عـــيــــد ســعــــيــــد............

الله اكبر ، الله اكبر ، الله اكبر
لا اله الا الله ، الله اكبر
الله اكبر ولله الحمد
نادي منادي علشان نصحي
شيلت غطايا وقولت اقوم ... لازم افوّق كفياني نوم
يومي دا يوم ولا زيِّه يوم ... جاي بسعاده وضحكه وفرحه
سعاده عيله بأكله هنيه ... ضحكه بنت اروبه شقيه
فرحه طفل ف ايده عيديه ... وشعب ف وشه البسمه اهي سارحه
خَدُّله اجازه من التفكير ... روق رمي احزانه ف بير
علق زينته من التكبير ... بيذكر ربه وايده ع السبحه
ويدعي بإن بلاده تعود ... بالخير ع الدنيا بحالها تجود
يهابها كل عدو لدود ... واحنا فداها بين شهدا وجرحي
وافوق من سرحاني تاني واقول ... اقوم لصلاتي وما اكونش كسول
ما صلاه العيد دي لها مفعول ... يحلي طعم حياتي المالحه
واقابل عيدي باجمل بسمه ... واهني الناس فيه ولو بالكلمه
وتطوف حوالينا ألطف نسمه ... لروح وملايكه جايه ورايحه
بين الخلق لكن مش ظاهره ... عليك بتسلم وانت ما تدري
تدعي تجيلك يوم بالبشري ... بإن الجنه ليك اهي فاتحه
وعيدنا ما يحلي غير بالود ... وتلقي بود الاهل السعد
ويغضب ربك لو فيه بُعد ... وناس زعلانه ومش متصالحه
ويغضب اكتر واكتر لمّا ... يقولوا اهو جانا عيد اللحمه
وهو الموسم لفريضه عظمي ... لمسلم حاجج او غيره ضحي
حاج كانت حجته مبروره ... ودبحنا سـُنه ماهو ضروره
وتلقي ذنوبنا بيهم مغفوره ... ويجيك من ربك اعظم منحه
جنه خلد ورضا ونعيم ... طلبات بتُجاب ومفيش تحريم
اكل وحور وشراب تسنيم ... ودول ف الاخره الناس الرابحه
بتكون ايامهم دايما عيد ... مش اكل كتير او لبس جديد
ولا زينه تخلي القلب سعيد ... إنما سكتهم باينه وواضحه
تقوي عباده صله ارحام ... اعمال صالحات مش بس كلام
وقلوب عن ذكر الله ما تنام .... نفوسهم راضيه وشوشهم سمحه
والقلب لكل الناس يتمني ... ينالوا العفو يخشوا الجنه
ولاجل ما ربنا يصلح حالنا ... سابولنا كنوز من كلمات ناصحه
طاوع ربك ف ايام عيدك ... تلقاه من فضله وخيره يزيدك
وكمان البركه تحل ف بيتك ... وعشان كدا جانا عيد الاضحي

__________________

كـــل ســنـــه وانــتـوا طــيــبــيـــن
وان شاء الله عــيـــد ســعــيــــد

الله عليك يا دوك
خاطره حلوه اوى ودمها خفيف
كويس اننا بنبتدى بيها اليوم
اكيد هيكون يوم كووووول
تسلم ايدك

اهلا بيكي يا امنيه
مشرفاني بمرورك وردك
تسلم الايادي

حلوة كتير شكرا ليك

كل سنة وانت طيب

تسلم حبيبي على قول أمنية دي حاجة حلوة نبتدي بيها اليوم

مرسي يا قمر وكل سنة وإنت وعيلتك الكريمة بألف خير

صح ععيدك إن شاء الله أيامك كلها أعياد ومسرات

أختك أماني

اجنادين

نورتينا يا جميل
وكل سنه وانت طيبه

امونه

شرفتيني يا امونتي بمرورك وكلامك الجميل
وكل سنه وانت بالف صحه وسعاده

اللة عليك يا باشا تسلم ايدك

وكل سنة وانت طيب

منوراني يا كوكي
وكل سنه وانتي طيبه

يااااااااااااااااا ايدو ياجامد
اية الكلام الجميل دااااااااااا
بجد تسلم ايدك ياقمر
ومعلش جيت متاخرة بس غصبن عنى
بس بجد الله عليك وعلى كلامك الجميل دايما
خاطرة جميلة فايام جميلة

تسلم علي الخاطره يادكتور
كل سنه وكل اعضاء حدوته بخير وسعاده

توتا

ميرسي يا توتا ع المرور والكلام الجمبل دا
تسلم الايادي
ومفيش تأخير ولا حاجه
انت تنور ف اي وقت يا جميل

انسان

مشرفني بمرورك يا استاذنا
وكل سنه وانت طيب