اعترافات قلب مجروح

موضوع: اعترافات قلب مجروح 8/6/2009, 12:55

الموضوع مفيش فيه اي نوع من الامل
لانه بيتكلم عن حالة موجوده في قلوب ناس كتير اوي
ويا ريت يا جماعه لو حد هايتعب
او يتشائم بلاش يكمل قراءة لاني مش عاوز اشيل ذنب حد
انا عارف ان الكلام ده يمكن يكون مش جديد
بس يمكن في ناس منكم حاسين بيه و مش لاقيين حد يقولوله عليه
وممكن ناس تانيه تقول ان ده رد فعل زياده عن اللزوم تجاه الحياة
بس دي اعترافات قلب
شاف كتير من الدنيا
ونفسه يتكلم و يقول اللي جواه.....
الناس بتقول ان اي قلب مجروح مع الزمن و الوقت بيتداوي و بيرجع زي ما كان
كأنه لسه قلب فاضي و جديد و لا شاف هم و لا شاف حزن
وانا مش قادر اصدق الحكاية دي
لكن اللي اعرفه و متأكد منه ان القلب المجروح
مهما عدت سنين عمره ما هايرجع تاني زي ما كان
جروح القلب كتير اوي

ومش لازم جرح القلب يكون من حب راح
لأ
جرح القلب و كسرته بتكون من الناس و من الحب و من الحياة كله
احساس صعب اوي انك تبقي عايش بقلب مجروح
بتلاقي قلبك بيتقطع و انت واقف و مش قادر تعمل اي حاجه
عندك احاسيس كتير مش فاهمها و مش عارف مصدرها و مش عارف تهرب منها
احساس بالضعف
بالخوف

احساس بألم فظيع
ألم بيأن في قلبك ليل و نهار
قلبك بينزف
و بيتقطع قدام عنيك
و بيتوجع
وانت واقف مشلول مش عارف حتي تنقذ منه و لو جزء صغير
زي ما تكون محبوسة حاجه كبيرة اوي جواك
زي ماتكون متقيد بسلاسل عمرها ما هاتتشال من عليك
نفسك تصرخ

نفسك تتحرك في اي اتجاه تاني غير اللي انت ماشي فيه
نفسك تقول آااااااه
لكن الكلمة محبوسة في صدرك و مش قادر تطلعها
يااااااااه علي الحياة
ياااااه علي الناس اللي مش بتحس بيك
وعلي قسوة القلوب الللي حواليك
وحياتك اللي بتسوء يوم عن يوم

.............
وفجأة
ييجي أمل
ييجي حب
يلملم الجرح
ويداوي شوية بشوية
تبتدي تحس
تبتدي تحب
يبتدي قلبك يدق من جديد
تبدا جواك حياة جميلة و حلم صغير عاوز يرتوي بالحب علشان يكبر

وزي ما الحب جه فجأة بيروح برضو فجأة
وتلاقي قلبك بعد ما ابتدي انه يحس بالحياة
ابتدي يموت من اول و جديد
والالم اللي كان قلبك متعود عليه بقي افظع و اقوي
لانه ألم من قلب كان قرب يموت و عرف معني الامل
و فقد الامل ده حتي قبل ما يشوف ملامحه
تحس الحياة بتموت جواك
مع انك عارف انك عايش و كل الناس حواليك عايشين
بس لما تبص لنفسك في المراية
بتلاقي حطام انسان
بتلاقي جسد من غير روح
بتلاقي احلام متكسرة
بتشوف قلب بينزف و نزيفه شديد
والامل اللي كان ممكن يحيي قلبك من جديد
او حتي يلملم جراحه..... راح
راح الامل
راح الحب

راح الحلم اللي كنت لسه هاتبدأ تحلمه
راح الاحساس بالراحه اللي عيشته لأيام معدوده جوه سنين عمرك الطويلة اللي كلها ألم
وتبص علي الناس اللي حواليك
تلاقيهم عايشين
بيضحكوا
بيحبوا
بيحلموا
وأنت واقف مكانك

مش قادر تنقذ قلبك اللي بيموت
بيموت؟؟؟؟؟؟
لأ انا قلبي مش بيموت
ده قلبي خلاص مات
أيوة فعلا قلبي مات
فين دقات قلبي؟!!
فين احساسي بابسط الاشياء في الكون؟!!
مفيش
مفيش احساس بأي شيء

مفيش متعه
مفيش سعاده
مفيش احساس حتي بنبض قلبي.......
لكن في حاجه جديدة ابتديت اعملها
في ابتسامه
ابتديت ارسمها علي شفايفي

بخدع بيها غيري
علشان ماشوفش نظرة عطف في عينيهم
وبخدع بيها نفسي لما اشوف نفسي في المراية
وبخدع بيها روحي
علشان تفضل في جسمي عايشة لغاية ما ييجي اوانها و تسيب الدنيا هي كمان
يمكن ساعتها ارتاح

يمكن في الموت راحه للألم اللي مالي حياتي كلها
يمكن؟؟!!!!!
أحاول اسيب الدنيا و اموت
بس هاموت كافر يعني
لأ إلا ربي و ديني
انا خسرت احساسي وخسرت حبي و خسرت نظرة للحياة بعين سعيده
لكن مش هاخسر ربي و لا ديني
طيب هاعيش ازاي ؟
مش لو اصلا كنت عايش؟

هاقضي ايام و خلاص
بتعدي عليا ليلها زي نهارها
ألم و تعب و حسرة و ندم
يا ريت انا كنت زي باقي الناس
ادوس علي غيري برجلي و لا يهمني
يا ريت كنت يا قلبي قاسي
يا ريت كنت واحد تاني غير نفسي

في مكان غير المكان
في زمان غير الزمان
مع ناس غير الناس
يمكن كنت اقدر اعيش
يا ريت
يا ريت
يا ريت
................................
وبيفضل سؤال دايما جواك...
يا تري في قلب تاني ممكن يكون حاسس بنفس احساسي ده؟؟
والاجابة............................... مش موجوده

**********آسف ان الكلام ده حزين وكله تشاؤم بس ده كلام من قلب تقريبا فقد الاحساس بالحياة

دي حالة عشت فيها فترة من عمري و شفتها في عيون ناس تانيه كتير اوي
مش قادرين انهم يتكلموا و يعبروا عن اللي جواهم
بس للاسف لاني عشت اللي هما عايشينه بقيت بقدر اشوف حزنهم في عيونهم و اقرا كل اللي جواهم من غير حتي ما يتكلموا....

وفي النهاية دي مجرد اعترافات لقلب مجروح

وده مجرد كلام نفس قلبي و قلب غيري يصرخ بيه

ويمكن مش قادرين نقوله و بنكتبه في ورق و نقطعه

و أسف اني طولت في الموضوع بقي

ويا رب مش يكون حد منكم زعل مني

وفي النهاية ده مجرد رأي او وصف لاحساس يمكن يكون غلط او صح

مستنى مشاركاتكم معايا

*************

موضوع: رد: اعترافات قلب مجروح 8/6/2009, 14:37

هذه هى الايام
نيس توبك يا رومانسية المنتدى

موضوع: رد: اعترافات قلب مجروح 8/7/2009, 18:15

يااااااااااااااااااااااااااااااااة
وصفت كتير اووووووووووى
جوايا من الاحساس دا كتير اوى
مش عرفة اقولك اية بجد
افتكرت حاجات كتير كنت بحاول اتناساها
بس للاسف مش بيحصل
كل اللى قولتة كلة من غير اى نقص فاى كلمة
موجود فحياتى واكتر كمان
نايس توبيك

موضوع: رد: اعترافات قلب مجروح 8/9/2009, 18:53

شكرا لمرورك يادرش

اما انت يا توتا ربنا يخفف عنك ويبعد كل حاجة وحشة
وشكرا لمرورك

موضوع: رد: اعترافات قلب مجروح 8/9/2009, 22:54

تــوبيك أكثـــر مـن رائع يـاشـهد وهـذا الموضوع بـنسبـة إلـي

من أحسـن المواضيـع إلـي قـريتها فـي مـنتديـات كـلها لـيه ؟

أشـياء كـثيرة يـاشـهد أتكلم عـنها لـكن أهـمها انـه

اولا

طبـعا مـاتكلم بـي لغة الفـصحى ( أتكـلم بـي طـريقته وإحسـاسه لـي حيـاة )

ثـانيـا

مـيزة هـذا الموضوع مـاتكلم عـن حب فـقط لالا

أتكـلم عـن كـل شـي عن

النـاس وعـن الحـياة وعـن النـاس إلي مـش بتحـس بـيك نـهـائيـا وغـيرها من الأشـياء

فـعلا أعـترافـات القـلب مجـروح كلـها صحيحة لـي

أنـه هذا واقـع وهـذا إلي يـصير الأن

ــــــــ ــــــــ ــــــــ ــــــــ ــــــــ

كـمان أنا لا حـظة شـي هـذا الشـخص

إلـي أتكلم عـن أعـترافات الفـلب المجـروح

بـاين عـليه أنـه أنسـان طـيب وكـويس لـيه قـولت هذا كلام ؟؟

أنـتي لو لا حـظتي يـاشـهد فـي كـلامه

( أنـه بيتمنـى يكون زي بـاقـي النـاس يـدوس على غـيره بيـ رجـله ولا يـهمه ويتـمنى يكون

قـلبه قـاسي )

يـعنـي يـاشهد فـي الأسـاس وحسـب برضه نظرتي لـه ولـي كـلامه

أنه هو انسـان كـويس وطـيب لـكن النـاس مـرحموه جـرحوه

عـلشان كـذا يتمنى حـاجة مـايبغاها اسـاسـا هـذه نقـطة بـس

ولا تنسـى يـاشهد فـي شـي أسمه قـدر ونصـيب هـذه كلـها داخلة لـكن أنا بتكـلم عـنه وعـن

قـسوة ناس إلـي حـوليه إلي اسـاسـا مش بتحـس بيه

ــــــــ ــــــــ ــــــــ ــــــــ ــــــــ

ولـي علـم وهـذا حـاصل ومـوجود

الأنسـان طـيب إلـي يحـب الخـير لـي نـاس ويسـاعدهم أول شـي فـي الـبشر

أنه يستغلونوا اسـوء اسـتغلال وغـيركـذا في نـظرتهم لـي هـذا الشـخص طيب أنـه

( ضـعيـف + غـبي + سـاذج ) وهـذه حقيقة وموجودة

وغـيرها من نظرة الـبشر لـي (شـخص طـيب )

وغير كذا كـذا يتجـرح بـسهولة

حـتى من اقرب نـاس لـيه ويبـقى حيـاته سـودة لـي أنه قـلبه طـيب

ويحـب الخـير لي الجـميع

ــــــــ ــــــــ ــــــــ ــــــــ ــــــــ

أمـ الأنسـان إلـي يدعـس عـلى غـيره ولا يهـمه حـد ولـو يـشوفك مـيت على الأرض

ميطالع فـيك اساسا ولا يـفكر فـي حـد ويشـوف

مصـلحت نفـسه اهم شـي وغـيرها من الأشـياء

طبعا هـذا إلي انسـان إلـي يـعيش ويشـوف حيـاة حلوة

ــــــــ ــــــــ ــــــــ ــــــــ ــــــــ

( والمفـروض يكون العـكس الأنسـان كـويس وإلي يحـب الخـير لـي نـاس

هـو مفـروض تكون حـياته حلوة وأفـضل )

لـكن شـو أقـول بـس الله يـهدي الجـميع واسـف جدا على الأطالة يـاشهد

تقـبلي مروري

فـي رعـاية الله

موضوع: رد: اعترافات قلب مجروح 8/10/2009, 09:46

[size=29]شكرا ليك يا مهند على مرورك وفعلا كلام كلة مزبوط[/size]

موضوع: رد: اعترافات قلب مجروح 8/10/2009, 23:24

ياااااااااااااااااه كل دا يا شهد

بجد قمة الالم والحزن بس هنعمل اية مفيش حب بيكمل

كلو عذاب والم وجروح

بجد حرام اللى بيحصل دا كفاية اوووى

بس مش قادرين ننسى هو دا الصعب

ياريت فعلا الواحد يدوس

ناااااااااايس توبيك يا شهد وعجبنى وجارى التثبيت

موضوع: رد: اعترافات قلب مجروح 8/11/2009, 09:55

شكرا ليك ياتامر على الاهتمام والتثبيت
نورت التوبيك

موضوع: رد: اعترافات قلب مجروح 8/11/2009, 10:27

[center]يااااااااااااة اية التوبك الحزين دة

هوة توبك جامد جدا بس انا مليش ف الجو الحزين ربنا يحفظنا يا رب

والي عجبني بقي ف التوبك نقطة التحول

[quoteوفجأة
ييجي أمل
ييجي حب
يلملم الجرح
ويداوي شوية بشوية
تبتدي تحس
تبتدي تحب
يبتدي قلبك يدق من جديد
تبدا جواك حياة جميلة و حلم صغير عاوز يرتوي بالحب علشان يكبر[/quote]

لكن يا خصارة ملحقتش افرح

اقتباس :: وزي ما الحب جه فجأة بيروح برضو فجأة
وتلاقي قلبك بعد ما ابتدي انه يحس بالحياة
ابتدي يموت من اول و جديد
والالم اللي كان قلبك متعود عليه بقي افظع و اقوي

اية حرام عليكي يعني انتي معقدة الدنيا كدة لية

اعترافات قلب مجروح 562923

بس ناي س توبك يا شهد والله واحسنتي يا جمييل

سلام

[/center]

موضوع: رد: اعترافات قلب مجروح 8/11/2009, 10:59

ههههههههههههههههههههه
يخرب بيت تعليقات ياعلاء

ماشى ياجميل
شكلك بتتريأ عليا براحتك

موضوع: رد: اعترافات قلب مجروح 8/12/2009, 11:56

توبيك جميل
عبر عن حاجات كتير اوي
واحاسيس بتعدي علينا كلنا
ما بنقدرش نحكيها ولا نتكلم عنها
لاننا زي ما قولتي بنبئي في عداد الاموات

نايس توبيك يا شهد
تسلم ايدك

موضوع: رد: اعترافات قلب مجروح 8/12/2009, 12:19

تسلمي يا شهد

موضوع: رد: اعترافات قلب مجروح 8/12/2009, 16:12

محمد

ميادة

منورين التوبيك وشرفنى مروركم

موضوع: رد: اعترافات قلب مجروح 8/16/2009, 17:43

ياااااااااااااااااااه
موضوع جامد جدا
تسلم ايدك يا جميل

موضوع: رد: اعترافات قلب مجروح 8/19/2009, 09:19

ميرسى ليك يااحمد
شرفنى مرورك

موضوع: رد: اعترافات قلب مجروح 8/26/2009, 00:12

شهد موضوع راااااااااائع
بجد تسلمين يارومانسيه المنتدى
وفعلا فكرتينى باحزانى

موضوع: رد: اعترافات قلب مجروح 8/26/2009, 00:26

هي دي الايام
هنعمل ايه بقى
تسلمي يا شهود يا قمر
في المزيد .. بس علشان خاطري افرحي شويه بقى
يخرب بيت اللي يزعلك
فارس

موضوع: رد: اعترافات قلب مجروح 9/2/2009, 04:52

موضوع جميل ومؤثر اوى رومانسية وكلامك كله بجد صح لانى مريت بيه
ممكن طلب ؟؟؟؟؟
ممكن بس موضوع عن الانانيه فى الحب وممكن سؤال لو واحدة سابت اللى بتحبه وبتقول بتموت فيه عشان مشاكل عاديه جدا يعنى ممكن اختلاف بسيط فى التفاهم واسباب عادية مش غيرة ولا حجات كبيرة زى دى ؟ مممكن ردك

موضوع: رد: اعترافات قلب مجروح 9/2/2009, 13:18

كلام جميل جدا ومؤثر
تسلمى يارومانسيه
والله يخرب بيت اللى يزعل القمر دا
ادهوووووووووم
عاشق الليل

موضوع: رد: اعترافات قلب مجروح 9/2/2009, 18:08

ملك بلا مملكه انا ممكن اجاوبك
اللى تسيب واحد عشان مشاكل تافهه تبقى محبتهوش
بس دى لو كانت فعلا مشاكل تافهه

موضوع: رد: اعترافات قلب مجروح 9/2/2009, 23:49

( حذف اداري لسوء الالفاظ )

ودا انذار اول
فارس

موضوع: رد: اعترافات قلب مجروح 9/3/2009, 12:13

تعمل ايه لما يكون ليك حد
كان حبيبه وصديقه وكل حاجه ف الدنيا
وظلمك وجه عليك
ماافتكرش ذكرى بينكوا
وهانت عليه الايام الحلوه
قلبه جامد
منزلش دمعه ع حبى له
ومفكرش انه محتاحنى ومحتاجاه
الجرح بيجى من اقرب حد ليك
بس كتر البكاء بيعلم القسوة
ولازم نقسى ومنحنش ع قلب حد كده

حسبى الله ونعم الوكيل

موضوع: رد: اعترافات قلب مجروح 9/6/2009, 16:49

اكيد الموقف بيكون صعب يا همس بس لازم نغفر ونسامح ومع الايام بننسى اكيد الصاحب ده مش بيكون زى الاول بس مع الايام بننسى اللى حصل ولازم ننسى عشان الدنيا كده ومع الحبيب بيكون اصعب بس التسامح والحب احلى وممكن بس طلب ياريت ماتزعليش وانسى وفكرى فى الدنيا هتكون احلى مع ضحكتك ويارب داما تكونى سعيده واللى بيبحبك اكيد هيرجعلك وانتى زى ما قلتلك قبل كده (انتى الحب)
اذا اردت شيئا بشده فاطلق سراحه فان عاد لك فهو ملك لك وان لم يعد فهو لم يكن لك من البدايه

موضوع: رد: اعترافات قلب مجروح 9/6/2009, 17:40

ميرسى ياملك وانا كفايه عندى ان لما اتعب هلاقى اللى افضل من الكل
الجاله واشكيله ربنا سبحانه وتعالى

ويارب محدش يشوف جرح ولا ظلم ولا اى حاجه وحشه

موضوع: رد: اعترافات قلب مجروح 9/11/2009, 07:21

بجد توبك هايل بس
ناقص اهم حاجه فى الدنيا

الامــــــــــــــــــــــــــــل

ياجماعه ماينفعشى نعيش من غير امل
والدنيا بتتغير من حال لحال
لازم يكون جوانا امل فى اى حاجة
حتى لو مستحيله
والحزن شعور اكيد بيحس بيه
كل شخص فى كتير من الاوقات
بس مش لازم نستسلم ليه
لازم يكون فيه امل
والامل من سمات الحب
اعترافات قلب مجروح 686455

حب الدنيا تحبك تكره الدنيا تكرهك اعترافات قلب مجروح 686455

» قلب مجروح
» احساس مجروح
» مجروح انا في الدنيا
» لوحة من الحب الحزين بقلم مجروح
» لو فاكر ان الحب وحش لو مجروح لو حزين تعال ادخل وشوف