه فيها وفيها ؟ ليـالى وردى ونهـارات خـروبى ؟ عـجبى !!
_________
رباعيات بحرف ( هـ ) ______________
هـات يا زمـان . وهـات كمان يا زمان غير بسـمة الشــجعان مـامنـى يبـان هـو اللـى داق الفـرحـة يـوم ثورتـه يـقـدر يعــود ولا ثانيـة للأحـزان ؟ عـجبى !!
____________
| |
|
| |
ام يوسف
مشرفة الاسلامى
عدد المساهمات : 1437 الاقامة : منتدي حدوتة علم بلدك : مزاجى النهاردة : نشاط العضو : ولد / بنت : الأوسمة : النقاط : 58098 تاريخ التسجيل : 27/11/2008
| موضوع: رد: صــلاح جــاهــيـــن............... 12/22/2009, 16:45 | |
| مازالنا نتابع شكرا على المجهود الرائع | |
|
| |
ahla lola .
عدد المساهمات : 1698 العمر : 26 الاقامة : in the sky المهنة : فاضيه علم بلدك : مزاجى النهاردة : نشاط العضو : ولد / بنت : الأوسمة : النقاط : 58656 تاريخ التسجيل : 29/10/2008
| موضوع: رد: صــلاح جــاهــيـــن............... 12/23/2009, 01:47 | |
| تسلم الايادى مستنيه الجديد دايما يا رب | |
|
| |
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| موضوع: رد: صــلاح جــاهــيـــن............... 12/23/2009, 21:25 | |
| ام يوسف
كووول
شرفتوني بمروركم الجميل تسلم الايادي
| |
|
| |
Dr.mo7amed
الإدارة
عدد المساهمات : 3575 العمر : 36 الاقامة : ف بلاد الله الواسعه المهنة : صيدلي علم بلدك : مزاجى النهاردة : نشاط العضو : ولد / بنت : الأوسمة : النقاط : 62670 تاريخ التسجيل : 19/08/2007
| موضوع: رد: صــلاح جــاهــيـــن............... 1/1/2010, 11:47 | |
| رباعيات بحرف (و) ____________
وانا فى الضـلام . . من غير شـعاع يهتكه أقـف مـكـانى بخـوف ولا أتـركـه ولمـا ييجى النـور واشـوف الـدروب أحـــتــار زيـادة . . أيهـم أسـلكــه ؟ عـجبى !!
والـكون ده كيف موجود من غير حـدود وفـيـه عقـارب ليـه وتعـابين ودود عـالـم مجـرب فـات وقـال سلامـات ده ياما فيـه سـؤالات من غير ردود عـجبى !!
ورا كـل شـباك ألـف عين مفتـوحين وانا وانـتى مـاشـيين يا غـرامى الحزين لـو التصـقنا نمـوت بضـربة حجـر ولـو افتـرقنـا نمــوت متـحسـرين عـجبى !!
وقـفـت بـيـن شـطيـن على قـنـطرة الـكـدب فين والصـدق فين يـا تـرى محتار ح اموت . . الحـوت خرج لى وقال هـو الـكــلام يتقـاس بـالمســطرة ؟ عـجبى !!
ولدى نصـحتك لمـا صـوتى اتنبــح ما تخـافش من جـنى ولا من شبـح وان هـب فيـك عفـريت قتيـل إسـألـه ما دافعش ليه عن نفسـه يـوم ما اندبح ؟ عـجبى !!
ولدى إليك بدل البالـون مـيت بالـون انفـخ وطـرقع فيه علـى كـل لـون عسـاك تشـوف بعنيـك مصـير الرجال المنفـوخين فى السـترة والبنطلــون عـجبى !!
ولـو انضـنيت وفنيت وعمـرى انفـرط مش عـاوز الـجـأ للحـلول الوسـط وكـمـان شـطط وجنـون مـانيش عاوز يـامين يقـول لى الصـح فين والغـلط ؟ عـجبى !!
وقفت سـاعة الصـبح باغسـل سـنانى قالت لى شـايف قـوتى ولـمعـانـى ؟ إيش تطلب اليـوم مـنى ضحكـة أسد ؟ والا ابتسـامة اعـلانات أمـريكـانى ؟ عـجبى !!
ورد ف ورق سـلوفان يا حـلوة اهديلك ؟ والا انقله بالطـين فـى شـتلة واجيلك ؟ الأولانــى لــو وحــا بحـنانـى عجبى علـى التـانـى بـإيـه يـوحـيلك عـجبى !!
___________
| |
|
| |
ام يوسف
مشرفة الاسلامى
عدد المساهمات : 1437 الاقامة : منتدي حدوتة علم بلدك : مزاجى النهاردة : نشاط العضو : ولد / بنت : الأوسمة : النقاط : 58098 تاريخ التسجيل : 27/11/2008
| موضوع: رد: صــلاح جــاهــيـــن............... 1/2/2010, 14:53 | |
| جميل يا دكتور محمد مازالنا نتابع | |
|
| |
| صــلاح جــاهــيـــن............... | |
|