كرسي الاعتراف مع حسام (( lamoor ))

حسام مايسبش حقه لو وصلت للقتل


قتل ايه ياد انتا هاتعملهم عليا

انت تعرف تقتل قطة يااااد

والحلوة الجملة بتاعة اللى يقع منى ماجيبوش دا
ههههههههههههههههههههههههههههههه

صبح صبح ياعم الحاج
صبح صبح
معلش بقى ياحس متأخرة شوية ياباشا
ولا يهمك
نخش ع الاسئلة بقى ياريس
نخش

ناوى بأذن الله تعمل فرحك فين ؟
ههههههههههههه
لما الاقى العروسه الاول هقولك
لسة الشقاوة بتاع زمان موجودة فيك ولا لا ؟
موجودة بس على فترات
هتفضل شقى بردة لما تجوز ؟
ما ظنش
الاستقرار حلو بردو
انت عاوز تسافر برة دة حلمك وحلم كل المصريين طبعا
عايز تسافر فين بأذن الله وفين ؟
المانيا ان شاء الله
البلد دى بحبها وحاسس انها احسن بلد فى نظام العمل
وهتجوز من هنا بقى ولا هتجوز من البلد اللى انت رايحها ؟
هتجوز من مصر طبعا وتكون بنت شرقيه مش بتاعت الكلام بتاع اليويمن دول ياعم
انا بسمع الناس بتعد تكلم على حسام تقول انة مغرور وانانى نفسى اعرف لية ؟
ههههههههههههههههه
عاشن هما مش يعرفوا حسام
اللى بيقول كدة يبقى بيبص لحسام نظره سطحيه بس اللى عرف حسام اوى واتعامل معاه كتير
هيعرف انه مش يعرف حاجه اسمها الغرور
امتة تدى للبنت اللى انت بتكلمها رجل علطول أو اكتر حاجة بتتخنق منها بتعملها البنات ؟
الكدب طبعا القلم بينزل واللى بيطرقع ميحسبش
بما انك طنطاوى اية رايك فى الشباب بتوع طنطا ؟
والله انا مش عارف شباب مصر كلها بقى عاملين كدة ليه
مش فى طنطا بس
البنات المتسقطه والشعر المكهرب
والسلسله وكلام من ده
ربنا يهديهم

نفسى اعرف مالك الايام دة ياحسام متغير انت جامد وحاسس انك زعلان من حاجة كبيرة أوى ؟ ممكن أعرفها ولا لا ؟
والله انا تعبت شويه اليويمن دول
بسبب كام موقف كدة ودة من الحجات اللى مش اتقالت لاى حد وفى ناس محلفانى انى مش اقولها
بس الحمدلله دلوقتى احسن

حصل قبل كدة وعيطت جامد أوى ؟ امتة ؟
اها
من يومين بالظبط
اية رايك فى المنتخب المصرى للشباب ؟ ومين اللعيب اللى لة مستقبل فى المنتخب بتاع الشباب دة؟
والله المنتخب ده حلو جدا
لعيبه كتير ليها مستقبل وعجبانى جدا
زى بوجى عرفات عفروتو شكرى معاذ الحناوى

العيال دى تحافظ على نفسها وهتبقى لعيبه كبيرة بسرعه
اللى بعيد عن العين بعيد عن القلب ؟ انت ماشى على النظام دة ولا لا ياحج ؟
لالا طبعا
الحب مش باانك تشوف حبيبك جنبك
الحب انك تحبه اكتر لما يبعد عنك وتشتاقله
انت اتخنقت من الكلية امتة لما كنت انت فى سنة اولى ؟ و لية ؟
والله انا دخلت الكليه وانا مش حاببها
بس كنت بحضر زى معظم طلبه اولى
لحد ما عرفت اقرب محل بلاى ستيشن وبقيت بحضر فيه
ولحد دلوقتى ولا بحضر فى الكليه ولا بحضر فى البلاستيشن بنزل اقعد فى الاتحاد شويه واروح
متوقع مصر تكسب زامبيا ولا لا ؟
ان شاء الله هنكسب بس بالعافيه
بتحب الاطفال ولا لا
بحبهم بس من غير دوشتهم
وناوى تسمى ابنك وبنتك اية ؟ بأذن الله
ابنى احمد ان شاء الله
احمد حسام وهدلعه بميدو

البنت هسميها حياه باذن الله
اية رايك فى الحوارت اللى بتحصل الايام دى بتاع انفلونزا الخنازير والكليات والانتساب ؟
ياعم هيا احتياطات من الحكومه بس فى اول يوم دراسه اتاكدت انهم هيقفلو التعليم من قله الغياب والزحام اللى فى كل الكليات
فى مثل بيقول اعرف صاحبك وعلم علية ؟ نفسى اعرف ياعنى اية ؟
يعني اعرف صاحبك واعرف انه مش تمام وانه مش يستحق يبقى صاحبك وسيبه وانتا متاكد من دة
اية رايك فى صاصا فى المنتدى ياباشا الايام دى بالذات ؟
مش بيدحل كتير زى الاول
بس حلو توبيك عبر عن مشاعرك ده
ولنا عودة اخرى ياعم الحاج احنا مع بعض اهو
انا عارف انها اسئلة رخمة أوى أوى أوى
ههههههههههههههههههههههه
بس يلا بقى حبيبى

سلام ياريس


والله اسئله فى الجون ياحج
ومش رخمه ولا اى حاجه
حبيب يا حج

مستنيك تانى


تشاااااااااااااااااااااو

انا جيييييييييييييييييييييييييييييت
اتقل
مين
لالالالالالالالالا
حسام
اخيراااا
وقعت ولا حدش سما عليك
انتظرني
فارس

مساء الفل ع شباب وبنا ت حدوته
حبيت اكون ضيف خفيف واسال نجم المنتدى
لامور
شويه اسئله بسيطه
انتى تؤمرى
اتفضلي
بسم الله

اولا ايه اخر كذبه كدبتها؟ وليه؟ وع مين؟؟
انا بصراحه مش بعرف اكدب ومش بحبه
مش فاكر كدب
لان من وجهه نظرى ان الانسان الكداب ده جبان خايف من رد فعل اللى بيكدب عليه
وانا مش كده
ثانيا امتى انجرحت اوى؟وجرحك ازاى؟وهل كرهته؟ولا احساسك ايه؟ورد فعلك كان ايه؟
والله اكبر جرح كان من واحد من اعز اصحابي
وجرحنى بانه قال عليا كلام وحش انا مش عملته وعامل ادامى ملاك برئ
مش بعرف اكره بس مش بقيت بحبه
قطعت علاقتى عنه نهائى خالص

ثالثا امتى تخرج عن شعورك تمام ومتقدرش تملك اعصابك
وهل حصل قبل كده؟اشرح بالتفصيل؟هههههههه
والله ده بيحصل لما حد يغلط فى حسام ويفكر بس يهينه دون وجه حق
حصل كتير
وبعيد عنك مش تشوفيها
رابعا مين اكتر حد خانك؟وهل خنته؟وخانك ازاى؟؟
انا قولت صاحبي ده بعتبر اللى عمله معايا خيانه
خامسا تقول الكلمات دى لمين؟؟
حسبى الله ونعم الوكيل؟
العميد السابق للكليه
اسف انى عرفتك؟
واحده عرفتها اليومين اللى فاتو دول
يارتنى عرفتك من زمان؟
بنوته زى القمر
خلاص نسيتك؟
الانسانه اللى كنت مرتبط بيها
وحشتنى؟
الواد فارس
ماليش غيرك؟
والدتى طبعا
اجدع صحاب؟
توتا
سادسا بتنسى الاساءه ولا قلبك اسود؟
اسود اووووووووووى
سابعا اكبر غلطه غلطتها وندمان عليها؟؟
انا مش بحب الندم بس اللى زعلت انى عملته انى اهملت فى نفسي واتسبت انى بعيد السنه دى
ثامنا ايه اللى نفسك فيه لكن صعب تحقيقه؟؟
اسافر بره حالا
حبيت اخفف بس عشان دول تسخين فاصل ونواصل
ههههههههههههههههه
مستنيكي
وللحديث بقيه

نكمل ياقمر المنتدى
معاكى
اولا هكتبلك بعض الاسماء وتقول بتمثلك ايه بمنتهى الصراحه

علاء
اللول حبيبي
فارس
صديقي
مياده
انا مش كلمتها بس باين انها عسوله
دينا
عسل والله
توتا
من اجدع الشخصيات اللى عرفتها
استايل
حبيب احمد والله
كوول
ماتلكمتش معاها بردو بس شكلها شقيه
صاصا
اخويا الصغير
موودى
لسه عارفه قريب بس شخصيه حلوة

ثانيا كلام جارح بس نفسك تقوله هو ايه؟ وتقوله لمين؟
انتى بتقولى جارح يبقى مينفعش اقوله وانا مش بحب اجرح حد ايا كان عمل فيا حاجه وحشه
ثالثا امتى تشدك بنت اووى؟وهتعمل ايه سااعتها؟؟
والله اخلاقها وجمالها دول المقام الاول عندى وساعتها هروح اكلمها وده نادرا جدا لما يحصل
رابعا لو حبيت بجد تقولها ازاى عن حبك؟؟
والله اقولها بحبك فى اى وقت ولما اكون حاسسها بجد
خامسا لو حبيبتك زعلتك بيكون رد فعلك ايه؟؟
والله لو زعل حاجه ممكن تطلعى عن شعورى بمشى عاشن لو طلعت عن شعورى ببقى صعب
انما لو عادى هنتعاتب بس
سادسا لو انت اللى زعلتها بتصالحها ازاى؟؟
ههههههههههههههه
مبغلبش
انا الحمدلله اقدر اقنع اى حد باللى انا عاوزه وباقل مجهود كمان
سابعاالحاجات دى بتمثلك ايه؟

الحب
فاكهه الحياه
المال
عجله الحياه
الصداقه
الشئ اللى بتمناه
المكانه الاجتماعيه
مظاهر وبس
الشهره
مش بحبها
ثامنا ايه رايك ف الكلمات دى

الوهم
كتير اوى من الشباب بيعيشوه
الظلم
شئ صعب اوى
الكره
مش اعرفه
الغدر
ولا سمعت عنه فى حياتى
الشر
اها ربنا ميوريكي شري
الخبث
لالا مش بحبه
تاسعا اكتر حد بتحبه ف المنتدى
ههههههههههههههههههه
فى كتير اوى اوى

عاشرا اكتر حد بتشتاقله ف المنتدى
بردوا سئوال صعب اجاوب عليه

واكيد للحديث بقيه
فاااااااااصل

سؤال اخير النهارده ونكمل بكره

اول قصه حب بيبقى ليها ذكريات مضحكه
احكيلنا ازاى بدات وانتهت وايه اللى اتعلمته؟؟

بااااااااااااى

حسام باشا
انا جيييييييييييييييييييييييت
شوية اسئله كده ع الخفيف
لسه التقيل جاي
حبيبي والله
لما نشوف

ايه هو مفهوم الصداقه عندك؟
الصداقه عندى شئ صعب انك تلاقيه فى الزمن ده لان الصداقه من وجهه نظرى اخلاص وتضحيه من اجل شخص اخر دون النظر لمقابل

ايه رايك ف الحب ؟
الحب شئ من الصعب انى اعيش بدونه
واخباره معاك ايه دلوقت؟؟؟
الحمدلله تمام
ربنا يوفقنى وتكمل على خير

امتى حسام يتنرفز او يتعصب ؟؟
حسام عصبي اوى وبالذات لما حد مش يحترم ميعاده معاه او يعامله بطريقه مش تعجب حسام والعيال الصغيرة عياطها بينرفزتى جدا جدا

حسام يتصرف ازاي لو اتفهم غلط ؟؟
مش لازم اوضح انى مش كدة بسيب الايام تعرفهم الصح دة لو كان الشخص مش يلزمنى لو يلزمنى بحاول افهمه حسام قصده ايه بالعقل والمنطق

فارس ايه عيوبه ومميزاته بالنسبه لحسام
بالمختصر بتشوفه ازاي ؟؟
فارس شخص طيب جدا جدا
بس يظيط مواعيده وميتاخرش على حسام
ويبص لقدام ويسيبه من اى كلام فاضى
ويحاول يركز فى الدراسه شويه

ايه رايك ف اصحابك اللي ف المنتدى
ولو عاوز تقولهم حاجه هتقولهم ايه ؟؟
والله اقولهم ونعم الاصدقاء
بس ياريت يبقى في صدق وصراحه اكتر مع بعض

شايف بكره ازاي ؟؟ بتحلم بايه ؟؟
بكره الجمعه ههههههههههه
بحلم انى اكو نفسي فى اسرع وقت واتجوز بقى ياعم


خطوه عملتها ف المنتدى ولو رجع بيك الزمن مش هتعملها ؟؟
ممكن الخطوه دي تبقى توبيك او تعليق
او موقف مع حد ؟؟
حسام مش بيندم على حاجه عملها لانه بيقتنع باللى بيعمله

حاجه ف حسام نفسك تغيرها ؟؟

العصبيه وطيبه القلب

ردت فعلك ع الاسئله دي ايه ؟؟؟

هههههههههههههههههه
اقل من ما كنت اتوقع منك
ولا تقتيل ولا كلام من كلامك ده
دة انتا طلعت غلبان اوى

اسيبك انا دلوقت جاوب ع دول
ولسه التقيل جاي زي ما وعدتك
فارس

منور ياملك
دة نورك يا قمر
اولا
هااااااا
هل انت مغروور؟
ههههههههههههههههههه
انا زهقت من السئوال ده

الناس فى الزمن ده مفكر الثقه فى النفس غرور
ومفكره انى لما افتخر بانجاز او اى نجاح ليا فى اى مجال يبقى بردو غرور

انا عمرى ما كنت مغرور واللى يتعامل معايا عن قرب هيعرف ده

وانا من الشخصيات اللى بحب التواضع جدا
ولو عيل صغير ناداى فى الشارع بقف واتكلم معاه كمان

عمرى ماكنت مغرور

بس نعمل ايه فى كلام الناس


وليه؟


من تواضع لله رفعه

بس خلاص؟

وحشنى الاسئله يا جدعان

ازيك ياحسام
الحمدلله ياقمر
انا جيت من تانى
تنورى فى اى وقت
معلش حظك بئى ان المنتدى فية حالة من الخمول

قولت اجى واكون انا نشيطة ههههههههههههههه
ليا الشرف بده

يالة بئى نبتدى واسالك كام سؤال كدا

يارب يتعجبك الاسئلة
هتعجبني متخافيش

لو طلبت من حسام يختصر احلامة هايقول اية ؟
انا بحلم ابقى حاجه كبيرة اوى يعني رجل اعمال حاجه زى كدة
وابقى مقتدر واسعد كل اللى حواليا
لو بعد الشر طبعا قالولك بكرة اخر يوم فحياتك هتعمل اية ؟
هحاول اصالح اى حد زعلته فى حياتى كلها
ودة فعلا انا بحاول اعملنه اليومين دول
لو قولتلك تعالى نرجع لماضى كدا اية اللى هتفكر فية واية اللى ممكن تاخدة معاك ؟
هفتكر حجات كتير اوى اوى ولو هاخد حاجه هاخد حدوته باهله وناسه معايا فيه
لو طلبت منك انك تختار حاجة تفرحك وانا احققهالك تختار اية ؟
انى اشوف الانسانه اللى انا حبيتها وكنت مرتبط بيها اسعد واحده فى الكون
لو قالولك نرجعلك انسان افتقدتة هيبقى مين ؟
صاحب عمرى طبعا حاسس انى مفتقده
لو حبيت ترجع لفترة معينة من حياتك هاتكون اية ؟
اكيد الطفوله لانى كنت طيب اوى ومش بعرف يعني ايه شقاوه
لو سالت حسام متى سيعلن الحزن هايكون ردك اية ؟
الحزن عند حسام يبقى توقف لكل حاجه وده هيحصل لو بعد الشر افتقدت حد من الناس اللى بحبهم واتوفى
لما حسام هينام ويحلم نفسة يحلم باية ؟
والله يا جماعه انا بقالى فتره كبيرة بحلم باللى مش عاوز احلم بيه ولو خيروى يبقى مش احلم خالص
لو قولتك ضيف حاجة لحياة حسام شخص صفة عادة يعنى هاتكون اية ؟
نفسي بجد ارجع حسام بتاع زمان اللى ميعرفش غير الصلاه وعباده ربنا وحبي لاصحابي
لو طلبت من حسام انة يتمنى الخير والسعادة لشخص هيكون مين ؟
اكيد طبعا هيكون اختى حبيبتي

والانسانه اللى كنت مرتبط بيها بجد بنبسط اوى لما اعرف انها مبسوطه
لو فايدك سكينة ممكن تجرح بيها مين ولية ؟
انا بصراحه مش هقدر اجرح حد تانى
دة انا نفسي فى دوا اداوى بيه الجراح اللى تسببت فيها
مين الشخص اللى هاتكون مبسوط اوى النهاردة لو لقيتة فالمنتدى ؟
انا مبسوط بوجودك انتا يا توتا يا قمر
حسام معاة مصباح علاء الدين وظهرلة المارد ولية تلاتة امنيات هاتكون اية ؟
احس ان ربنا واهلى راضيين عنى
ابقى رجل اعمال كبير
اتجوز بقى
على جدار الزمن حسام هايكتب اية ولمين ؟
ربما الشخص لا يجد السعاده ولكنه يظل يبحث عنها حتى النهايه
فى مقولة بتقول لما نختلف نفترق اية رايك فالمقولة دية ؟
فعلا
حصل لما انا بطلت تدخين وصاحب عمرى مبطلش كل ما انصحه يضايق ويبعد عنى لحد ما بقينا مش بنكلم بعض
واية رايك كمان فالحسد وهل بتؤمن بالسحر؟
السحر موجود فى القرءان وانا اعرف كتير عنه
بس انا مش بحط فى دماغى موضوع الحسد ده
ههههههه يالة بئى ماهى باظت

اخر حاجة بئى

لو سالت حسام وقولتلة

هل تعتقد ان القلب كالفندق يسكنة اكثر من شخص ؟
بصي انا ممكن اكون برتاح لناس كتير اوى وبحب يكونوا جنبي ومعايا بس هو شخص واحد اللى قلبي ناداله وقاله انا عايزك ويايا

انا خلاص خلصتى يارب ماكونش طولت عليك اووووووووى
ههههههههههههههه